وزارة مـــــ تــمــت ـــــا

[أسيل رزق]

حرام عليكى يا سمنة طلعتى القطط الفطسانة فى الرد

المشاركة الأصلية كتبت بواسطة بنوته اهلاويه

طبعاً لعنه الفراعنه حبت ترمضن عليا


والرد اتحذف لتانى مره

لدرجه انى فكرت
اركب اقرب تكتك واسيب الاستديو

بس كله يهون عشان خاطر الدكتوره الحاجه مها

اللى يجى عليا مايكسبش أبداً
دا انا هوصى عليكى اللعنة أحلى توصية


تبقى تقولى مين اللى هيتورط فى الوزاره دى

أوكى .. وزيرة التربية و التعليم هتكون ولاء
وزير التعليم العالى هيكون إبن الحاج رضا
بس بجد يا موها
قصدى يا دكتوره مها البلد شكلها هتنضف

نحييكى ع تفكيرك الخلاق المبدع

دى حاجة بسيطة خالص .. عطف منى على شعبى التعبان

احم
واحنا ليه منخدهاش من باب ان الناس ع الاقل اللى شافوا اللى حصل
اتعظوا وبطلوا او حتى مبقوش ع المكشوف كده
وان الفكره فى ان الواحد مش عشان شايف الغلط فى كل حته
يقول خلاص مجتش ع ده
؟؟!!
وجهة نظر برده .. بس أنا مش قصدى نقول ماجتش على ده مهو غلط إننا نلاقى ناس كتير كده و نعاقب واحد بس .. إذا كانوا اللى بيعملوا كده عارفين إنهم بيعملوا غلط و بيستخبوا علشان محدش يعرف حاجة عنهم مش معقول هيخافوا من ناس مش يعرفوهم و مايخافوش من ربنا
يعنى من الآخر اللى بيعملوا كده مش فى دماغهم حاجة
فى مثل بيقول ديل المش عارف إيه عمره ما يتعدل
و بعدين أنا ماقلتش إن عبقر مظلوم هو إتعاقب و بانت الحقيقة قدام الكل و إتمنع عن إدارة الموقع سنة يمكن العقاب ده ظاهر بس قدام الأعضاء بس فى نظرى حالياً كان كافى ليه يمكن عمره ما كان هيتغير بس على الأقل هيحرم يعمل اللى عمله قبل كده هنا
ربنا يهدى الجميع

بلاش سمنه دى وحياه ولادك الوزاره ملزقه خلقه
مش ناقصين

نفسى أكمل الاسم بس خايفة ينادوكى بيه و يبقى ذنبك فى رقبتى



بجد جالنا رسايل كتير من الجمهور
واضح ان اللى بيؤيدوكى كتير

تلاقيهم طبعاً مخدوعين فيكى
احم
اقصد معجبين بيكى
مابقتش مستريحالكم أبداً بس ماشى
خلينا ورا سمنة و أعوانها لحد باب الدار

نيجى لسؤال بيطرح نفسه ع الساحه
طبعاً الزمن اتغير واحنا اتغيرنا
وحجات كتيره كانت موجوده واصبحنا بنفتقر ليها فى الايام دى
من اهمها العلاقه الطيبه اللى كانت موجوده مابين المسلمين والمسيحين
وان الوضع الحالى اصبح متوتر جداً
زمان السادات اتكلم عن موضوع الفتنه الطائفيه
ع انها مجرد زوبعه فى فنجان
فى وصفه الشهير
بتاع ان غسيل ست من البلكونه اللى فوق نقط ع غسيل جارتها اللى تحت
قالوا ان دى فتنه طائفيه !!
أكيد ماعندهاش غسالة أوتوماتك
بس دلوقتى الموضوع مش محتاج اى حوارات
فعلاً العلاقات الطيبه مبينا ومبين المسيحين اصبحت متوتره
والموضوع ع رأى اللى قال يراها اى كفيف !!
المشكلة إننا مش قادرين على الحمار بنمسك فى البردعة
من كتر مشاكلنا مع الحكومة اللى مش قادرين عليها بنطلع غُلبنا فى بعض
عاملين زى حماس و فتح يفضلوا يضربوا فى بعض و كله لصالح اللى ربنا يجحمهم فى نار جهنم
دلوقتى فكرتنا عن بعض سواء مسحيين أو مسلمين بقت وحشة أوى
دا مسلم يبقى ماشتريش من عنده و ده مسيحى اه هشترى من عنده
دا مسيحى مش هصاحبه ولا هكلمه طول السنة دى مسلمة مش هكلمها
و هكذا
طب ليه يعنى العصبية اللى إحنا فيها دى
مش هقول بقى شعارات وطنية والكلام اللى مش بيأكل عيش ده
بس حد يجيبلى فايدة واحدة للعداوة اللى بقت بينا دى؟!!
بصى .. أكيد المسلم بينحاذ للمسلم أكتر و أكيد المسيحى بينحاذ للمسيحى اللى زيه
بس مش معنى كده إننا نقطع علاقتنا ببعض و نمسك لبعض على الواحدة

مرة فى المدرسة كان فى واحدة صحبتى مسيحية كنا مشتركين فى عروض المسرح و طالعين غرفة المسرح هى سبقتنى و لمحت وقع منها صورة عليها السيدة مريم تقريباً و واحدة صحبتى مسلمة إستغربت أوى إنى شلتها من على الأرض و مسحتها وحطتها فى جيبى و لما طلعنا إديتها الصورة
إستغرابهم هما الاتنين من اللى عملته حسسونى إنى عملت حاجة مستحيلة !!
مش فاهمة ليه بندقق على نقطة الدين دى
لكم دينكم و لى دين
مش صح إننا نفرق فى معاملة بعض
إحنا كمسلمين بنحب إن الناس تعاملنا كويس يبقى لازم نعامل المسيحيين بنفس الطريقة و كذلك المسيحيين
كنت بسمع من المسنين فى رسالة إن زمان لما عبد الناصر طلع قرار إن اليهود يخرجوا من مصر و المسيحيين يروحوا الصعيد كانوا الناس بيبكوا على بعض سواء مسلمين أو مسيحيين أو يهود
تخيلوا واحد مسلم بيبكى على يهودى جاره علشان هيمشى مع إننا دلوقتى عايزين نولع فيهم
و إحنا دلوقتى مسلمين ومسيحيين و كل يوم نضرب و نقتل فى بعض

لما إتفرجت على حسن ومرقص حسيت قد إيه إننا إحنا اللى وحشيين من جوانا .. حقيقى لو شيلنا من تفكيرنا العنصرية فى الدين هنحب بعض و هنخاف على بعض زى زمان
و بما إنى رئيسة وزراء المنتدى فا هنزل حملة ضد الفتنة الطائفية و ضد العنصرية
لإن شعبنا محتاج لوعى شديد
إيه كل الرغى ده !!

السؤال التانى
وانا داخله الاستوديو
لقيت احد الشباب كاتب ع الباب بالاسبراى

السؤال دلوقتى هتردى بايه ع نباح الاخ
أنا رئيسة وزراء المنتدى مش رئيسة جميعة الرفق بالحيوان

اقصد كلام الاخ
وازاى هتحسسي الشباب ان ليهم حريه التعبير وضرورة التخلص من الكبت اللى هما حسين بيه؟؟
فى اوربا و الدول المتقدمة
بيكون فى مكان للمظاهرات و بيكون فى حرية رأى بكل الأشكال و الأنواع

بس مشكلتنا كشعب مصرى همجى
إننا فاكرين إن حرية الرأى دى هى الشتيمة و السب على الفاضى و المليان و بس
محتاجين نعرف يعنى إيه حرية رأى و يعنى إيه ديمقراطية
يوسف معاطى فى إحدى حلقاته من برنامج معاطى شو
كان بيقول الحكومة وزعت الديمقراطية على الشعب بقى كل واحد فى إيده الديمقراطية بتاعته و مش عارف يعمل بيها إيه .. اللى سند بيها رجل الطرابيزة و اللى قال تكونشى شيكولاته و راح أكلها و اللى إفتكرها مخدة نام عليها و هكذا
يعنى بمعنى أوضح شعبنا محتاج معرفة بالديمقراطية
و بمنصبى ده هدخل تعليم الديمقراطية فى مناهج الطلبة فى كل المراحل هتكون وسط المناهج دا غير إنى هنزل إعلانات فى التليفزيون وعلى الإف إم زى إعلانات إحسبها صح تعيشها صح
و هيكون فى إهتمام زيادة بحقوق الإنسان
هحاول أعلم شعبى اللى ليه واللى عليه
و بعد كده بقى هسمع من الشعب اللى يحب يقوله و هسمح للجميع بإبداء رأيه بكل صراحة
سؤال من احد الاعضاء جالك

رابع مرة أجاوب الأسئلة دى
حقيقى أنا بدأت أفكر فى الإستقالة من دلوقتى
معلش يا ست سمنة على التأخير .. غصب عنى والله

[COoL HEaRT]

حرام عليكى يا سمنة طلعتى القطط الفطسانة فى الرد

بلاش انا اساساً عندى ارتجاج بلاش العنف ده

اللى يجى عليا مايكسبش أبداً

دا انا هوصى عليكى اللعنة أحلى توصية

ده انتى اللى شكلك اتظبطى فى كتابه الرد

اربع مرات

انا لو مكانك اقدم استقاله
واسوى المعاش واظبط الدنيا
اربع مرات !!

أوكى .. وزيرة التربية و التعليم هتكون ولاء

وزير التعليم العالى هيكون إبن الحاج رضا

اختيارين ولاد ناس بجد

ربنا يهدى الجميع

يارب

نفسى أكمل الاسم بس خايفة ينادوكى بيه و يبقى ذنبك فى رقبتى

احم .. مها خلينا صحاب احسن

إيه كل الرغى ده !!

لا بجد اجابه محترمة يا ست مها

موسي نبى وعيسي نبى ومحمد نبى
واللى ليه نبى يصلى عليه

ومن موقعى هذا اقول
يحيا الهلال مع الصليب

الله يرحمك يا سعد

و بعد كده بقى هسمع من الشعب اللى يحب يقوله و هسمح للجميع بإبداء رأيه بكل صراحة

[quote]



جميل يا سيادة الوزيرة

أل يا داخل بين المانجة و بذرتها ماينوبك إلا لغوصتها

بيعجبنى اختلاطك بالحارات المصريه واللغه الشعبيه

كويس ده يقربك من جمهورك اللى بيحبك

حقيقى أنا بدأت أفكر فى الإستقالة من دلوقتى


معلش يا ست سمنة على التأخير .. غصب عنى والله

احم استقاله ايه بس




هتعملى فيها عبدالناصر بعد النكسه
"وعدا النهار والمغربيه جايه تتخبى ورا الشجر او القمر"
المهم بتستخبى وخلاص
***
لا معلش ولا بتاع

دى تكليف ع دماغى وع دماغ منتج البرنامج
-نسمع احلى تحيه للحاج المونتج -

مين اللى هيدفعلنا بس

وخميس واقف يكسر فى القلل لواحده اهو!!

***

امم بعد الراحه اللى انتى اخدتيها


وبعد الطلبات اللى جاتلنا باعطائك جرعه مكثفه من الاسئله

بدل الاسئله الاورديحى دى

***

الاول عينى وزير محترم ع كل مما يأتى

وزير الصـــحـــــه :


وزير الماليـــــــــة :

وزير الداخلــــــــية :
وزير الخارجيـــــــة:
وزير الأواقـــــــف:
وزير الإعـــــــلام :
وزير الإســــــكان :
وزير البيئـــــــــة :
وزير الدفــــــــاع :
رئيس مجلس الشعـــــب بالمره
وزير التنمية الإداريـــــة :
وزيرالثقافـــــــة :
وزير العــــــــدل :
وزيرة التأمينات والشئون الاجتماعية :
وزير الشـــــــباب :
وزيرالتخطـــــــيط:
وزير التموين والتجارة الداخلية :
وزير الاتصالات وتكنولوجيا المعلومات :

وزير الاستثــــــمار:

***

وقوللنا ع وزاره مبتكره
**
ومين بعد متتكلى تسبيله مفاتيح الوزاره وانتى مرتحاه نفسياً؟؟

***
وناخد شويه من اسئله الجمهور الخفيفه

فى زمان أقتراح اتقدم بمراقبة أعضاء الادارة ؟


ايه رأيك فيه ؟؟

ورأي حضرتك يا انسه مها
فى مراقبه رسايل الاعضاء اللى كانوا موجودين ادارة موقع زمان ؟؟
ورأى حضرتك فى شروط التعيين لمنصب نائب اداره
وكان من الشروط
السمعه!!
ميكنش ع علاقات عديده مع بنات لو كان ولد

او ولاد لو كانت بنت

سؤال من مواطن رخم

ليه كنتى رافضه الاشراف فى زمان كان فى ناس بتعرف تتكلم و كان للاشراف هيبته و مسكتى دلوقتى

ادى اخره حريه التعبير

***
و رساله من مواطن هايف

بتسمعى ايه مسلسلات

وانا بسأل اشمعنى؟؟

وسؤال مواطن تانى

سمعنا مؤخرا ان محمد اللورد ومحمود هة هيسيباو الادارة


ياترى اية رأيك فى الكلام دة

ومين الى ينفع يحلو محلهم بس تكون وجوة جديدة مدخلتش الادارة قبل كدة

هه اللى هو طه بس بيدلع واضح ان المواطن مكنش فاضى وهو بيكتب
بس احنا بنحط السؤال كما انزل

حرصاً ع الشفافيه ولا شىء غير الشفافيه

احم الضغط ع سيادتك بالاسئله كتير


معلش يا جماعه باقى الاسئله هنزلها السؤال الجاى

اللى هو النهارده ان شاء الله