تيجي نبطل العاشرة مساء واخواتها والاعلام ذو المنهج الشيطاني؟

[مروه]

المشاركة الأصلية كتبت بواسطة علاء سيف

يمكن ناس كثير تستغرب من الفكرة وتهاجمها لكن اتمنى
من كل دعاة احترام الرأي الاخر ان يتمهلو اويستمعو ويناقشو ا والحق ضالة المؤمن اينما وجده فهو أحق به
حاسه اننا هنكون مختلفين ربنا يستر
البداية وجدت نفسي وكثير غيري يدمنون على متابعة هذة النوعية من البرامج
وإيه المشكله
القاهرة اليوم والعاشرة مساء و90 دقيقة والحياة اليوم و000
واشاهدها كل يوم واتنقل بينها محاولا الا يفوتني شئ
ولكن من حوالي عام ونصف انتبهت الي هذا الادمان
وان هذة البرامج نجحت لانها تتعامل بمنطق التفكير الشيطاني
تفكير شيطانى ؟؟؟؟
اوضح لكم وارجو الصير
ادم عليه السلام والشيطان كلاهما خالف امر الله وعصى ولكن ادم عليه السلام ارجع الخطا لنفسه وهو ما نسميه اليوم النقد الذاتي قل ربنا ظلمنا انفسنا
اما ابليس فارجع المشكلة الي الله وبرأ نفسه قال فبما اغويتني
نرجع تاني للبرامج هي ناجحة لانها تجعلنا نشعر ان كل الكوارث والمشاكل سببها الحكومة والمسؤلين واحنا الشعب الملائكي
ولذلك يحبها الناس
لو واحدة شيطت الارز يبقى برضة الحكومة هي السبب
مش فاهمه حضرتك
يعنى الحكومه كويسه والشعب هو اللى بيدلع
يعنى الناس اللى مش لاقيه حتى تاكل وراضيه كمان بالعيشه دى أقل كلمه ممكن تتقال إنه شعب ملائكى
البطاله وملايين الشباب اللى بتتخرج ومش لاقيه شغل
رغيف العيش اللى حتى معتش الناس لاقينه
المياه اللى الناس بقت بتتخانق عليها عشان بس تشرب
العلاج اللى بقى بفلوس فى المستشفيات الحكومى
وياريت حتى علاج كويس
ده العلاج نفسه بقى محتاج علاج
الأدويه الفاسده
دى كلها سببها الشعب الملائكى
ثانيا هي تسود الدنيا في عيوننا ولا ترى فيها الا كل ماهو سلبي واسود
والبعض يقول هي اصلا سوداء ماشي يبقى كفاية نعيشها سوداء بالنهار ومش لازم نشوفها سودا بالليل كمان
والله مش فارقه سودا بالليل ولا بالنهار المهم انها سودا
وبعدين مش مشكلة البرامج دى إن الحقيقه سودا
يعنى حضرتك عاوزهم يعملوا زى اللى فى بالى
تبقى سودا ومهببه بهباب ويقولك مسيطرين على الموقف وكله تمام يا باشا
لازم البرامج دى تعمل كده عشان متخليش الحياه سودا وتعجب الناس اللى مش عاوزه تواجع نفسها بالحقيقته
ثالثا هي برامج متحيزة جدا ولكن تدعي الحيادية وتتعامل مع الضيوف بمتطق اللي نحبه ندلعة واللي مش عاجبنه نشرحه
تتعامل مع ضيوف الاخوان ويتامى الماركسية وخلفاء الحنجوري بمنتهى النعومة واي حد غيرهم يخش على المفرمة

لا بالعكس
يعنى الضيوف اللى على مزاجهم يجاملوهم
واللى مش على مزاجهم مش عارفه ايه
لو كده كان أولى يجاملوا الحكومه
وأهو كله بتمنه

رابعا تخلق نجوم للمجتمع والشباب من المدعيين وانصاف الجهلاء
من امثال خالد و فضل ومنتصروعمرو والبناونور
لمجرد انهم بيكرهو اسرائيل طب ما كلنا بنكرهها ليه منكونش نجوم
هو ده كل اللى يهم حضرتك؟
مين النجم ومين مش نجم
لو كل واحد عمل اللى عليه واشتغل بزمه وضمير
هيفرض نفسه وهيكون نجم فى مهنته

وأهم حاجة انها تجعل كل فئات المجتمع في حالة كراهية مع بعض الرجل ضد المرأة والفقير ضد الغني والمواطن ضد الشرطي
والمسلم ضد المسيحي
يعنى البرامج دى هى السبب فى الكراهيه دى
يعنى خلاص هتسيبوا كل الأسباب الحقيقيه للمشاكل دى
مش بيشطروا ليه على الجمعيات النسائيه اللى السبب الرئيسى فى العاوه بين الرجل والمرأه
ايه السبب فى كره الفقير للغنى البرامج برده
ليه المواطن ضد الشرطى ؟
عشان الشرطى حافظ كرامته
وبيعامله على انه بنى ءادم


وتركز على اسوأ النماذج في كل الفئات خاصة المعلمين ورجال الشرطة ورجال الاعمال -طبعا ماعدا الملائكة اللي بيمولو القناة
او البرنامج- ماعدا الاعلاميين والمذيعين ومن على شاكلتهم فهم ملائكة وان اخطئوا فلهم اجر المجتهد
يبقى حضرتك مش سمعت فقرة العاشره مساء
النماذج الإيجابيه فى المجتمع
وأخيرا انها طريقة للهرب من الحياة الخاصة وان يفكر كل منا فيما هو مسؤل عنه وسيسأله الله عنه الوقت والزوجة والاولاد
والأفلام والمسلسلات والكمبيوتر والنت .........
مش بيضيعوا الوقت برده
وصلة الرحم و000
الى الشأن العام كمثل رجل يهش الذباب عن غيره والعقارب تسعى في حجره
وقلت لنفسي ممكن بدل الساعتين اللي باشاهد فيهم جرعة النكد دي اقرأ 3 اجزاء قرآن او كتاب مهم او اتكلم مع زوجتى بدل الخرس الزوجي او الاعب اولادي اوازور اقارب او0000000 خمسين حاجة كلهم افيد امتع
مش مقتنعه
يعنى الساعتين اللى هعرف فيهم أخبار بلدنا والعالم
هما اللى هيعطلونى عن مزاكره وقراءة قرأن ......

وقد كان ومن ساعتها قلت اعراض الاكتئاب
احتمال

شكرا لحضرتك على طرح الموضوع
وده مجرد رأيى فى البرامج دى
واسفه على الإطاله