حد قدم دبلومة تربوي من الاخصائيين هذا العام

[simsim12]

السلام عليكم
ازيكم يا شباب الاخصائيين
وكل عام وانتم طيبين وربنا يثبتنا ويثبتكم ان شاء الله أجمعين
انا من المنصورة وان شاء الله هقدم في تربية المنصورة دبلومة هذا العام
اللي قدم هناك ياريت يقولي اية النظام
ونظام الدراسة - هيبقى ازاي
وربنا يوققكم جميعا

[وليد الاخصائى]

كل جامعة وكلها نظامة

[شيكو بيكو بيكو]

ياجماعة خريجى معهد خدمة اجتماعية تربوين ولا لاءءءءءءءء ؟
سؤال حير الوزارة والاكاديمية ولا احديعرف الاجابة حتى الان لدرجة انهم سوف يشكلون لجنة للافتاء فى هذا الموضوع من الوزارة .
فبرجاء الاجابة على هذا السؤال من احد المختصين وشكرا.

[وليد الاخصائى]

الاخصائى الاجتماعى لازم يعمل دبلومة تربوى اجبارى شرط التقدم لاكاديمة المهنية

[حدوتة المنتدى]

طيب دلوقتى يا شباب الكل محتار مع ان العقد المميز مكتوب عليه من الخارج معلم مساعد واخصائى مساعد صح ومن شروطة ان يكون المتعاقد صاحب مؤهل عالى مناسب وبالنسبة للمعلم المساعد خريج التربية واتعاقد فى تخصصه دا مفيش عليه اى حاجه وربنا يصلح حاله وحالنا نيجى للاخصائى دلوقتى انا بكالوريوس خدمة اجتمماعية وتم التعاقد مع تعاقد مميز بعد سنيين الحصة العزاب والحمد لله تعقد مميز وتم التعاقد معى فى تخصصى يعنى اخصائى اجتماعى رسمى يبقى ليه اعمل تربوى حد يرد علينا ياناس حرام الفلوس اللى هضيع دى لدبلومة هو مش icdl ياريت اللى يعرف يفدنا يجماعه اخوكم اخصائى أجتماعى محتار وكل سنة وانتو طيبين جميعا

[وليد الاخصائى]

من الاخر سالت فى الوزارة قالولى اعمل دبلومة تربوى بردوة مفيش حل تانى

[استاذة اسماء]

يا جماعة في زميل تاني ف المنتدى قال انه اتصل شخصيا بمستشار التربية الاجتماعية قاله ان الدبلومة مش للاخصاءيين نعمل ايه خلالالالالالالالالالالالالالالالالالالالالالالالال اص انا محتارة وزهقت خلاص وبفكر اسيب العقد دة حد يفيدني ماهو برضة حرام المصاريف ونطلع مش محتاجينها ف الاخر

[simsim12]

المشاركة الأصلية كتبت بواسطة استاذة اسماء

يا جماعة في زميل تاني ف المنتدى قال انه اتصل شخصيا بمستشار التربية الاجتماعية قاله ان الدبلومة مش للاخصاءيين نعمل ايه خلالالالالالالالالالالالالالالالالالالالالالالالال اص انا محتارة وزهقت خلاص وبفكر اسيب العقد دة حد يفيدني ماهو برضة حرام المصاريف ونطلع مش محتاجينها ف الاخر

ممكن تضعي رابط المنتدى دا
و انا سالت في المديرية
قالو الفاكس اللي جاي للمعلمين ولم يذكر الاخصائيين
وانا قدمت على اي حال في الدبلومة

[ابو الفاروف]

اريد الاستفسار
هل كما قولتم التعليمات جاءت بخصوص المعلم المساعد لعمل التربوى ويستثنى منها الاخصائيين فأنا اخصائى مساعد مكتبات وتعاقدت بعد 5 سنوات عمل بالاجر وكنت من اوائل من اشتغل اخصائى مكتبات وجاء تعاقدى طبقا لنسبة ال 5% اعاقة فأنا معاق بدنيا وبذلك تعاقدت دون الخضوع لشروط التعاقد والتى من اهمها التخصص
فأنا خريج كلية الاداب جامعة المنصورة قسم جغرافيا ولست وثائق ومكتبات فهل كل الاخصائيين غير مطالبين بالتربوى وهل ان كنا مطالبين بية فنظرا لظروفى الصحية واستثنائى فى التعاقد وادراجى ضمن نسبة ال 5% اعاقة يتم ايضا استثنائى من دبلومة التربوى ، دة ذل والله وهنجيب منين فلوس ليها ووقت دة من يوم ما اتعقدنا وهما بيزلونا فى الشغل حتى انا بظروفى الصحية زاد على مسؤليات العمل وشكرا