الحملة الكبرى لإسترداد حقوق المدرسين المتعاقدين ( للإيجابيين فقط )

[AHMMD]

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها
"حتى لا نكره مصر"
لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا
بنحبك يا مصر مهما تعملى فينا

الكلام دا جميل وحلو خالص
بس طبعا مينفعش نغير اسم الحملة لأن الحملة
لما بتقول اسمها لحد بتعبر عن نفسها
وسبق وقلت ارجوا من احد انه يكتب صيغة جيدة بملخص الحملة ويتم تعليقها في اماكن معنة بحيث نعرف الناس كلها
مثل الادرات
المناطق الازهرية
اماكن الدروس بردة
وكمان ممكن المساجد
او اي مكان بحيث نعرف الناس بالحملة
وكلمة اخيرة
عايزين نركز في الحملة وبلاش موضوع تغير الاسم والحاجات دي