آسفة جدا

[أفنان أحمد]

آسفة جدا
أظن أننى فى مكان آخر غير بوابة الثانوية العامة المصرية
هذا الصرح العظيم الذى لجأنا إليه بعد الله عز وجل فى أيام عصيبة علينا كمعلمين ثم اكتشفنا أنها أفضل حسنات الكادر
أن جمعتنا بأخوة أفاضل وأساتذة كرام
كل يعطى لا ينتظر الشكر أو المقابل المادى
إن أجرى إلا على الله
يحزننى ويؤسفنى أن تكون مثل هذه الخلافات عامة بين رواد هذا المنتدى العظيم خصوصا من المربين الأفاضل
نحن نستوصى أن نكون كأسرة واحدة فى المنزل أن يحل الأب و الأم خلافاتهما بعيدا عن الأولاد
لأن الوالدان يتصالحان لكن ..
يبقى التمزق فى نفسية الأبناء لا يزول ..
وأنا لا أعتبر الدعاية لمنتدى آخر جريمة لأننا ببسلطة نشترك فى كثير من المنتديات التعليمية وغير التعليمية لكن ..
يبقى بيت العيلة ( بوابة الثانوية العامة)
هو المكان الأم الذى لا غنى لنا عنه
فليعلم الكبار أن خلافاتهم أمام العامة لا نجنى من ورائها إلا الدمار والخاسر ..كلنا كلنا كلنا
وليعلم الأفاضل وكل من شارك حديث رسول الله صلى الله عليه وسلم ما معناه أن من آية المنافق (إذا خاصم فجر )
فبالله عليكم اجعلوا مناقشاتكم على الخاص واجعلونا نقابلكم جميعا بقلب سليم
هدانا الله وإياكم سواء السبيل

[the black rose]

جزاكى الله كل خير استاذة افنان
هو بس المفروض المشاكل دى تبقى بينهم
يعنى فيه اعضاء جديدة
لما يلاقوا مدرين المنتدى بتخانقوا
يبقى ايه انطباعهم عن البوابة
خصوصا اننا فى اجازة و وقت التنسيق
يعنى مرحلة مهمة فى السنة

[Its My Life]

معلش معلش
كله يتصلح ان شاء الله

[_GUIDE_]

مش عارف بس اعتقد ان اللجواء للاعضاء وتحكمهم فى موضوع هما مش عارفين ابعاده ده غلط
لان الادارة ديما حطه حاجز بينها وبين الاعضاء وبالتالى لما الادارة تيجى تستشهد
بالاعضاء فى موضوع هما ميعرفهوش
وميعرفوش ظروفه
طبيعى ان العواطف والظاهر هو اللى هيحكم
سيبك انت من امبارح وانا بدور على الدقيقة 90 فى ماتش الاهلى
الدقيقة 90 اللى ديما الاهلى بيسجل فيها لكن للاسف محصلش

[..Just Stop]

كلام حضرتك مظبوط
وعلشان اصلا محدش عارف حاجة والكل هيتكلم وخلاص فى حاجة ميعرفوش عنها اى حاجة
تم نقل الموضوع لتصحيح الاوضاع
وتقريبا الخلافات قربت تنتهى
دمتم فى رعاية الله

[المجاهد فى سبيل الله]

حصل خير يا استاذتى
و الموضوع ان شاء الله حيتصلح
متزعليش نفسك
و كلنا هنا اسرة واحده ومحدش فينا بيزعل من حد ابدا
وبرضه بيظل منتدى الثانوة هو بيتنا الاول