قولولي يا جماعه

princess bosy · #1 11-09-2009, 04:14 AM

الا قولولي يا جماعه خريجي كلية التجاره ممكن يشتغلوا ايه غير محاسبين

tha elite boy · #2 11-09-2009, 04:30 AM

علشان متوجعيش دماغك نتفكريش فى الشغل دلوقتى دى حاجة ترجع لربنا بس تقريبا ملهومش الا الاشغال الماليه والحسابات فانتى سيبيها على الله وانا اسمى محمد قبلت تجارة انجلش عين شمس

فرسان الحق · #3 13-09-2009, 10:38 PM

يا سيتى خريجى تجاره ممكن يشتغلوا محاسبين او مندوبين مبيعات او اداريين او لو حضرتك دخلت قسم الاقتصاد ممكن تشتغلى محلل مالى او محلل اقتصاد و كمان ممكن سمسار بورصه و فيه قسم الاحصاء تجاره ليها شغل كتير و مجالاتها واسعه جدااا
و الشغل ده 80% بيبقى بالمعارف و هو عملية رزق من عند ربنا و مممكن الواحد يشتغل شغلانه غير تخصصه خالص المهم ربنا يوفقه و يشتغل شغل يقدر يثبت نفسه فيها و يكون راضى عنها

princess bosy · #4 15-09-2009, 06:50 AM

بس انا مش بحب اشتغل الشغل ده تجاره اصلا مؤرفه انا دخلاها بغصب عني

فرسان الحق · #5 15-09-2009, 10:16 PM

امال انتى عاوزه تشتغلى ايه ؟؟ نصيحه متحطيش فى دماغك انك داخله تجاره غصب علشان تضيعيش سنه من عمرك انا ليا واحد صاحبى كان دخل تجاره غصب برده و كان عاوزيدخل كليه تانيه و سقط اول سنه حول الكليه اللى عاوزه السنه دى و ضيع سنه من عمره على الفاضى
فقدام انتى دخلتى تجاره شيلى من دماغك انكدخلاها غصب و لما هتبداى تقرا وتذاكرى المواد اللى فيها هتحبى الكليه و لما تتعرفى على اصحاب كويسين فى الكليه هتحبى الكليه اكتر و الموضوع الشغل ده سبيها على الله اصلا موضوع الشغل ده ف اى مكان بيجى عن طريق المعارف

ALFARES · #6 15-09-2009, 11:47 PM

اقتباس:

المشاركة الأصلية كتبت بواسطة فرسان الحق

ي و فيه قسم الاحصاء تجاره ليها شغل كتير و مجالاتها واسعه جدااا

لوسمحت انا رايح تانية تجارة والتخصص من تالتة ممكن اعرف مجال شغل قسم الاحصاء اية ؟؟؟

التؤمان · #7 17-09-2009, 01:59 AM

بصى ماتحطيش فى دماغك لانك مش هتقدرى تذاكرى ولا تمشى فى الكلية وبالنسبة للشغل دا يرجعلك اذا اختارتى محاسبة هشتغلى فى مكاتب المحاسبة وقسم المحاسبة فى الشركات واذا اختارتى ادارة اعمال هتشتغلى فى المجال دا وبعدين مجالات الشغل فى تجارة واسعة واذا محبتيش الشغل دا خدى كورس كمبيوتر او انجليش وساعتها هتلاقى كل الوظائف هتقولك اتفضلى يا مولاتى و هيتخانقو عليكى كمان وساعتها هتختارى المكان المناسب ليكى بمجرد انك تقدمى الcv بتاعك

فرسان الحق · #8 20-09-2009, 12:17 AM

اقتباس:

المشاركة الأصلية كتبت بواسطة alfares

لوسمحت انا رايح تانية تجارة والتخصص من تالتة ممكن اعرف مجال شغل قسم الاحصاء اية ؟؟؟

انا و الله لغاية دلوقتى مش عارف شغل قسم الاحصاء ايه لكن ممكن تسال معيد الرياضه اللى هيديك و هو اكيد عارف