الوجبات المدرسيه في انحاء العالم .. (شويه كده وابقوا احذفوه ولا انقلوه )

[Rymonda]

المشاركة الأصلية كتبت بواسطة ..Just Stop

اللى يشوف وجبات الناس تهون عليه وجبته

اى نعم حاجة تكثف لما يكون فى البلاد اللى برا الوجبات بالشكل دا
وفى مامتشى مصر تكون الوجبة باكو بسكوت فيرى ابو نص جنيه
وان ربنا كرمهم زى ما كانو بيدونا فى الاعدادى بيضة مسلوقة من انتاج مزارع كنتاكى
ورغيف فينو من بواقى السياحة وبرتقالاية فى نفس حجم الجوافاية الصغيرة وكالعادة ضاربة وحالتها بالبلا
بص بصى للموضوع بنظرة تانية بعدسة مكبرة شوية
وسلطى الضوء على اقتصاد كل بلد وعلى نظامها التعليمى
هنقول مثلا امريكا او اى دولة راقية بتهتم بالتعليم اولا علشان كدا بيوفرو للطلبة احتياجاتهم مع وجبات غذائية سليمة
تحافظ على الشباب وتمنع الشيخوخة وبالتالى لازم وجبتهم تكون بالمنظر المبهج دا
بصى فى مصر كدا وبنفس العدسة تحقيقا لمبدأ المساواء فى النظر بالعدسات عدل
دولة حقوقها منهوبة سواء من اللى حاكمينها
او من الحرامية المتنكرين فى زى رجال اعمال
مصر كدولة من الدول نظامها التعليمى فاشل بمقدار عشرة درجة ريختر
مفيش اهتمام ولا بمدارس ولا بتعليم ولا بمناهج ولا بطلبة ولا بمدرسين
بالتالى لازم يكون وجبتنا زى اللى فى صورة الثورثار دا
بس محدش سأل نفسه مين الثورثار ده
اكيد احنا كطلبة مصريين اكبر صراصير فى مصر
ال يعنى وفرولنا منهج تعليمى راقى طبيعى لازم يجيبولنا وجبات بواقى
جتنا نيلة فى حظنا الهباب


دمتم فى رعاية الله

على رأيك .. قال يعني احنا حلينا كل مشاكل البلد ومش فاضل غير الوجبه ..

يا سيدي بناقص الوجبه .. لو البلد هتتصلح من غيرها ..

وعلى رأي اللي قال .. مش احنا اللي هنصلح الكون .. بس ادينا بنتكلم .. بدل ما روحنا تطلع ..

بس برضو .. زي ما اكلة اميركا وفرنسا بتخلي الواحد يتحسر على نفسه .. وجبة الهند بتخلي الواحد يحمد ربنا ع النعمه اللي هو فيها .. انا من رأيي لو خيرونا بين وجبة الهند ولا مفيش خالص .. يبقى الــ مفيش ارحم بكتــــــــر .. ده احنا رايحين نتعلم يعني لازم نبقى رايقين ..

قضيه الروقان في التعليم دي قضيه تانيه .. بيحققوهالنا هنا في مصر زي الفل .. والمدرسين بيراعوا نفسية الطلبه كويس جدا ..

يلا الواحد لو اتفتح مش هيتسد ..

ما علينا

دمتم