ساعدونى ارجوكم

الروك 56 · #1 07-08-2009, 10:46 PM

انا الحمد لله جالى اداب القاهرة بس محتار ادخل عربى ولا تاريخ ----------------- افيدونى

*التـوأم المـزعج* · #2 07-08-2009, 10:50 PM

اقتباس:

المشاركة الأصلية كتبت بواسطة الروك 56

انا الحمد لله جالى اداب القاهرة بس محتار ادخل عربى ولا تاريخ ----------------- افيدونى

بصراحه
إحنا زيك بالظبط
بس قعدنا نجمع آراء كتيره
وخاصه المدرسين
بصراحه الكل أجمع على العربي
بس سؤال إشمعنى العربي والتاريخ على الرغم إن في هناك أقسام كتيره؟

الروك 56 · #3 07-08-2009, 10:54 PM

انا ماليش لغات

*التـوأم المـزعج* · #4 07-08-2009, 10:57 PM

اقتباس:

المشاركة الأصلية كتبت بواسطة الروك 56

انا ماليش لغات

أه
خلاص يبقى تتوكل على الله وتقدم في العربي
لإنه أحسن
وبعدين حسب درجتك في العربي
وربنا يكرمك ويوفقك

الروك 56 · #5 07-08-2009, 11:12 PM

يعنى العربى من وجهة نظرك افضل فى الشغل ولا ايه

dugi · #6 07-08-2009, 11:23 PM

لأ يا باشا
بص انا اعرف واحد كان في اداب عربي
وكان صعب قوي وسقط سنة أولى
بعدين دخل آداب تاريخ وبقى مية مية وبيجيب تقديرات جيد وجيد جداً

الروك 56 · #7 07-08-2009, 11:33 PM

يعنى ايه حيرتنى اكتر

dugi · #8 07-08-2009, 11:40 PM

أقصد يعني إن التاريخ أحسن وأسهل
غير كدا المتعة
التاريخ دا مواده متعه ومستقبله شبه كويس

*التـوأم المـزعج* · #9 08-08-2009, 11:40 AM

من الآخر
مش في حاجه إسمها صعبه ومش في حاجه إسمها سهله
إنت عليك المذاكره وبس
وتشوف ميولك عربي ولا تاريخ
والشغل ف الآخر قدر ونصيب
المهم أتفوق ف دراستي
وربنا يكرمك

Dr\heba · #10 08-08-2009, 01:27 PM

انا من وجهة نظرى العربى احسن لا نتكلم بصراحه لو فكرت شويه حتلاقى
اولا:العربى بياخدوه من اولى ابتدائى لغاية تالته ثانوىاما التاريخ فمن رابعه ابتدائى وبييجى عالثانوى ناس بتاخدو وناس لا
ثانيا: التاريخ مش مادة دروس وطبعا طالما طلعت مدرس حتحتاج تدى دروس مش معقول حتعتمد عالمرتب والعربى فروعه كتيره وفيها نحو وبلاغه ومحتاجه شرح من متخصص اما التاريخ ممكن اى حد يشرحه او مش محتاج شرح اصلا كله كلام وحفظ وخلاص يعنى من الاخر العربى فرصة شغله فى مجال التدري احسن
ارجو ان اكون وضحت وجهة نظرى واستفدت منها