عاجل....مطلوب الرد

[mimo azzam]

إذا سمحت

أنا الحمد لله إتقبلت بكلية تجارة إنتساب الأسكندرية بمجموع 343.5

وأنا جايب فى مادة الإنجليزى 40 مع العلم إنى عربى يعنى مش لغات

دلوقتى ....مجموعى يقبلنى فى تجارة إنتظام طنطا أو فى كفر الشيخ

وأنا سألت فى الأسكندرية التجارة الإنجليزى بتاخذ المرحلة الأولى من 40 فى الإنجلش يعنى فى أمل فى دخولها إما فى طنطا أو كفر الشيخ
فبإعتبارك قبلى فى الكلية يا vampire................ما رأيك ؟ هل أكمل فى الأسكندرية أم أشوف طنطا وكفر الشيخ

وفى النهاية................أنا بشكرك على الردود الجميلة اللى إنتا عاملها فى موقع "بوابة الثانوية العامة"
أتمنى منك الرد فى أسرع وقت لأن أخوك محتار
للعلم.................أنا أدبى

[GAMALEWEES]

على فكرة انا اتقبلت فى تجارة كفر الشيخ هى ممكن تكون واخدة من مجموع حضرتك بس حكاية التجارة الانجليزى على مجموع حضرتك يعنى مش عارفة على حسب المجاميع على فكرة انا كمان عايزة ادخل تجارة انجلش و الحمد لله مجموعى يدخلنى و انا مستريحة و انشاء الله تدخلها انت كمان و نبقى زمايل

[mimo azzam]

المشاركة الأصلية كتبت بواسطة GAMALEWEES

بس حكاية التجارة الانجليزى على مجموع حضرتك يعنى مش عارفة على حسب المجاميع

*فعلا .......... أنا سمعت إن اللى جايب درجه أعلى فى المجموع الكلى له الأولوية فى الإلتحاق بكلية التجارة الإنجليزى وعلى العموم أنا بشكرك على الرد .

[ymymym]

انامفهمتش انت ايه بالظبط يعني؟
انت دلوقتي تجاره انتساب ولا انتظام ؟
لان لو انتساب ملكش تدخل تجاره انجليزي اما لو انتظام خلاص ليك انك تقدم
غير كده لو انت انتظام عشان تدخل انجليزي لازم يكون مجموعك زائد درجه الانجليزي بدون مستوي رفيع يناسب الدرجه اللي يحددوها الكليه يعني انت بتقدم وبعد كده يا يقبلوك يا لأ
بس
تحياتي واتمني توضحلي طلبك تاني عشان اعرف ارد عليك اكتر

[mimo azzam]

أولا" أنا جايب 338.5 بدون مستوى رفيع ؛ أما بالمستوى الرفيع 343.5

ثانيا" أنا جايب فى الإنجليزى 40/50

ثالثا" القبول فى كلية تجارة الأسكندرية اللى هيا محافظتى { إنتظام 345}.
أما فى طنطا 341{أنتظام}
أما فى كفر الشيخ 339.5{أنتظام}.

رابعا" أنا مش هدخل تجارة إنجلش طبعا فى الإسكندرية لأنى إنتساب موجة.
لكن أنا بسأل هل يمكننى الإلتحاق بكلية التجار الإنجلش فى طنطا أو كفر الشيخ لأنى سألت و عرفت إن التجارة الإنجلش فى الإسكندرية بتاخد فى الإنجليزى من 40 درجة أقل حاجة يعنى ممكن أدخلها فى طنطا أوكفر الشيخ.
ومعلش إستحملونى ...إذا إتقبلت فى طنطا أو كفر الشيخ تجارة إنجلش هل أروح للتجارة الإنجلش أم أكمل فى إنتساب موجة الإسكندرية و خلاص.


بس .......أتمنى إنى أكون وضحت أكثر وأرجو الرد.

[GAMALEWEES]

على فكرة انا قولت لحضرتك قبل كدة انها بتبقى على حسب المجاميع المتقدمة على فكرة كفر الشيخ و طنطا افضلك من اسكندرية لان الانتساب بيبقوا اخر ناس لهم الاولوية فى التعين و بعدين ممكن فرصتك فى تجارة انجلش طنطا او كفر الشيخ تكون احسن يعنى ممكن تلحقها خصوصا ان تجارة انجلش كفر الشيخ لسة مفتوحة السنة الفاتت و بتاخذ من مجموع اقل و بعدين انا تقريبا جايبة زيك فى الانجلش بس مجموعى اعلى منك لانى انا جايبة 364 من غير المستوى فتوكل على الله و الانت شايفة احسن لك اعملة و اهو تجارة انتظام كفر الشيخ حتى لو كانت عربى افضل من انتساب اسكندرية دى وجهة نظرى و فى الاول و الاخر دة مستقبلك و انت حر