قسم خاص بالاستفسارات و الطلبات

shroukk · #1 22-07-2009, 05:28 AM

انا خلصت3 ثانوى 2009 وجبت 82.8% وجبت فى الانجليزى 42.5 هل ينفع ادخل تجاره انجليزى عين شمس او القاهره وهل ما دام انا عايزه ادخل تجاره انجليزى مكتبش فى الرغبات تجاره انتساب موجه لعين شمس او القاهره.

Bo2loz Afandy · #2 22-07-2009, 09:16 AM

انا جايب 85% ادبى ، المجموع 345.5 + مستوى رفيع انجليزى 8 = 348.5
مجموع الانجليزى = 42.5
إن شاء الله الحق تجارة انتظام .. بس تجارة انجلش فرصتى ضعيفة بالنسبة لحكاية المجموع الاعتبارى دى
علشان هيبقى مجموعى 348.5+42.5+3 = 394
طبعا مش لاحق انجلش القاهرة ولا عين شمس بتنسيق السنة اللى فاتت
بس سمعت ان مجموعى ده ممكن يتقبل انجلش فى بنها .. الكلام ده صحيح؟؟
وهى بنها انجلش قبلت السنة اللى فاتت كام فى التنسيق الداخلى؟؟
وهل تجارة انجليزى بنها افضل ولا تجارة عربى (القاهرة - عين شمس - حلوان)
غير كده فيه حاجة مهمة انا عايز لو متقبلتش تجارة انجليزى بنها ادخل عربى اى جامعة تانية غير بنها
مهو مش هيبقى عربى وخراب ديار!!!
خصوصا انى سمعت ان التنسيق الداخلى ده بيتأخر وتقريبا بيخلص بعدما ما يكون باب التحويلات اتقفل .. اعمل ايه؟؟
هل اجازف واحاول فى انجلش بنها .. ولا مفيش امل واخدها من قاصرها وخلينى عربى فى القاهرة ولا عين شمس احسن .. ومش مشكلة عربى عربى والنبى عربى !!!!

رونالدينهوو · #3 22-07-2009, 10:57 AM

اقتباس:

المشاركة الأصلية كتبت بواسطة shroukk

انا خلصت3 ثانوى 2009 وجبت 82.8% وجبت فى الانجليزى 42.5 هل ينفع ادخل تجاره انجليزى عين شمس او القاهره وهل ما دام انا عايزه ادخل تجاره انجليزى مكتبش فى الرغبات تجاره انتساب موجه لعين شمس او القاهره.

بعد اذنك يا فامبير انا هرد على السؤال ده
للاسف مش هينفع لانك لازم تكونى جايبة مجموع الانتظام علشان تقدرى تدخلى انجلش

الا لو التنسيق جاب تجارة انتظام على نفس المجموع