ايه حكايه طب بيطرى الوادي الجديد إقليمي.

[زيزو1900]

المشاركة الأصلية كتبت بواسطة عبدالله الكومى

ثم نأتي الي مجالات عمل الطبيب البيطري :

1- العمل في مستشفي حكومي او خاص أو عيادات بيطريه

2- العمل في المزارع بأنواعها ( خيول – دواجن – أرانب – ماشيه )

3-العمل في المجازر للرقابه علي اللحوم

4- الرقابه علي الأغذيه في المصانع والشركات

5-العمل في الحجر الصحي

6- فتح عياده حيوانات صغيرة (قطط – كلاب)

7- فتح مشروع خاص (تربيه دواجن – أرانب)

8-العمل في مجال التحاليل الطبيه (بعد الحصول علي دبلومه تحليل)

9- السفر للخارج والعمل في اي دوله عربيه

او العمل قي شركات الأدويه كمندوب وإن كنت أري أن البعض يتخذها

مرحله إنتقاليه ،ثم يعمل بعد ذلك في المجال البيطري.



وبالطبع هناك المزيد من مجالات العمل فهي لا تتوق عند ذلك

من رقم 1-5 محدش بيلاقيهم لدرجه ان كان فيه مسابقة عايزين 1500 بيطري اتقدم 50000 واحد وفي الاخر للي اتعيين اتعين بواسطة اصلا
...........
وبالنسبه لفتح عيادة بيطري ماحدش بيعمل كدة اصلا
وشوف خريجى بيطري بيشتغلوا ايه بعد ما يخلصو

[SENDRILLA]

المشاركة الأصلية كتبت بواسطة زيزو1900

من رقم 1-5 محدش بيلاقيهم لدرجه ان كان فيه مسابقة عايزين 1500 بيطري اتقدم 50000 واحد وفي الاخر للي اتعيين اتعين بواسطة اصلا
...........
وبالنسبه لفتح عيادة بيطري ماحدش بيعمل كدة اصلا
وشوف خريجى بيطري بيشتغلوا ايه بعد ما يخلصو

سوري بس الرد استفزني
حضرتك علي اي اساس افترضت ان محدش بيفتح عيادات بيطري
حضرتك دخلت بيطري قبل كده ومعرفتش تفتح عياده
كل او معظم الدكاتره عندنا في الكليه فاتحين عيادات بره او عاملين مشاريع مزارع
وكتير من المعيدين اللي لسه متعينين معاهم عربيات ومتجوزين في اقل من سنتين
والدكاتره الكبار ربنا يكرمهم اللهم لا حسد يعني
وفي اي منطقه راقيه زي المعادي او مصر الجديده بتلاقي اكتر من عياده بيطري في الشارع الواحد
وفي الناطق الريفيه شويه برده بتلاقي عيادات
امشي عند الهرم كده في الطريق الصحراوي ده هتلاقيه كله مزارع بجميع انواعها
واقول لحضرتك بقي ازاي بتوع بيطري عاطلين
في دفعة معينه كان العدد 600
واحده قريبتي كانت من ال600 دول
وطلعت ال 200 ع الدفعه
شوف بقوللك ال200
اظن هتقوللي ملقتش شغل دي طالعه ال200 يعني
هي حاليا شغاله في الرقابه علي الاغيه في المدينه الجامعيه لاحدي الجامعات الحكوميه في القاهره
وحضرت ماجستير قريب وربنا يكرمها بعمل اضافي كمان لانها بترجع الساعه 2 زي باقي الموظفين
حاجه كمان في مصالح حكوميه كتير بيتعين فيها اطباء بيطريين
وبمرتبات تفوق اي وظيفه حكوميه تانيه مش زي خريج الطب مع احترامي ليه اللي بياخد 280 جنيه في الشهر
ده بالنسبه للنقطه الاولي ان حضرتك شايف ان محدش بيفتح عيادات ومزارع
تمام
مع احترامي طبعا لخريجي العلوم والطب
لان مفيش كليه احسن من غيرها
ولا في كليه مستقبلها احسن من غيرها
المستقبل اولا واخيرا بايد ربنا
واللي ربنا اراد ليه يبقي مستقبله كويس محدش هيقدر يمنع ده مش كده
وتحياتي لحضرتك