ايه أكتر مادة اتظلمت فيها ؟؟ومجموعك كام ؟؟

[ABOAB]

المشاركة الأصلية كتبت بواسطة اسامة الشيمي

انا ماجل ادب وتفسير ولو جبت درجتهم كاملة امين يا رب يبقي 94 %بالضبط
انا اتظلمت في الفزياء جبت 47 مش عارف دي جات ازاي وكمان الرياضة 51 بردو مستغرب
واللي ضايقني جامد الشفوي 6و7 واصحابي كلهم 20 ادعولي اجيب درجات من التظلم
وربنا يوفق الجميع

ربنا يوفقك يا عم وكويس اللى انتا مأجل مادتين يعنى مش تقال اوى

ان شاء الله الدرجه النهائيه

[hozayffa]

انا جايب 94.4

مظلوم في الفيزياء 49 والادب 31 والانجليزى 33

حرام والله انا كنت نفسي ادخل طبب

الحمد لله

[محمد(o)]

انا رايح تالته وقلقان على الاخر المعهد بتاعى نجح فى تلاته بس

الفيزيا والميكانيكا بيقولوا بتيجى صعبه

يا ريت لو حد يقلى ازاكر ازاى وايه الملخصات الى تنفع للازهر غير المرشد

والفيزيا والرياضه ازاى اقدر اتمكن منهم كويس واحسن الملخصات فيهم

اسف انى طولت عليكم بس بجد انا خايف وقلقان

والمدرسين عندنا هنا مش قوى وانا مش عارف اعمل ايه

استودعكم الله ارجوا من الجميع الرد

[الفارس المتألق]

انا في البدايه عايز اشكرك علي الموضوع ده
وانا الحمد لله جبت 98.9 يعني 643 درجه
بس انا اظن اني اتظلمت في التفسير والحديث
نقصت في كل ماده منهم درجتين
وانا متاكد اني معنديش غلط فيهم
بس الحمد لله ربنا عوضهالي في الصرف
والرياضه كان عندي بعض الغلطات البسيطه
وكنت متوقع اني انا انقص فيهم بس الحمد لله
جبت فيهم الدرجه النهائية
وده توفيق من عند ربنا يعني اعرف انك بتاخد
علي اد مجهودك اللي بتنقصه في ماده ممكن ربنا
يعوضهولك في ماده تانيه لو انت تستحقه
واعرف ان انت بتتحاسب علي الغش ممكن يكون
حساب سريع اقصد انك تنقص في المواد ويقل
مجموعك فخلي بالكم من الموضوع دا اوي
لان انا اتظلمت بردوا في المستوي الرفيع جايب 8 درجات
وانا المفروض علي اجابتي مقلش عن 11
بس انا بصراحه فيه اساله خدها من زميلي يومها
فقلت الحمدلله يبقي انا اكيد خد الدرجه علي اد مجهودي
بس انا عايز اقول ان فعلا تصحيح الازهر سيء للغاية انا كنت اسمع كدا كتير
للاسف الموضوع دا فعلا طلع حقيقه وانا شفت
فعلا الكلام دا معايه ومع ناس زميلي كتير
وماقصدش انهم بينقصوا درجات وبس كمان فيه
حاجات كتير بيعدوها وحاجات كتير بينقصوا عليها
بدون سبب
بس الله اعلم العيب فين؟؟ من بعض المدرسين
اللي بيصححوا ولا جايز يكون العيب مننا احنا

انا اسف علي الاطاله
بس احب اقول لمن هم قادمين علي الثانويه
انك لازم تكون قريب من ربنا اوي وتدعي كتير
ان ربنا ينجحك بتفوق
وخلي بالك ان من غير توفيق ربنا ماحدش بيوصل لحاجه

وحاول تذاكر كل حاجه اول باول علي اد ما تقدر
من غير ما تضغط علي نفسك واللي انت حاسس
انك مش فاهمه اسال فيه ومتأجلش حاجه

بالنسبه للملخصات انا شايف ان المدرس اهم حاجه
حاول انك تاخد عند مدرس يشتغل معاك ويخليك
تذاكر معاه ويسالك في كل حاجه

[nana92]

انا ملاحظة ان كتير مظلوم ف الفيزياء مش عارفه لييه ؟؟؟
انا كمان مديني فيها درجة عمرى ما كنت اتخيلها وخده فيها 49 !!!
ومظلومة بردو ف الميكانيكا وخده فيها 13 !!!
وجيبه 95% ربنا يسهل والتظلم ييجي بفايدة

[كونان باشا]

انا بقى مظلوم فى اكتر من ماده زى
الصرف مدينى 36 والمفروض 40
ومظلوم فى الفيزياء 55 والمفروض 58
ومظلوم فى التوحيد 38 والمفروض 40
والشفوى مدينى فيه 5 و 7 ده ينفع ياجماعه
بس الحمد لله المواد التانيه متقفله وعملت تظلم وادعولى ان يطلعلى

[مؤمن العمدة]

رنا امعاكوا وادعولنا احنا السنين الجاية دى وادعولنا ربنا يصلح تصحيح الازهر معانا وياخد الكان السبب فى ضياع الازهر

[ABOAB]

يا مؤمن باشا ربنا يوفقك

ومتخفش ولا حاجة من التصحيح

بعنى انتا ممكن تلاقى من 3000 اللى بيقولة عليهم أو اكتر ممكن يكون 100 أو 200 هما اللى مظلومين بجد

لكن بقى اللى جايب مثلا فى مادة 93 وكان مفروض 40 والكلام دا دا كلام فاضى كله اكيد يعنى الراجل نقه فى سؤال نص درجة والنص التانى فى سؤال تانى

بس فيه مشكلة بس فى التصحيح هيا تقدير المصحح للاجابة لأن دا اللى على اساسه بيحط الدرجة

بس انتا متقلقش كمان من الحكاية دى بدام كل حاجة واضحة فى الورقة واجاباتك مضبوطة مية المية

لكن طبعا اللى بيصحح انسان وعادى ممكن ينسى يصحح حاجة او يجمع درجات

ودى اكتر حاجتين مضمونين فى اللى انتا تجيب درجات لو مظلوم

بس أهم حاجة فى الفيزياء والرياضه مثلا الخطوات بتاعة المسألة لأن دى اللى نقصتنى تلات درجات فى الفيزياء
وواحدة فى التفاضل

وكمان التركيز فى الامتحان بس وكل سؤال يبقى له وقت لأن فى ناس بتطلع تشتكى من الوقت وبتاع

هوا دا ممكن يكون اه من طول المتحان بس له اسباب برضه ممكن الغش و اللى بيخلى الواحد ميركزش

[ssssherif]

أنا محمد من كفر الشيخ جبت 641والمستوى 13يبقى المجموع 654يعنى100.6 % وطاعت الثالث مكرر على المحافظة وكان نفسى أكون من الاوائل على الجمهورية بس الحمد لله واكثر مادة ظلمت فيها هى الادب جبت فيه 37 بس انا فرحان اوى ان انا جبت المجموع ده بمجهودى ومفهوش ربع درجة من الغش حتى المستوى الحمد لله مااخدش كلمة من بنى ءادم والحمد لله وانا عايز انصح اىحد داخل ثانوية ان هو يتقى الله ويتورع ويحرص على طاعة الوالدين ويذاكر دروسة اول باول ويبعد عن جو القيل والقال والمظاهر وفلان خلص المادة الفلانية وفلان مخلصهاش وجو التوتر النفسى ده واهم شى ابص لنفسى وبالنسبة للدروس ماتحاولوش تخدو اكثر من درس فى المادة الواحدة لان ده مضيعة للوقت واهم شىء راجعو القران كل يوم ورد معين بالنسبة للكتب والملخصات فى الشرعى والعربى كتب المدرسة وسيبكو من الذكرات والكلام الفاضى ده كذلك الفيزياء والكيمياء والاحياء اهم شىء كتاب المدرسة فى النظرى مهم جدا والامتحان مبتلعشى منه لكن كتاب الوسام فى مسائل الفيزياء مهم جدا وكتاب 100 % فى الفيزياء مهم وايضا المعلم بالنسبة للاحياء دليل التقويم مهم لان فى الكام سنة الاخيرة جه اسئلة منه أيضا الاسئلة والاختبارات الى الاستاذ عصام هندام عاملها مهمة وافادتنى كثيرا فى الكيمياء كتاب الامتحان اسئلة مهم اوى وفيه اسئلة حلوة بالنسبة للرياضيات كتاب المدرسة اول شىء ودليل التقويم ثم لامى حلو برده اما الانجليزى كتاب senior مهم ومهتم باسئلة work book ودليل التقويم يارب تكونو استفدتم وشكرا

[كونان باشا]

المشاركة الأصلية كتبت بواسطة ssssherif

أنا محمد من كفر الشيخ جبت 641والمستوى 13يبقى المجموع 654يعنى100.6 % وطاعت الثالث مكرر على المحافظة وكان نفسى أكون من الاوائل على الجمهورية بس الحمد لله واكثر مادة ظلمت فيها هى الادب جبت فيه 37 بس انا فرحان اوى ان انا جبت المجموع ده بمجهودى ومفهوش ربع درجة من الغش حتى المستوى الحمد لله مااخدش كلمة من بنى ءادم والحمد لله وانا عايز انصح اىحد داخل ثانوية ان هو يتقى الله ويتورع ويحرص على طاعة الوالدين ويذاكر دروسة اول باول ويبعد عن جو القيل والقال والمظاهر وفلان خلص المادة الفلانية وفلان مخلصهاش وجو التوتر النفسى ده واهم شى ابص لنفسى وبالنسبة للدروس ماتحاولوش تخدو اكثر من درس فى المادة الواحدة لان ده مضيعة للوقت واهم شىء راجعو القران كل يوم ورد معين بالنسبة للكتب والملخصات فى الشرعى والعربى كتب المدرسة وسيبكو من الذكرات والكلام الفاضى ده كذلك الفيزياء والكيمياء والاحياء اهم شىء كتاب المدرسة فى النظرى مهم جدا والامتحان مبتلعشى منه لكن كتاب الوسام فى مسائل الفيزياء مهم جدا وكتاب 100 % فى الفيزياء مهم وايضا المعلم بالنسبة للاحياء دليل التقويم مهم لان فى الكام سنة الاخيرة جه اسئلة منه أيضا الاسئلة والاختبارات الى الاستاذ عصام هندام عاملها مهمة وافادتنى كثيرا فى الكيمياء كتاب الامتحان اسئلة مهم اوى وفيه اسئلة حلوة بالنسبة للرياضيات كتاب المدرسة اول شىء ودليل التقويم ثم لامى حلو برده اما الانجليزى كتاب senior مهم ومهتم باسئلة work book ودليل التقويم يارب تكونو استفدتم وشكرا

اولا انا برحب بيك بس سيبك من حته ماغشيتش دى لاننا كلنا عارفيش كفر الشيخ
ياعم الامتحانات كانت بتوصلكم قبل اللجنه بساعتين ياريت كلامى يكون وصل وبلاش اتكلم عشان انا مش بحب اسكت على غلط ادامى وهاتجيب فى المستوى 13 من غير ماتغش ماحدش قالك انك كداب قبل كده ؟؟؟

[كونان باشا]

المشاركة الأصلية كتبت بواسطة ABOAB

يا مؤمن باشا ربنا يوفقك

ومتخفش ولا حاجة من التصحيح

بعنى انتا ممكن تلاقى من 3000 اللى بيقولة عليهم أو اكتر ممكن يكون 100 أو 200 هما اللى مظلومين بجد

لكن بقى اللى جايب مثلا فى مادة 93 وكان مفروض 40 والكلام دا دا كلام فاضى كله اكيد يعنى الراجل نقه فى سؤال نص درجة والنص التانى فى سؤال تانى

بس فيه مشكلة بس فى التصحيح هيا تقدير المصحح للاجابة لأن دا اللى على اساسه بيحط الدرجة

بس انتا متقلقش كمان من الحكاية دى بدام كل حاجة واضحة فى الورقة واجاباتك مضبوطة مية المية

لكن طبعا اللى بيصحح انسان وعادى ممكن ينسى يصحح حاجة او يجمع درجات

ودى اكتر حاجتين مضمونين فى اللى انتا تجيب درجات لو مظلوم

بس أهم حاجة فى الفيزياء والرياضه مثلا الخطوات بتاعة المسألة لأن دى اللى نقصتنى تلات درجات فى الفيزياء
وواحدة فى التفاضل

وكمان التركيز فى الامتحان بس وكل سؤال يبقى له وقت لأن فى ناس بتطلع تشتكى من الوقت وبتاع

هوا دا ممكن يكون اه من طول المتحان بس له اسباب برضه ممكن الغش و اللى بيخلى الواحد ميركزش

ازيك يابنى واحشنى والله
اولا احب اقولك انى بحبك فى الله وانى بعزك جدا :
ثانيا كلامك مظبوط تمام الةلد تلاقيه جايب 70 % ويقولك انا مظلوم ويشد الرحال الى قطاع المعاهد طب الل يقول مظلوم ده يبقى واحد متفوقوعده 90 عموما ربنا يستر بقى على الاجيال الل جايه فى التصحيح لان اعاده التصحيح بيقولك بيراجعوا المرايا بس

[بطلوا كدب]

هوا مفيش حد منكم اقل من 98 ليه نوابغ والله ابصم بالعشرة انكم غاشيين لا شافين كمان والى بيقول انه من كفر الشيخ كفرالشيخ كلها غش يعنى من الاخر محدش جايب ده من مجهوده بطلوا منظرة وانعرة على الفاضى مش المهم انكم جبت مجموع حلو لا ده يقول انا اتظلمت في درجتين طب احمد ربنا على مجموعك والله مش عارف الكدب مالى البلد ليه بطلوااااا كدب

[nana92]

المشاركة الأصلية كتبت بواسطة بطلوا كدب

هوا مفيش حد منكم اقل من 98 ليه نوابغ والله ابصم بالعشرة انكم غاشيين لا شافين كمان والى بيقول انه من كفر الشيخ كفرالشيخ كلها غش يعنى من الاخر محدش جايب ده من مجهوده بطلوا منظرة وانعرة على الفاضى مش المهم انكم جبت مجموع حلو لا ده يقول انا اتظلمت في درجتين طب احمد ربنا على مجموعك والله مش عارف الكدب مالى البلد ليه بطلوااااا كدب

اسال حضرتك سؤال .... كنت السنة دى ف ثانوية ولا ؟؟؟؟
ويا ريت متقلش كلام حضرتك مش فاهم هو ممكن يعمل ايه ف الناس لاننا مش هنقول كلام من دماغنا اللى هيغش مش هتبقى فرقه معاه ان كان اتظلم ولا لاء انما اللى تعب هوا اللى هتفرق معاه وهيقول ان كان اتظلم ولا

حرام عليكو احنا نقصين كلام يحرق الدم !!!!!

[ABOAB]

المشاركة الأصلية كتبت بواسطة بطلوا كدب

هوا مفيش حد منكم اقل من 98 ليه نوابغ والله ابصم بالعشرة انكم غاشيين لا شافين كمان والى بيقول انه من كفر الشيخ كفرالشيخ كلها غش يعنى من الاخر محدش جايب ده من مجهوده بطلوا منظرة وانعرة على الفاضى مش المهم انكم جبت مجموع حلو لا ده يقول انا اتظلمت في درجتين طب احمد ربنا على مجموعك والله مش عارف الكدب مالى البلد ليه بطلوااااا كدب

أولا انتا اكيد مكنتش فى ثانوية السنادى

ثانيا اللى مذاكر مش بيعرف يغش حاجة لأنه مش بيكون متأكد غير من اجابته بس

أما اللى مش مذاكر فهو بيغش بس عمرة ما يطلع فوق 97 لأنه ولو غش فى مادة هيقع فى مادة تانية الا بقى لو كان المعهد عندهه مية مية ومتوصى عليه

وعلى فكرة 98 و 99 مش صعبة يعنى على اللى بيذاكروا خالص

وحكاية بقى اللى تظلم وكدا فاللى قعد طول السنة يذاكر ويتعب نفسه وبعدين جاب مثلا 98 ومتأكد ان كان من حقه درجتين او درجة واحدة حتى فمن حقه ان هوا يروح ويعمل تظلم