|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
رايكم يهمني
بسم الله الرحمن الرحيم و به نستعين
يا جماعة انا السنة دي باذن الله داخلة كلية الاداب قسم الاثار و الدراسات اليونانية و الرومانية بجامعة الاسكندرية انا بحب الاثار جدا عشان كده اخترت القسم ده بس في ناس بتقوللي ان القسم صعب و ملهوش مستقبل يا ريت اللي عنده خبرة يشارك برايه و يا ريت تقولولي ايه مستقبل القسم ده ياريت تشاركوا بارائكم لان بجد رايكم يهمني |
#2
|
||||
|
||||
بسم الله الرحمن الرحيم السلام عليكم ورحمة الله وبركاته بوصى يافاطمة
أنا هأقولك حاجة بسيطة بحكم خبرتى فى السنة اللى فاتت اللى مرت عليا فى الجامعة. الجامعة يافاطمة تختلف اختلاف كلى بل وجزئى عن الثانوية العامة والكلام ده هتشوفى بنفسك لما تدخلى الجامعة. هتسألينى تختلف من ناحية ايه؟ وانا هأرد عليكى وأقولك هتختلف فى حاجات كتير كالتالى": (1) فى الثانوية العامة ممكن كنا نطنش يوم ما نذاكرشى فيه وكمان فى الثانوية العامة كنا فى شهر 4 و 5 مكناش بنروح المدرسه لكن فى الكليه ما ينفعشى الكلام ده . (2) فى الكليه أنا هانصحك نصيحة لوجه الله عايزة تعملى بيها هترتاحى وهتدعيلى موش عايزة تعملى بيها انتى حرة فى الجامعة اوعى تسيبى حد مهمان كان يعطلك عن محاضرة او صاحبتك تقولك سيبك من المحاضرة دى وتعالى نقعد على الكافتريا وبعدين نبقى ننقولها من أى حد يمكن انتى موش مصدقة الكلام اللى بقولهولك ده دلوقتى لكن والله العظيم الكلام ده هتشوفى بنفسك . عارفه ليه بقولك كل الكلام ده علشان الطلبه كلها فى سنه اولى فى النصف الاول من العام الدراسى بيكونوا واخدين فكره عن الجامعة غير اللى هيشوفوها خالص كلهم وما فيش استثناءات عاملين انهم هيروحوا الجامعة بئه وهيحضروا محاضرات براحتهم ويدلعوا براحتهم هههههههههههه لكن هيشوفوا واقع غير اللى فى دماغهم خالص * أولا** بيعدى منهم شهر 10 و11 و نصف 12 فى الكلام الفاضى والوقت بيعدى منهم زى الهوا لانهم لسة ياعينى موش عارفين حاجة ويظنوا خطأ بأنى المواد دى هيخلصوها فى يوم او ساعتين. فأنا بحكيلك اللى بيحصل فى الجامعة مع طالب سنة اولى بيعدى منه شهشر 10 و 11 ونصف 12 بعدين بئه يبدأ يفوق ويفكر فى الامتحانات ويبقى ياعينى مضايق خالص وحالته النفسية تصعب على اى واحد يشوفه ويعمل فى البيت معسكر مغلق لأنه خايف من الامتحان ولأنه لعب وهزر كتير وما كانشى يذاكر المواد بتعاته يوم بيوم . ويبدأ بئه بيفكر فى حاجات تانيه أول ما يمسك الماده ويجى يذاكرها ويدوبك هيفتحها علشان يذاكرها يقول لنفسه ايه الصعوبه دى أنا لسه هذاكر ده كله والامتحان يدوبك فاضله اسبوعين. يقعد يقول لأ أنا هأنزل أشترى تلخيص الماده من المكتبه ولسه لما ينزل ويشترى التلخيص بتاع المكتبة يكون عدا يوم والامتحان كل شوبه بيقرب يقعد بئه يذاكر أى حاجة فى اى حاجة ويبقى مرعوب من جواه وخايف لحسن يسقط فى الماده . ويعيد السنة ويبقى وشه يوم الامتحان ضارب الوان ويتمنى لو يرجع سنة اولى تانى علشان يذاكر صح الصح. دى حاجات يافاطمة أنا بأقولهالك علشان والله العظيم موش هتلاقى حد يقولهالك فى الجامعة ولا زميلتك فى الكليه ولا حتى الدكتور نفسه. فالشاطر بئه اللى يخلى باله من كل ده ويذاكر يوم بيوم ومايفوتش محاضرة لأى دكتور لأنى الدكتور كل يوم بيقول حاجة جديده وياعالم ربما محاضرة متحضريهاشى الدكتور ييجيب منها فى الامتحان. أما بئه بخصوص سؤالك عن القسم اللى دخلتية فاذا انتى عملتى بكل النصايح اللى فوق دى والله العظيم هتلاقى القسم بتاعك ده أسهل قسم واحتمال كبير نشوفك ان شاء الله متخرجة منه معيدة بعد أبع سنين والبنسبة للشغل بتاعة فانتى هتشتغلى فى الاثار. واهم حاجة علشان ربنا يوفقك فى ده كله تحافظى على صلاة الفجر يافاطمة وتذاكر بعدالفجر هتلاقى المعلومة على طول راسخة فى ذهنك فى اى وقت تحتاجيها. وأى سؤال عايزاه انا موجود فى اى وقت. |
#3
|
||||
|
||||
شكرا علي هذه النصيحة الرائعة
بجد هذه النصيحة طمنتني كتير و ان شاء الله سافعل كل ما بوسعي كي احقق هدفي و هو النجاح في القسم الذي طالما تمنيت ان ادرسه |
#4
|
||||
|
||||
بجد الموضوع دا فادنى كتير جدا وعرفنى حاجات مكنتش اعرفها بجد والله شكرا ليك على هذة النصيحة الغالية وبجد افضالك كترت علينا اوى ومش عارفين نقول اية وبجد افضل مذاكرة بعد صلاة الفجر ودى عن تجربة شخصية انا كنت باعمل كدة فى الثانوية السنتين اللى ربنا ميعدهم تانى ابدا وناوية اكمل ان شاء الله ولان ركعتين الفجر خير من الدنيا وما فيها
|
#5
|
||||
|
||||
اقتباس:
اقتباس:
فاطمة / ماريهان
لا شكر على واجب فنحن جميعا ً هنا فى بوابة الثانوية العامة من مشرف وحتى مشرف ادارى والى مدير الموقع. نعمل جميعا لخدمتكم ولراحتكم. |
العلامات المرجعية |
|
|