ادخل طب ولا صيدلة

[moustafaatchy]

السلاك عليكم ورحمة الله وبركاتهعايز اسال انهي افضل طب بشري ولا صيدلة ؟بيقولوا الطب : طويييييييييييييييييييييييييييييييييلة في الدراسة والماجستير والدكتوراه ، ومستقبلها مش مضمون لأن بعد التخرج بتشتغل في أي مستشفى بأي مرتب ، ومحتاجة فلوس علشان العيادة اللي محتاجة سمعة بتتعمل في سنينوالصيدلة : دراستها قصيرة بس برده مستقبلها مش مضمون لانها محتاجة فلوس علشان الصيدلية اللي لازم تكون في مكان كويس حوله عيادات كثيرة ومفيش حوله صيدليات تانية ، وبرده شركات الأدوية مش مضمون الشغل فيهافلو سمحتم عايز رأيكم في أي كلية هي الاحسن (في جامعة الاسكندرية) ؟والواحد عشان يتفوق ويكون دكتور كبير في الطب ويشتغل بمرتب أو فلوس كويسة بعد التخرج محتاج ايه ؟

[M.E.M.s]

يا عم انت صلى استخارة و شوف قلبك هيستريح لايه و توكل على الله
انا عن نفسى بإذن الله داخل طب

[المعتصم بحبل اللة]

اعقلها وتوكل

[sumasamy]

طالما انت ولد ادخل طب ومتخافش من طول الدراسة المعروف ان الولاد نفسهم اطول من البنات انا عن نفسى قدمت فى طب بس على فكرة اى حد معاه فلوس ممكن يفتح صيدلية ويوقف فيها ناس مش صيادلة لكن مش اى حد معاه فلوس يقدر يفتح عيادة ويوقف فيها اى حد

[حنان الزيبق]

ع فكرة الطب مشكلة للولداكبر من البنت لانه محتاج يكون نفسه يعنى مفيش مجال انه يقعد يدرس طول حياته

[واحدة وخلاص]

برضه مفيش حد قال كلام محدد ادخل اى واحده فيهم بعنى بشرى او اسنان اوصيدله

[moustafaatchy]

انا لقيت ان طب اسنان مش هتنفع غير لو فتحت عيادة بعد التخرج مباشرة ولازم تكون في مكان كويس جداً جداً ، ومش هتنفع حكاية الشغل في المستشفيات
وصيدلة برده مش هتنفع غير لو فتحت صيدلية كبيرة في مكان كويس حوليه عيادات محترمة
وطب بشري هتنفع لو اجتهدت وجبت تقدير كويس كل سنة ان شاء الله ، وكمان يبقى احسن لو طلعت ترتيب على الدفعة ، و ماحدش يسمع الكلام اللي بيخوف من صعوبتها

بس بالنسبة للبنات يدخلوا طب اسنان لانهم هيتعبوا جداً ، انا رحت كلية طب بشري ولقيت البنات لايصين وندامى ،بس لو البنت شايفة نفسها مستعدة تتعب شوية صغيرة ممكن تدخل طب اسنان

والحمد لله صليت استخارة وقررت ادخل طب باذن الله
ومتشكر على الردود

[sumasamy]

مبروك مقدما على كلية الطب ومتخافش ان شاء الله كل حاجة بالمزاكرة بتبقى سهلةوربنا يوفق الجميع

[dr.painkiller]

انا كنت زيك بالظبط محتار بين صيدله وطب بس فى الاخر استقريت على طب بالتوفيق

[shayma_2010]

بص انا من رأي انك لو بتحب الحفظ تدخل طب لكن لو الفهم تدخل صيدلة زيي علشان بتعتمد علي الكيمياء لكن الطب علي الاحياء اكتر و الرسومات و كدة