|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#3
10-09-2009, 11:10 PM
|
||||
|
||||
يا عم يا بتاع الطب انت فييييييييين الحلقة السادسة ؟؟؟؟؟؟؟؟
آخر تعديل بواسطة محمد عزت الهادى ، 11-09-2009 الساعة 01:49 AM 
|
|
#4
11-09-2009, 01:17 AM
|
|||
|
|||
الحلقه السادسه
الحلقه السادسه:
نكمل بقي بقيت اليوم في المدرسه طبعا صاحبي اللي اتروق عند الناظر زعل اوي مننا في اليوم ده ( بصراحه كان باين اللي الناظر كيفه اوي ) وصراحه كان ليه حق يزعل لان كلنا قولناله ولا نعرفك ومن الاخر طلعنا عيال في الموقف ده نيجي بقي لحصه مستر الانجليزي ده هو بصراحه مكنش حد بياخد معاه درس فكان عايز يعرفنا امكانياته وانه مدرس كويس وهو عكس كده طبعا لدرجه ان واحد صاحبي شاطر اوي في الانجليزي كان ممكن يدرسله المهم احنا كنا حاسين ان هو قدنا في السن ومش قادرين نقبله كمستر ممكن نثق فيه ونسأله وهو كان عارف كده وصراحه كان بيقرفنا اوي لانه شاب فاهم ايه اللي يضايقنا يعني مثلا حواره في الفصل المستر : يا (م) تعالي هنا (م): نعم يا مستر المستر: فين كشكولك (م) في سره: كشكول ايه يا حبيبي العب بعيد (م): حضرتك انا عامل كشكول للمواد كله المستر في سره: طب كويس لقيت سبب اضربك عشانه المستر: ايه التسيب ده افتح ايدك عشان تضرب (م): لا انا حضرتك ما بضربش المستر : نعم طب يا (ح) روح وديه للناظر يروقه (ح): اوكي يلا يا(م) (م) : ( بعد ما خرج من الفصل) ايه هتوديني عند الناظر بجد (ح) : عيب عليك احنا هنروح (م): ازاي؟؟؟؟؟ (ح) : ربنا يخلي عم رشيد هنشتري منه سندوتشين وهيفتحلنا البوابه و لو قفلت خالص ربنا يخلي السور انت مش بتعرف تنط؟؟؟؟؟؟ (م): اه طبعا انت بتكلم في ايه يلا بينا وبعد كده المستر يكلمنا بقي شويه عن الاسماعيلي ( لازم كل مستر يدخل نكلم شويه في الكوره) وكان اسمعلاوي اوي ودي احسن حاجه فيه بصراحه وعلي فكره هو بقي صاحبنا اوي بعد كده وجه معانا ماتش الاسماعيلي والاهلي في اسماعيليه اللي ساعتها الاهلي كسب بجون محمد بركات اللي الحمار اللي اسمه جونسون اداله الكوره ما علينا هو احنا ما ورناش غير المستر ده ولا ايه المهم انا النهارده مش هكمل كل حصص المدرسه انا هامشي في الفسحه وطبعا البوابه مش هتتفتح في الفسحه بس ربنا يخلي السور المهم بعد ما اطلع من المدرسه بكون في قمه السعاده كأني كنت في سجن وخرجت وبعد كده بنروح انا وصحابي نقعد علي اي قهوه نشرب حاجه ( وطبعا الحاجه بتختلف من شخص لشخص) يعني انا كنت بشرب بيبسي دايما واحد صاحبي ممكن يشرب سيجاره واحد تاني شيشه عادي جدا !!!!! انتوا ممكن دلوقتي تستغربوا ازاي ان دول صحابي بس هي دي الحقيقه وكمان في البيت كانوا رافضين كده؟؟؟؟؟؟؟ بس انا وجهه نظري ان طالما صاحبي رجل معايا يبقي خلاص مش مشكله !!!!! انا مش عارف ايه رأيكوا في الموضوع ده ؟؟؟؟ بس اي حد عنده رأي يقوله لانهم صحابي اوي لحد دلوقتي؟ المهم بعد كده بروح وطبعا المره دي مش مصدع ولا حاجه ومش محتاج انام فبروح اجيب اخواتي من المدرسه اصل انا كل اخواتي صغيرين واحده في تانيه ابتدائي وواحده تانيه في رابعه ابتدائي ؟ احسن برده مفيش حد كبير غيري يعني اتحكم فيهم براحتي !!!! يا سلام شعور جميل وطبعا بعد كده بروح الدروس عادي وبرجع اذاكر شويه وانام بصراحه كان يوم ممل اوي مفيهوش اي حاجه كله مدرسه وهروب من المدرسه ودروس ومذاكره ما هي ثانويه عامه بقي!!!!!!!! يتبع.................. آخر تعديل بواسطة dr\villa ، 11-09-2009 الساعة 01:46 AM
|
|
#5
11-09-2009, 01:48 AM
|
||||
|
||||
إيه الجمال ده معلش أصل أنا كنت نايم ساعه ما كتبت المشاركه اللى قبل كده وهصلحها....
وخلاص متحطش فى بالك ماتش الاهلى و الاسماعيلى ما هم لسه هيلعبوا تانى و تالت و رابع و برضه الاهلى مش هيتغلب أبداً و المهم الاصحاب يكونوا رجاله كل واحد له مزاياه وعيوبه ندله على عيوبه و نحاول نصلحها معاه و نسامحه و برضه نتقبله كما هو صح و لا ايه ؟
|
|
#6
11-09-2009, 01:57 AM
|
|||
|
|||
|
اقتباس:
اولا شكرا علي متابعتك وتشجيعك ثانيا الاسماعيلي هو الافضل نسيته اغماءه ابو تريكه في القاهره في ماتش تلاته صفر المهم سبنا من الحوار ده اصل انا متعصب اوي ثالثا ده رأيي في الاصحاب وشكرا ليك
|
|
#7
11-09-2009, 02:07 AM
|
||||
|
||||
يا مان انت ممكن تحاول تنزل المواضيع بالنهار علشان المشاركات تبقى احسن من كده ؟
وبلاش تتعصب يا سيدى بس الاهلى هيغلب برضه
|
|
| العلامات المرجعية |
| الكلمات الدلالية (Tags) |
| ح كل حاجه |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:35 PM.
