محتااااااااااااارة

[خالدشيكو]

انا مجموعى 85.6 % انا بتمنى ادخل كلية تجارة بس انا مش عارفه انا ممكن ادخلها بمجموعى ده ولا لاء بس حتى لو انا لحقتها انا خايفة ادخلها علشان صعوبتها زى ما الكل بيقول فهل هى صعبة للدرجة دى ولا دى مبالغه بس انا بجد حبه انى ادرس فيها بس انا مش بحب الرياضة شوية اعمل ايه ياريت تفيدونى وشكرااااااااااا

[vampire1188]

انا مجموعى 85.6 % انا بتمنى ادخل كلية تجارة بس انا مش عارفه انا ممكن ادخلها بمجموعى ده ولا لاء

لو أدبى اكيد ان شاء الله هاتخشيها .. وحتى لو مادخلتيهاش انتظام هاتخشيها انتساب اكيد

بس حتى لو انا لحقتها انا خايفة ادخلها علشان صعوبتها زى ما الكل بيقول

ههههه قوليلي مين الكل دول عشان اضربهوملك ..

لا صعبة ولا حاجة .. الكلية ماقدرش اقول عليها انها صعبة خالص .. وفي نفس الوقت مش سهلة برده

عايزة من الاخر .. ماحدش اصلا بيذاكر طول السنة .. المعظم تلاقيه بيذاكر وبيدح في اخر شهر ونص

وبيجيب تقدير كمان !! .. فعادي يعني

فهل هى صعبة للدرجة دى ولا دى مبالغه

لا مش صعبة والله خالص .. كلية لذيذة والدراسة فيها حلوة ..

والجو كمان بتاع الصحوبية وكدا هاتتلاقي ظريف جدا

هاتقابلي ناس من كل صنف ولون .. وهاتكسبي ناس كتيرة تقدري تتعاملي معاهم

بس انا مش بحب الرياضة شوية اعمل ايه ياريت تفيدونى

عادي .. مانا كمان مش بحب الرياضة ! .. واديني دخلتها وماشي فيها الحمدلله