كلام في الأسافين

[Mr.Hani]

كلام في الأسافين

مين فينا ما سمعش عن الأسافين ؟؟؟؟ مين فينا ما عمروش انطقع إسفين طلع من راسو؟؟؟؟ طيب عمرك فكّرت إيه معنى الإسفين...الإسفين باختصار: هو ضحك بالوجه ومن وراك بيحكي عنك للمسؤول بكلام صحيح أو كذب وإنت بتضحك وبتلعب ومش عارف إيه إللى بيحصل ورا ظهرك....

وإيه أنواع الأسافين؟؟؟؟


للأسافين أنواع عدة نذكر أشهرها، حاول تراجع الأسافين اللي أكلتها بحياتك واللي إنت ضربتها وشوف بتنتمي لأي نوع


1. الإسفين الموجّه ويتكون هذا الإسفين من رأس أحادي يكون موجّه إليك مباشرة من عدوّ لك فى العمل متربص لك ومستنّي الفرصة وإنت من شطارتك أعطيته الفرصة ففقعك إسفين محترم


2. الإسفين الجماعي أو – ملتي إسفين (Multi Esfeen) – وهذا من أقوى الأسافين ويكون مفعوله شديداً ويكون مجموعة من الموظفين بيضربوا موظف واحد... إسفين من الآخر عند المدير... وطبعاً لإنهم جماعة المدير ها يعتبر إنهم صح وإنت غلط..


3. إسفين متعدد الاتجاه أو – ملتي دايركت إسفين (Multi Direct Esfeen) – وده إسفين بتضربه عند مديرك وإنت قاصد تضربه - والنية بالقلب - شخص معين وإنه مش بيحافظ على مصلحة الشغلوإنه ضد مبادئ الإدارة وبالجملة بتلطشلك خمس ست موظفين بالمعيّة مش عاجبينك وشايف إنهم ممكن يضرّوك، وهذا يعتبر من أذكى الأسافين لإنك ضربت عشر أسافين بحجر واحد...


4. إسفين الرحمة وهو إسفين نادر تطلقه في حالة ما تشوف صاحبك تعبان من الشغل ومش عاجبته الشركة والموظفين بيعطوه شغل كتيير فوق طاقته والأخ ممكن من الضغط يروح فيها...فبتروح حضرتك عند المدير وبتلعن سنسفيل أبوه لصاحبك وبتظلّك توزّ عليه حتى يقوم المدير ويقدم فيه عريضة ويكحشو وبكده بتكون إنت أطلقت عليه رصاصة الرحمة وخليته يقعد في البيت معزز مكرم...


5. إن دايركت إسفين (Indirect Esfeen) وهو من أقل الاسافين فاعليّة يصدر من واحد قرفان زهقان عندو مبدأ عليّ وعلى أعدائي وبيروح على المدير وبدل صباح الخير بيحكيله: 'إنتا لو بتضبّ موظفينك بدل ما إنت قاعد ورا الكرسي، وشوف بأه ايه اللى هايحصل …' وبتستمر تسلخ شمال يمين وإنت مش عارف ليه أو مين بس كل هدفك تفش غُلّك وطبعاً مش متوقع إن الشباب حيسيبوك بعدها لإنك لكشت الكل وما لكش صاحب...


6. ريفيرس إسفين (Reverse Esfeen) وهو من أغبى الأسافين يصدر من إنسان غبي تافه معوّق طافي رايح يدق صاحبه إسفين بيلاقي نفسه إنه دق فى نفسه إسفين!!! مثلاً بتحكي للمدير: ' شوفت خالد طول النهار بيدخّن في الشركة (وطبعاً الدخان في الشركة ممنوع) والمشكلة إنّه دايماً بتسلبط عليّ وبدخن من علبتي.....'


7.إسفين طويل المدى وهذا الإسفين لا يطلقه إلاّ الخبثاء وهو على دفعات وقليل الجرعة بتستمرتدق أسافين صغيرة ومع الوقت بتتجمع عند مديرك إنه فلان الفلاني عليه مشاكل كثيرة ولازم نأدبه وبكده إنت بتكون كإنك ما عملت أى حاجة – تراكمات يعني – وهذا إسفين مضمون النجاح وقد أثبت فاعليته عند الشباب الطيبة


8. إسفين موجّه بالأقمار الصناعيّة وهذا الإسفين ما إلو علاج ولا مضاد حيوي لإنه إسفين من شخص واصل من فوق فالأفضل توخى حذرك من هؤلاء الأشخاص عشان تضمن حياة سعيدة هانئة بشركتك


وزى ما إحنا شايفين تختلف الأسافين بنوعها وتأثيرها، بس من خبرتي إنه راحييجي يوم أسود عليك تترد لّيك كل أسافينك ووقتها حتبكي دم على أسافينك القديمة ولو سألتني بحكم خبرتي البسيطة إيه علاج الأسافين فالعلاج هو الآتي:





1- عليك بتناول الكثير من فيتامين الوقاية 'فيتامين واو' (الواسطة) لإنها بتشكل جهاز ردع ضد المأسفنين


2- عليك بالإكثار من الحذر والخبث والتحفظ....ممكن ذلك يخفف فقط ولو إن البعض يشكّك في ذلك ويقول: وداوِها بالتي هي الداء...يعني أسفن فيه الصبح قبل ما يأسفن فيك المساء


3- إمشي الحيط الحيط ودايماً إحكي حاضر ....ولا تحكي لأ....ومع ذلك برضه حتتأسفن مش بكيفك مكتوب عليك الأسفنة.

4- كل يوم صبّح على مديرك وإسأله: آه إيه الأخبار؟ إن شاء الله ما فيش أولاد حلال حكولك قلنا عنك إيه إمبارح؟؟؟