كنت بتعمل ايه ؟! .. احكيلنا ..

[Rymonda]

بسم الله الرحمن الرحيم

ازيكو يا جدعان

اخباراتكم ايه ؟

طبعاً عرفتوا ان انا اللي هبقى معاكم النهارده ان شاء الله

احم

ربنا يستر .. ومنتفضحش

اولا كده انا مش هحكي طفولته حكاية متصله عشان الناس اللي بتقول شبه قصة عضو

انا هتكلم عن مواقف منفصله .. عشان الملل بس

وكمان عشان هو دا تقريبا اساس الموضوع

خلينا نبدا ونقول بسم الله الرحمن الرحيم


*وانا جنين قصدي وانا جنينه .. كنت جنين شقي جدا وبتحرك كتير جدا لدرجة انهم فكروا ان اللي جوه ده ولد (جوه فين ؟؟) احم احم

طول الوقت بضرب في بطن الغلبانه ماما .. المهم العيله كلها كانت في انتظار محمد .. ولكن لحسن الحظ محمد اتحول لاميره .. وجيت انا ..يوم 1/6/1992

*من يومي وانا طفله شرسه..ومبهدله اختي الكبيره معايا .. فاكره اني كنت بغير منها جدا .. على الرغم ان العكس اللي المفروض يحصل ..كنت لازم البس زيها بالظبط .. ولو زيها ومش نفس اللون .. النار تشتغل بقى..ولازم زيها تبيكال .. (عيله غيوره ورخمه)
احم .. انا بس اللي اقول


*كان عندي نظريه في اكل ال****اك .. اكل معلقه وبعدين اقوم ارقص بالمعلقه شويه .. (هطل هطل).. وبعدين اكمل وكده بقى لحد ما الطبق يخلص ..


*لما كبرت شويه كان عندي هوايه غريبه جدا .. كانت ماما طبعا تصحى
بدري وتجهز كل حاجه عشان كل واحد هيروح على شغله بقى ..
ومن الحاجات اللي بتجزها الست ماما (المكوه ) .. بتحطها تسخن .. وطبعا فضول الاطفال حاجه اخر غباء .. روحت للمكوه وضحكتلها وضحكتلي ..
ومسكتها .. وعلى رجلي .. (وصوتي ياللي منتيش غرمانه) ..صوت لحد اول الشارع
وروحنا المستوصف بقى وكان في ممرضه زي العسل مكنتش راضيه اسيبها وامشي .. وهي كمان قاعده تلعب في شعري وبتاع واخر دلع ..
المهم ظبطولي الحرق ولبسوني شراب ساقع كده وجميل وبيزغزغ ..ههههه
وخفيت الحمد لله .. لكن غباء الاطفال المره دي خلاني اعمل نفس الحركه بس في الرجل التانيه ..(جت عليها يعني؟؟)..غباء غباء

مش عارفه بقى دي غلطة ماما ولا ايه .. ماهي اللي بتحط المكوه في متناول يداي ..

وحرقت نفسي كذا مره مش مره ولا مرتين ..لحد ما الدكتور كان فاكرهم هما اللي بيعذبوني بالمكوه ..هههههههههه

نلتقــــــــــــي بعد الفاصل !

[MoHaMeD ELsHeRbEnY]

مواقف ولا اروع

وبتقولى عليا متشرد

دا انتى هتشوفى منى ايام

هعلق لما تخلصى

كملى كملى

ربنا معاكى يا بنتى متنسيش الموز بلبن

عشان يجيب من المعاميع على طول