نصيحة قبل كتابة الرغبات

[أ محمد سالم زهران]

أولا : يجب أن يكون بجانبك شخص فاهم ويفضل أن
يكون ادخل رغبات قبل ذلك
ثانيا : الرقم السرى لازم تكتبه انت بنفسك وليس الشخص المصاحب اللى هيفهمك
ممكن وضرورى تطلب منه بطريقة ظريفة انه لا ينظر وانت تكتب الرقم السرى لاى سبب تخترعه زى اصل بابا حلف ماحدش يعرف الرقم الا انت فقط طب ليه كل ده
لان ممكن يكون الشخص المصاحب بيحمل أى ضغينه ويدخل هوه بعد كده ويغير الرغبات علشان يدخلك فى شجرة
ثالثا : شوف الرغبة اللى انت نفسك فيها واكتبها الاول
مثال عاوز طب وأنا من القاهرة الكبرى يبقى أيدأ طب القاهرة
وبعدين طب عين شمس
وبعدين طب حلوان
وبعدين تفكر هل مصمم على طب يعنى ممكن يروح طب اقاليم بنها أو طنطا أو المنوفية أو المنصورة
ولا تفضل الصيدلة ولا الاسنان على طب الاقاليم
أذا فضلت صيدلة وأسنان على طب الاقاليم يبقى ثالث رغبة بعد طب حلوان هى
صيدلة القاهرة وبعدين صيدلة عين شمس وبعدين صيدلة حلوان وهكذا