فطار جماعى

[MoHaMeD ELsHeRbEnY]

السلام عليكم
هحكيلك الحكاية من الداية للنهاية
والله انا برئ يا بية
احم
عشان الواد الكذاب دا حلل الموضوع على مزاجة
وبعدين هوة مش قال مفيش صور ودا اكبر دليل انة كذاب
والله فية صور وهوة كمان الى كان بيصور
حتى صور طالعة شكلها ... احم
كان بيصور الـلاب توب ويسيب الاشخاص
ويصور الشيشة ويسيب الى بيشرب
ويصور ظاظا وجرجير ويسيبنا احنا مش عارف انا كان هيعمل بيهم اية دول
وبعدين كان محسسنى ان قنا مفيش فيها ظاظا وجرجير
اة ظاظا وجرجير بتوع المنصورة حلوين بس التانين بردة حلوين

دا كان تعليق سريع على الصور عشان محدش يتريق

ــــــــــــــــــــــ

هبدأ الحوار من اول فكرة العزومة
فى يوم اتقابلنا انا واسلام ومحمود طة فى المنصورة
واشترينا الـلاب توب واسلام قال انة هيعمل عزومة فى رمضان
ومحمود قالى فى ودنى دا واد فشار ولا هيعمل ولا حاجة
قلت لة عيب دا اسلام حبيبنا قالى ياعم دا بيشتغلنا
قلت لة يا محمود خليك حلو دا صاحبك بردة يقولى ياعم صاحبى مين بلا صاحبى بلا بتاع
قلت لة اسلام بتاع يا راجل عيب يقولى يا عم عيب مين بلا عيب بلا بتاع
وفضلنا على الحال دة ست ساعات لحد ظاظا وجرجير ما مشيو
( وربنا لوريك النجوم فى عز الظهر )

فى يوم لقيت اسلام بيكلمنى على الميل بيقولى انا قبضت
وكان يومها مزقطط يا عينى ومتعرفوش حصلة اية كان تقريبا الى مقبضة مش مسامح لة
او باصص لة فى الفلوس متعرفوش بقى
لقيتة بيقولى يلا عشان نتقابل قلت لة ماشى
كلم محمود وانا معنديش مانع بعد يوم باين لقيت اسلام بيقولى
اناكلمت محمود خلاص شوف مكان والحوار دة
تانى يوم لقيت اسلام بيقولى هنتقابل قدام مطعم البغل يوم الاتنين
قلت لة نعم انا اقعد فى بيتنا احسن هنأكل فول وطعمية !!
قالى لا هنتقابل بس هناك
الى اكتشفتة بعدها ان اسلام ومحمود طة اخرهم مطعم البغل وبعد كدة يتوهو
المهم تالت يوم لقيت اسلام بيقولى الاسطورة جاى
رابع يوم لقيت محمود بيقولى ناصر جاى
خامس يوم لقيت اسلام بيقولى الى عاوز يجى هاتة كنت يومها هبصم بالعشرة اننا هنغسل الاطباق
هكمل باليل بأذن الله
سلام عليكم