نصائح للجدد+موقع المناهج+آلة كاسيو..هديه!!

[الأمير الرقمى]

المشاركة الأصلية كتبت بواسطة medo abdo

انا عايز اعرف
1/هل الهندسة المدنى متوفر فيها فرص عمل على الرغم من انك اكيد ملاحظ كتير من طلاب هندسة الزقازيق بيدخلوا القسم ده ؟
2/هوه قسم المدنى بياخد مجموع كام؟
3/ ايه اهم الكتب اللى ممكن تفيدنى فى الهندسة عموما؟
4/ ايه حكاية الكليات المعترف بيها دوليا وايه هى الكليات اللى مش معترف بيها دوليا؟

1-فرص العمل تعتمد أولا وأخيرا على الخريج(قدراته العلميه-قابليته لتحمل المسؤوليه فى العمل...إلخ) بغض النظر عن القسم......(تم مناقشة الموضوع سابقا)

2- المجموع المؤهل للقسم يتم تحديده بعد انتهاء سنة اعدادى ( يقوم الطالب بملئ استمارة رغبات فى القسم الذى يود دخوله بعد اعدادى) وبناء على كم الطلب على القسم يتم تحديد مجموعه (تقدر تقول تنسيق مصغر تانى بعد اعدادى).....فإنت عشان تريح نفسك....لازم تجيب مجموع مستريح عشان تختار القسم اللى انت عاوزه براحتك

3-وانت فى اعدادى هندسه أو فى أى قسم....الرياضيات هى أهم ماده مشتركه لكل الأقسام....لازم مستواك يكون مش أقل من (جيد) فيها.....لكن الكتب المتخصصه مش هتهمك فى اعدادى

b]4-[/b]كليات الهندسه الحكوميه معترف بها دوليا طبعا (معنديش خلفيه عن الجامعات الخاصه)....والمقصود بالكليات المعترف بيها هى الكليات اللى بتدرس (عدد) معين من (المواد الدراسيه) (بعدد ساعات معين أسبوعيا )مما يؤهلك لاستكمال دراستك بالخارج مباشرة فى حالة الرغبه فى ذلك لأن دراستك فى هذه الحاله تكون مناظره لمثيلتها فى أى دوله

المشاركة الأصلية كتبت بواسطة جعلتني مهندسا

يعني لو الجامعة بتاعتي مش معنرف بيها دوليا

ماينفعش أشتغل بره

أرجوك فيدني يا بشمهندس

وانت خايف من إيه؟.....هى كليتك مش معترف بيها؟......عموما ياسيدى ماتقلقش....انت كده كده مش هتسافر بره على طول....انت أكيد هتشتغل هنا فتره ان شاء الله ....وبعد كده هتسافر لو حبيت على حس خبرتك فى العمل اللى كنت شغاله وحكاية (انت خريج جامعة إيه) دى بتتنسى