*==(( الجلابية الزى الرسمى لمصر))==*

[theotherface]

السلام عليكم ياجماعة يارب تكونوا كويسين وبخير كلكم

صراحة من كام يوم كده انا كنت قاعد ادور فى التلفزيون على اى حاجة اتفرج عليها وكانت الساعة 8.30 الصبح وطبعا ملاقيتش حاجة وانا بقلب على القناة اللى بعديها
لاقيت المذيع (الروش) ابو قميص مكرمش (شايكة يعنى) بيقول:
النهاردة معنا موضوع مهم وكمان طريف ويسعدنا ان يكون معنا عضو مجلس الشعب النائب:......(نسيت اسمه)..............
والكمره جات على وشه النائب وكان لابس جلابية قولت لنفسى ده عادى طب مافى المجلس بيبقوا قاعدين بالجلابية عادى يعنى ...........
المهم قاله المذيع (الروش) ايه الحكاية يافندم
رد النائب وقال والله انا كنت رايح نادى كبير وانا بدخل مرضاش يدخلنى السكيورتى(الامن يعنى ) بتاع النادى وقالى عشان انت لابس جلابية
رحت انا تانى يوم مقدم طلب فى المجلس بجعل الجلابية الزى الرسمى لجمهورية مصر العربية واستكمل وقال الجلابية ديه هى اللى شقت القناة الجلابية ديه هى اللى عبرت الجلابية ديه هى اللى انتصرت فى 73 ......(الخ الخ الخ)........
وبعد كده راح قال المذيع ( الروش) وتعال نشوف اراء اللى فى الشارع فى التقرير اللى جاى وراح جاب اراء الناس .....(وكله طبعا رفض)......
فانا قولت لنفسى ايه النائب ده سايب كل مشاكل البلد والديون اللى عليها وجاى يكلم على الزى الرسمى لمصر والله نواب مايستحقوا يترشحوا منها لله الكوسة اللى خلت اللى زى دول يدخولوا المجلس الموقر ........
والله حرام ده البلد فيها مشاكل زى الرز وسايبن المشاكل ديه كلها وجاين يكلموا على الزى الرسمى لمصر فكرنى بفيلم رامى الاعتصامى اللى كان عاوز يغير علم مصر والنشيد ........
فقولت انزل الموضوع ده وشوف رايكم ايه صح موافقين ان يكون الزى الرسمى لجمهورية مصر العربية هو:

-------الجلابية ------
يلا عاوز اشوف ارائكم فى كلام النائب ده وكمان رائيكم فى وجهة نظره الغريبة ديه اللى سايب مشاكل البلد وجاى يكلم على الجلابية..

[theotherface]

ايه ياحماعة محدش عنده راى ولا ايه فى الموضوع ده ولا حتى اقتراح!!!!!!

[Mr. Medhat Salah]

امشكله مش فش الملابس سواء جلباب واو قميص وبنطلون او الجيب او الميني جيب او ................. ؟؟؟؟؟

ولكن المهم العقل او الانسان المرتدي لهذه الملابس زمااااااااااااااااااااااااااااان كان الجلباب هو الزي الرسمي ولكن كانت هناك عقول صاحبه الجلاله ملكت مشارق الارض ومغاربها ولكن لابد من تعديل مفهومنا واسلوبنا لنطور نفسنا

[theotherface]

المشاركة الأصلية كتبت بواسطة me5050

امشكله مش فش الملابس سواء جلباب واو قميص وبنطلون او الجيب او الميني جيب او ................. ؟؟؟؟؟

ولكن المهم العقل او الانسان المرتدي لهذه الملابس زمااااااااااااااااااااااااااااان كان الجلباب هو الزي الرسمي ولكن كانت هناك عقول صاحبه الجلاله ملكت مشارق الارض ومغاربها ولكن لابد من تعديل مفهومنا واسلوبنا لنطور نفسنا

اولا: اشكرك على الرد
ثانيا: انا مش عارف من كلامك انت تويد ولا لا
وانت عندك حق ان مش الملابس هى الجوهر الاساسى لشخصية الانسان انما بالعقل بس والله انا شايف ان المفروض النائب ده يكلم فى حاجات اهم زى الغذاء والصحة والتعليم مش فى الهدوم .......

[Observer]

الجلابية دى عبقرية

واسعة ومريحة وبتدى الواحد حرية مش طبيعية

وفى نفس الوقت رخيصة ومش مكلفة

أنا أؤيد الفكرة تماماً ...

[BaNZeR]

اه ياعم جلابية وايه يعني
والجبة والقفطان
والعمة والشماغ
ونقلب زي الخليجيين وماله

ونروح الافراح ونرقص بالعصيان بقى وهيلا هيلا والشغل ده


وبعدين امن ايه ده اللى ميرضاش يدخل حد زي ده
وهو عشان بيحب الجلابية حيجبر الشعب كله يلبسها

بص ابقى قابلني في الكلية بكره جنب الكافتيريا حتلاقيني لابس جلابية وبيضا ماشي