بين الأباء والأبناء 5!!!

[أحمد2025]

المشاركة الأصلية كتبت بواسطة تسابيح النجوم

أولا:: حمدلله ع سلامتك ... القسم نور بمواضيعك
الله يسلمك
منور بوجودكم كلكم طبعا
ثانيا::انا ليه راي في موضوع في نوعان من الاباء
(1) اب وام بيثقوا في اولادهم اوي وبيخافوا عليهم بس خوف عادي
عشان كدا بيتصلوا يطمنوا عليهم يعني كل فترة من الزمن
وبالذات ان الدنيا مش فيه امان دلوقتي ممكن ولد يتخطف ولا حاجة
والاباء دول بيتصلوا في اليوم مرتين مش كل شوية ..
ومدين لاولادهم الحرية لانهم عارفين كويس ان اولادهم هيجيوا يحكوا ع كل حاجة بتصل لهم وهم معودينهم ع كدا
تمام ودى نوعية كويسة جدا وأباء عقلانين جدا
(2*) دا بقي النوع الثاني.. مش بيثق في اولاده وكمان بيخاف عليهم اوي
ومش مفروض نلوم الاباء ع خوفهم عشان ابنائهم هم حياتهم
عشان كدا تلاقي كل شوية قارف اولادهم في الموبايل وفين وبتعمل ايه
وبالذات في الشباب معلش في الجامعة الاولاد يتخاف عليهم
بس صدقني برده الكذب دا العيب في الاهل لانهم مش عودوا اولادهم ان يبقي فيه مبينهم صدق وكل حاجة زعيق وعصبيه وحاجات غريبة
تماااااااااام قوى
أخيرا لقيت حد فهمنى فى النقطة دى
(3) وطبعا النوع الاول هو الاحسن وهو الصح بس برده النوع الثاني مش لازم نلومه لانه بني غلط وع اساس مش صحيح ..
لا نلومه لأنه بنى غلط
عشان كدا تلاقي الاولاد بيكذبوا ع اهلهم ومش بيقولوا هم فين
بس برده مش معني كدا انهم صح ((لا) الابناء برده غلطنين هم في سن
ممكن يسمح انهم يتكلموا مع اهلهم ويقولوا مشكلاتهم ايه وممكن تتحل ازاي
لا ماهو بالعلاقة التانية اللى بين الأباء والأبناء فهو أصلا مفيش تفاهم فالكذب علشان يكبروا دماغهم عادى يعنى
(4) ياريت مش تحلمنا مش باقي حلقات بين الاباء والابناء
(5) بالنسبة للموضوع اللي اتحذف ممكن تكتب موضوع غيره مثلا بيتكلم ع الصداقة بين الاباء والابناء وتدخل في الوسط الحبمش تقول لحد خليها في سرك
لا مهما ان عملت فى الموضوع ده هيتحذف هيتحذف إدارة زى الفل أصلا و.....
شكرا ع الموضوع الجميل كالعادة نورت المنتدي
ربنا يخليكى منور بوجودك

قولتى كل اللى عايز اقوله
مليون مشكور على الكومينت

[أحمد2025]

المشاركة الأصلية كتبت بواسطة abeer $

انا معاك ان لازم ابائنا يخافوا علينا بس فى نفس الوقت فيه ثقه متبادله يعنى انا مقدرش اعيش لو حسيت بشك منهم
وبالاخص انى بنت

أكيد طبعا كلامك صح
وحضرتك قولتى جمله حلوة قوى
مقدرش أعيش لو حسيت بشك منهم
فيها معانى كتير قوى قوى
وشكرا على المرور الجامد جدا

المشاركة الأصلية كتبت بواسطة jassy

هو بس الموضوع زايد اللايام ديه بالذات شوية..... للحوادث اللي بتكتر واللي بنسمعه اليومين دول ......

بس برده هيفضل فيه عدم تواصل بين الاباء والابناء وده في كل حاجة مش في كده وبس..... ومش عارفة انا لو مكانهم ممكن

هاعمل ايه؟؟؟؟ يعني فرق السن بيفرق جامد برده هما اتعودوا على عادات واتربوا في زمن تاني خاااالص غيرنا....فيبقى صعب

التواصل بينا.... بس اهم حاجة بجد انهم يقتنعوا اننا كبرنا وممكن نعتمد على نفسنا.....

ميرسي ليك على الحوار الجميل......جزاك الله خيرا

اتعودوا واتربوا على حاجات فى زمن تانى خالص
ده تقريبا زى ما حضرتك قولتى سبب عدم التواصل
شكرا جزيلا على وجهة النظر الجامدة جدا