×?°"?`"°?×الإلــــحـــــاد ×?°"?`"°?×

[Messenger of Peace]

بسم الله الرحمن الرحيم
السلام عليكم ورحمة الله وبركاته

الحمد لله الواحد القهار، المتصرف في خلقه بما يشاء ويختار، يقبض ويبسط ويرفع ويخفض، يجعل بعض خلقه لبعض فتنه، وله في كل تصريف حكمة، وفي كل محنة على المؤمن منحة، وأشهد أن لا إله إلا الله وحده لا شريك له، وأشهد أن محمدًا عبده ورسوله.



أما بعد:
لقد سبق لنا الحديث عن هذا الموضوع وتم الحذف من مشرفة القسم العام ولا ادري ما السبب ولاحقتها لعلي اعلم سبب ولكن دون فائدة
لذا قررت اعادة نقاش الموضوع مرة اخرى معكم وألا نغفل أعيينا عن هذه الفئة
فئة من لا دين لــه ولا يعترف بحق الله عليه ولا يشهد بحق الوهيته وجلال سلطانه وعظيم شأنه و حكيم صنعه ....
-تعظمت وتنزهت ربي( رب السموات والأرض ورب العرش العظيم ) عما يصفون -
ولكن
ما الذي استلهمني ان انقاد الي فتح حديث مثل هذا ؟!!
هل اثارة جدال وحسب ؟!
أم اثارة بلبلة وذعر
ام تشكيك وكفر - العياذ بالله -
اشهد ان لا اله الا الله وحده لا شريك له واشهد نبوة سيدنا موسى ( كليم الله)
وسيدنا عيسى ( كلمة الله القى من روحه)
وسيدنا محمد خاتم الانبياء والمرسلين
لقد صدقت برهاناً بالأديان السماوية بعثت من الله حق الوهيته وصدق رسله
وهذا شأن حالنا جميعاً
ولكن خرجت عنا فرقة
تكفر بهذا وتسب ذاك وذاك وتلعن هذا وهذا ويكفر بهذا وبهذا
ويشهر به سراً وعلانية
فئة الملحدين حسبما فهمته من خلال حديثهم انهم:
1- يجردون المولى عز وجل من حق الوهيته ( تعالى الله عما يصفون).
2-يجردون الرسل من رسالتهم
3- يفترون الكلم بأن الأديان خرافة الشعوب
4 - ينصبون المحاكم والاغلال -حسبما تفكيرهم - الى ...و ....
5- يدعون الألوهية من دون الله - لا اله الا الله وحده لا شريك له له الملك وله الحمد وهو على كل شئ قدير -

هذه بعض من آرائهم فهل لنا ان ندلي على رؤوسنا الثياب السوداء وكأنما لم نرى شئياً
هذه رسالة ليست الى مسلم فقط ولكن لكل رسالة من الرسلا الثلاث شهد لله حق الوهيته وانه الفرد الصمد , لم يلد ولم يولد , ولم يكن له كفواً احد , وليس له شريك في الملك , المتصرف في شئون كونه المتعالى الجبار الحكيم العليم .
ولنا بقية الحديث وقد عزمت عزماً شديداً ان اكمل هذا الموضوع على خلاف ما سبق من المواضيع في الوقت الراهن لما قيل انني القي كلاماً جذافاً
سواء اتجام القضية نفسها ام بشأن طه حسين الذي اقتبست له من الكتاب الذي ذكر في الموضوع المحذوف - عندما يكون الالحاد اذكى- ( حذف دون وجه حق وغياب اسباب حذفه بعد الرد عن التساؤلات حوله)
انا لم اقم بتكفيره ولا يحق لاي مرء ان يكفر احد مهما علا شأنه ولكني عرضت جزء من اقواله!
ألم يكن هذا ما تضمنه الموضوع استاتذي المشرفين ؟!!

لنا لقاء آخر ان شاء الله
في رعاية الله
Messenger of Peace

[BaNZeR]

ياترى ايه فكرة الموضوع وليه مسردتوش كله مرة واحدة
وهل غرض الموضوع أن الالحاد أخطر علينا من الفئات الدينية الاخرى ؟
انتظر موضوعك

[COoL HEaRT]

انا حذفت كله ..
رد ع الحاج بانزر
وورينا الموضوع اللى هنتناقش فيه ..
وادينا waiting لبكره
:::::::::
اه بالمناسبه عشان نسيت.. نوعيه الموضوعات اللى بتكمل بعدها بفتره دى
ياريت ياريت يعنى تحط الموضوع مره واحده شروه كده
عشان فى ناس نفسيا بتتعب

[*ساسُّو*]

منتظرة الباقى ان شاء الله

[ليتني طفله وهمي لعبتي]

السلام عليكم ورحمة الله وبركاته
أولا ياأخ معاذ
سلمت الأيادي على الموضوع
والنقاش فيه فعلا مهم جدااااااااااااا
لأن الإلحاد
مش مذهب
ولا مله
ولا دين
إسمه إلحاد
ناس لا طايله سما ولا أرض
متشعلقه في النص
متفهمش بيعترفوا بإيه
ومش بيغترفوا ب إيه
أنا واحده كنت من الأعضاء اللي كنت فرحانه جدا عشان الموضوع اللي فات
وكنت متحمسه جدا
وطلعت فعلا أوراق كانت عندي بتتكلم عن إلحاد طه حسين
عميد البله العربي
اللي الناس كلها زعلت أوي عشانه
ولكن هوا لا يستحق النقاش فقط
وأنا عندي مراجع لييييييييييه هوا
حاجات قايلها بلسانه ومكتوبه عنه
تدل على تفاهة هذه العقليه
ولكن ربنا يسامح اللي مسح الموضوع
وأنا هنزل الكلام ده في الموضوع ده
بإذن المولى



وجزاكم الله خيرا
أختكم
الزاهــــــــدة

[Sharp]

كمل ياحمادة موضوعك
مووضوع مهم
الناس اعداء ماجهلوا

[BaNZeR]

بدل ما منظري وحش وكل شوية ادخل ملقيش موضوع

احاول اختلق موضوع بقى

بس في الاول خطر على صحتك إنه الموضوع يفضل من تاريخ 24 لحد النهاردة 26 من غير موضوع

ولو انت زعلان إنه بنوتة شالت الردود اللى كانت في النص انا كان زماني شلت الموضوع كله

انا فكرة أنت ليك مواضيع حلوة جداً وكنت معجب بيها
بس انا هنا مش بكلمك كشخصك (ماسنجر اوف بيس)
بكلمك كواحد لسه جديد خالص
(يعني مفيش مشاكل شخصية ابداً ولا انا بحب النقد لمجرد النقد)

المهم
انت لما رديت عليا بقولك ايه غرض الموضوع
مش قصدي بيتكلم عن الالحاد ولا الشيعة
قصدي غرض الموضوع الانتظار ولا المناقشة
يعني حتخلص امتى م الآخر

انا قلت بقى ححاول اختلق موضوع
حقتبس ردك في الاول

وهل غرض الموضوع أن الالحاد أخطر علينا من الفئات الدينية الاخرى ؟
الدين لله - لا اله الا الله -
لكن لما حد يقولك مافيش اله اصلا مافيش دين
اظن السؤال مجاوب نفس يا باشمهندس

اسمحلي اعارضك في الجملة ده

لما يجيني واحد شيعي مؤمن بنفس اسلامي مع بعض التغيرات البسيطة
وانا مقتنع بديني الاسلام
الشيعي حيكون اقدر واحد يقدر يغيرلي بعض المفاهيم البسيطة المخلخلة عندي في الاسلام
ويقدر يبرمجني تاني حسب ما هو عايز


وتتدرج الحكاية للمسيحي لليهودي وهكذا

بس ميجيليش واحد مش مؤمن بحاجة ابداً ويقولي اتبع دينه او اتبع اللادين
حقوله روح يابني ربنا يهديك

يبقى الالحاد إذا كانت رسالته لا اله ولا دين
فخطره اقل خطراً امام جميع الديانات لاصحاب العقول
فجميع الديانات الثلاث تعترف بوجود الاله

هذا رأيي
واتكلم بقى شوية في الموضوع عشان انا زهقت من الانتظار ده

[_GUIDE_]

على فكرة الموضوع حلو
ولا اختلاف على ان الالحاد شكل من اشكال الكفر
ولكن المسمى بيكون مختلف
والالحاد بينقسم لعدة انواع فى الحاد بينكر وجود الله
وفى الالحاد الضعيف اللى هو اقرب الى الشرك زى المشركين لما كانوا بيقوله انما نعبد الاصنام لتقربنا زلفة الى الله
والالحاد ظهر فى مصر فى الوقت الحاضر من خلال
مجموعة ما تسمة بعبدة الشطبان
لكن تفكرهم كان دنيوى الى ابعد الحدود
انا مش عارف بجد هتناقش معاك ازاى
بس من الردود وردودك على الاعضاء
وانا اقسملك بالله من عنوان الموضوع علمت انه منقول
وكان واجب عليك للامانة انك تضع فى نهاية الموضوع كلمة منقول
عمتا لو مستوى الحوار والنقاش تغيير هيكون ليا عودة ان شاء الله
فائق احترامى

[Messenger of Peace]

وانا اقسملك بالله من عنوان الموضوع علمت انه منقول

وكان واجب عليك للامانة انك تضع فى نهاية الموضوع كلمة منقول

من غير ما تقسم برب الخلائق يا اسلام انا هوريك اية المنقول
وفكرة الموضوع مش منقولة والمووضع مش منقول انا اللي كاتبه

المقدمة ده اللي منقولة

الحمد لله الواحد القهار، المتصرف في خلقه بما يشاء ويختار، يقبض ويبسط ويرفع ويخفض، يجعل بعض خلقه لبعض فتنه، وله في كل تصريف حكمة، وفي كل محنة على المؤمن منحة، وأشهد أن لا إله إلا الله وحده لا شريك له، وأشهد أن محمدًا عبده ورسوله.

أما بعد:

انتهي
لغاية هنا بس والله يا اسلام اللي منقول
واظن لما انقل مقدمة كمقدمة لاي موضوع يبقى الموضوع مش منقول
انا لا استحي والله يا اسلام ان اقول الموضوع منقول لان ده حق يجب ان الفرد منا يقدمه الى صاحب المجهود الاصلي
ودور على مواضيعي هتلاقي المنقول منها مكتوب عليه منقول او مقتبس او مهفوف او حقوق المليكة الفكرية لفلان الفلاني
ولعل اخر موضوع ×?°"?`"°?×الغزو الفكري×?°"?`"°?× وصفحات البحث اصدق مني حديثا
المهم
سعدت وشُرفعت بمرورك اسلام وهكمل لما ارجع من العمل ان شاء الله اليوم ام مساء الغد ان شاء الله

بالنسبة للاخوة
بانزر وبنوتة اهلوية ... من الاخوة الافاضل
صورة صغيرة
لانه الكلام ماله فايدة
وباين كده هنقضي الموضوع صور

لغاية ما ارجع ان شاء الله

ده مجرد قسم من اقسام منتدى ما خاضع للمحدين بفكرهم وتفكيرهم

استودعكم الله الذي لا تضيع ودائعه

[..Just Stop]

ياريت يا جماعة محدش يحذف الموضوع
هنشوف الموضوع هيتناقش امتا واللا بقيته هينزل امتا
بس لو هتحط قصص وحاجات من دى يا معاذ هيتنقل للركن الادبى
لو الموضوع اتناقش بطريقة ترضى ربنا هيفضل فى العام
لو الموضوع مكملش واتكنسل
هيتنقل ارشيف المثير للجدل والمحذوف
فياريت تورينا مناقشة حلوة بمناسبة الشهر الكريم
فى انتظار تكملة الموضوع
؛؛؛؛؛؛؛
اه بالحق
اللى رده اتحذف يخبط دماغه فى جدار المنتدى
وبالنسبة لمعاذ جارى ارسال رسالة خاصة له
دمتم فى رعاية الله

[BaNZeR]

المشاركة الأصلية كتبت بواسطة moaz1993

[/center]

انا شايف إنه في الصورة ده في تناقض واضح لحاجتين
إذا كان ده أحد منتديات الالحاد
فوضع قسم لمحاكمة الله ورسله يعني أنهم يعترفون بالله وبرسله

وإذا كانوا بلا ديانة وبلا اله
فكيف يحاكمون الله وليس لهم اله غيره
وكيف يحاكمون الرسل وهم يعترفون بأنه لا توجد ديانات


وكيف يحاكمون الله مع معرفتهم أنه الله وأن الاله لا يحاكم
لا يمكنني وصفهم إلا بجماعة من (المختلين عقليا) يحررون انفسهم من قيود الدين لا اكثر

على فكرة مش عارف لحد دلوقتي نظام الموضوع ده ايه

[ليتني طفله وهمي لعبتي]

أستغفر الله العظيم
وحسبي الله ونعم الوكيل
وقد إقتربالوقت الحق
وربنا هيحاكمهوم لما هيقولوا يابس
وجهنم تقول هل من مزيد؟؟؟؟؟

[اوركيديا]

السلام عليكم
انا حاسه ان اغلب الردود هنا تنم عن حده بالغه ان دلت على شئ بتدل على ان صاحب الموضوع غير قادر على اداره نقاش ناجح
لما نشوف الموضوع حنلاقى انه غير محتوى على موضوع هادف
انا شايفه انه بيختصر كلمه الالحاد فى عدم الاعتقاد فى الرب الخالق فقط لا غير
ده الحاجه الوحيده اللى فى الموضوع
و المفهوم ده ناقص جدا
بيخلى اى حد يقرى الموضوع يسترعى انتباهه النقص ده
و يسأل
ايه اسباب الالحاد
ايه انواع الالحاد
طاب ايه علاقه الداروينيه هنا
طاب هل ذكروا فى القران
طاب هل الايات اللى بتحتوى على لفظ الحاد هى هى بمعنااها الحالى
طاب مين اول من نشر الالحاد دلوقتى
طاب و طاب و طاب
ميت سؤال
و نوصل لنقطه
طاب احنا دورنا ايه
ازاى نناقش الملحد
ازاى نقنعه بالدين
ازاى و ازاى و ازاى
هل كل الاسئله دى حضرتك جاوبتها فى الموضوع
بكل بساطه لاء

.. .. ..
نوصل لنقطه تانيه
هل فى حد فى المنتدى قادر على انه يتكلم على الموضوع ده
الموضوع الشائك اللى اكبر العلماء لم يخوضوا فيه الا بعد التأكد و التثبت فى الدين الصحيح
يبقى احنا اللى حنتكلم فيه
و كل واحد يقول رأيه
على اى اساس و اى منطق و اى علم فقهى ؟؟

.. .. ..
نوصل بينا لنقطه تالته
هو ايه موضوع الجدال الدائر و حوالين ايه ؟
هل بينا حد ملحد حناقشه
و لا حنقول الحمد لله اننا مش كده
دى قضيه مسلم فيها بحرمانيتها و كفر من اتى بها و خروجه عن المله
يبقى ايه الرأى الجديد اللى منتظر اننا نقدامه ؟؟
.. .. ..
نوصل للنقطه الاخيره عندنا
و هى قوانين المنتدى

2-يمنع منعا باتا وضع مواضيع تناقش قضايا فقهيه
3-يمنع منعا باتا وضع مواضيع تتعرض لاي حزب او جماعه دينيه

اعتقد قانون اتنين و تلاته من قوانين القسم العام واضحين وضوح الشمس فى كبد السماء
ممنوع القضايا الفقهيه او التعرض لاحزاب او جماعات دينيه زى الملحدين لو جاز ان نطلق عليهم جماعه دينيه
و اعتقد ان مغزى القوانين دى وضح من النقطه التانيه و التالته
عشان كده حبيت اقدمهم عن القوانين نفسها

دلوقتى احب اعلق على شويه ردود و اللى حسيت منها بالحده

المشاركة الأصلية كتبت بواسطة moaz1993

لقد سبق لنا الحديث عن هذا الموضوع وتم الحذف من مشرفة القسم العام ولا ادري ما السبب ولاحقتها لعلي اعلم سبب ولكن دون فائدة

اعتقد انه واضح جدا جدا دلوقتى سبب حف الموضوع السابق
و تم الرد على الحكايه دى اكتر من مره
و حضرتك رديت لكن تعذر عليا اعاده الرد عشان كده حقول نفس المحتوى تانى

اه صح نسيت اقول
موضوع مغلق يا جماعه و غير قابل لاعاده الفتح

فى رعايه الله