قانون مزاوله المهنه الجديد

زيزو1900 · #1 14-07-2009, 02:14 AM

السلام عليكم سيتم هنا مناقشه قانون مزاوله المهنه من حيث
محتواه - اهميته - طريقه تطبيقه - النتائج بعد تطبيقه

محتوى القانون
1 - يتكون القانون من 5 اقسام مقسمه تمثل كل شعبه او قسم على حده

القسم الاول ( الكمياء )
يقوم فى البدايه بتعريف من هو الكميائى وانواع علوم الكمياء وانها خاضعه لشروط الاتحاد الدولى حتى يكون هناك تعريف محدد للقب كميائى

ثم يدخل فى تحديد وظائف الكمائيين طبعا هى كثيره جدا وشامله من الصناعه فى الزيوت والكمياويات والبترول والبلاستيك والسكر والاسمده والزجاج والبيئه والادويه واسفنج وصباغة وعطور وزوجاج وسراميك الخ واي شركة تصنيع داخله فيها الكميا

وخلو بالكوا من الحتة اللي فاتت بتاع شركات الادويه وبكدة القانون كتم علي انفاس الصيادله لان قانونهم الجديد يهدف الي تقليل اعداد الكميائيين لان بعض الشركات اصبحت تجلب الغالبيه العظمى كميائيين وليست صيادله

والمراقبه والتفتيش والطب الشرعى والسموم وتخزين الكمياويات ( كل هذا مجرد امثله الوظائف مكتوبه على اكثر من صفحتين )

وتأتى فى نهايه الوظائف الماده 5 التى تحدد ان يكون الكميائى طرف اساسى فى تصنيع - او تخزين - نقل - تعبئه او اى استخدام ماده كميائيه تلزم تلك الجهه بوجود كميائى مسئول وهذه اعتقد انها اهم ماده مضافه الى القانون

الفصل الثانى ( الجيولوجيا )
اولا تعريف بمن هم الجيولوجين
ثم الوظاف والمهام
طبعا الجيو لوجيا واستخدامتها من اعداد دراسات لاى غرض يطلب والهيدروجولجيا والمياه الجوفيه والجيوفيزياء وتحديد اعماق الخامات والماء والبترول واستخلاص النتائج والدراسات المعمليه للتعرف على الصخو ر والرمال والخامات المعدنيه
ودراسات التعدين والمناجم وجيولجيا البترول والخامات الذريه ايضا
جيولو جيا البيئه والاثار والسياحه والاسكان
وعلوم البحار والتدريس ( ايضا كلها امثله والوظائف مكتوبه على 3 صفحات )

الفصل الثالث المهن البيولجيه
تعريف بالبيولجيست
الوظائف

تدريب طلاب الجامعات ومعاهد البحوث على الطرق والاجهزه الحديثه
بحث علمى
ركزوا اوى هنا
الاعمال الفنيه والتكنولجيه المتعلقه من تسويق واعلان لاى منتج بيولجى
كالزراعه والصحه والادويه والمواد العطريه ومستحضرات التجميل __________ وبالتالي قانون الصيدله الجديد اللي كانو عاملينه ضدنا راح فشنك لانه كان عايز يحصر الميدكال ريب وهو تسويق الادويه علي الصيادله بس

التحاليل الطبيه والرقابه عليها من حيث الانتاج والجوده

مكتوب تفصيل هنا لجميع انواع التحاليل
ولكن يجب التركيز ان قانون التحاليل قانون منفصل عن قانون النقابه
نظرا لانه غير مقتصر على كليه العلوم فقط
ولكن القانون متناول التحاليل الطبيه بالتفاصيل

الرقابه على جوده والتحكم فى الانتاج وتصنيع المستلزمات الطبيه من اجهزه وكمياويات
اى اعمال اخرى تتطلب المعرفه بالنواحى البيولجيه

التدريس بدايه من الثانوى لاعلى مراحل التدريس الجامعى

الفصل الرابع ( الفيزياء والرياضه والفلك والحاسبات )

يبدا بتعريف بلقب الاخصائى من هو فى الفيزياء او الرياضه او الفلك

ثم الوظائف
التدريس فى الجامعات والمعاهد والكليات العسكريه
البحث العلمى
خبراء فى الاحصاء والرياضه وغيره من فلك وطاقه ذريه
الاجهزه المتعلقه بالفيزياء والرياضه من معايره
الاعمال الاستشاريه امام المحاكم واللجان فى الامور العامه والقوميه

الفصل الخامس
الاداره العلميه والاعلام والتوثيق والتخطيط العمرانى
تعريف بان العمليين يعتبر اخصائى اعلام علمى وتوثيق وتخطيط علمى

تخطيط علمى - مؤاتمرات - اعلام علمى - توثيق علمى وغيره

الفصل السادس احكام عامه

يتناول اولا مشكله التخصصات وينظمها
بان يمكن ان تنضم لشعبه اخرى بشرط ان تقدم مايفيد انك تعمل ولديك خبره كافيه فى تلك الشعبه الجديده من دراسه وخبره عمليه

الى هنا انتهى قانون المزاوله من حيث الصوره الكامله
ولكن هناك جوانب غير واضحه واخرى ناقصه
لذلك يجب ان نتحدث عنه خصوصا ان النقابه ترحب باى تعديل فى مشروع القانون نظرا لان هناك تخصصات غير مدرجه
مثل ( مكافحه العدوى - اطفال الانابيب - تعريف واضح للجوده واقسام التطوير فى الانتاج )
ومعلومه هامه جدا
القانون الان مدرج فى قائمه مجلس الشعب
وتم الموافقه عليه من جميع اللجان فى المجلس على عكس المهن الاخرى

الان نتحدث عن اهميته القانون

زملاء كتير بيسالو طيب احنا هنستفيد ايه ؟
وفى اخرين بيسألو اهميته النقابه ايه وليه احنا ضعفاء كده

الرد سهل جدا

تخيل معايا لمده خمس دقائق وفى الاخر قول رايك

تم تطبيق القانون فعلا
اولا لازم علشان تشتغل تاخد حاجه اسمها ترخيص مزاوله مهنه من النقابه
يبقى كده مفيش اى وظيفه خاصه بالعلميين غيرنا يقدر يشتغل فيها
بمعنى ان لو فيه شركه او مصنع احضرت غير متخصص للعمل لديها تقوم النقابه برفع قضيه او ابلاغ الجهات المسئوله فتقوم بغلق المنشائه فورا

زى كده مثلا ينفع صيدله بدون صيدلى
او عياده بدون طبيب
دلوقتى هيبقى عندك مسمى وظيفى اجبارى على اصحاب المصانع والمؤسسات
لازم يكون العامل هنا خريج علوم بمواصفات معينه وحاصل على مزاوله المهنه من النقابه

تمام كده فعلى الاقل هتلاقى علوم اتشفطت من السوق وعليها طلب جامد
تمام كده يبقى مش هيبقى فيه بطاله خالص وخصوصا ان وظائفنا كتير جدا

حته كمان دلوقتى مش ينفع اشتغل غير لما اكون عضو نقابه
معنى كده ان كل الناس هتبقى اعضاء
معنى كده الاعضاء بدل ماههم دلوقتى ثلت فقط خريجى علوم هيتم مضاعفه الاعضاء
وطبعا سيتم دفع كل الاشتراكات لتفعيل لمزاوله
فطبعا هتلاقى الفلوس نازله على النقابه زى الرز
وغير كده سيتم تطبيق نظام الدمغه على المصانع والشركات وسيتم جمعها عن طريق الحكومه المصريه نظير الحصول على 20% من الدمغه

يبقى كده النقابه رجعت زى زمان كلها فلوس
طيب ده معناه ايه
المعاشات بدل ماهى 50 جنيه وفى مشكله فيها هتوصل لمبالغ ضخمه
وكمان هتبقى الخدمات مدعمه جدا ورخيصه جدا
وهنلاقى المظله الطبيه فعلا حقيقه مش وهميه
وغيره من الكورسات والمصايف والشقق والاراضى
فلوس بقى هتعمل اى حاجه

خلصوا الخمس دقايق اصحوا بقى
ها كده فهمتوا اهميه القانون وعرفتوا اهميه النقابه لو القانون اطبق
طبعا فى مميزات اخرى كتير هنقول عليها واحده واحده بعدين ان شاء الله

ايه رائيكو بقي

براءة · #2 14-07-2009, 02:04 PM

بحاول افهم حقيقة
بس واضح كده انه شكله ايجابي

زيزو1900 · #3 15-07-2009, 06:16 PM

طبعا ايجابي ولسه فيه نقط مش نقدر نقولها عشان ميبقاش ورقنا مكشوف للمهن الاخري

Nogha · #4 16-07-2009, 08:31 PM

و الله الكلية دى جامدة جدا و مجالاتها كتير و مفيش قسم فيها ملهوش شغل (ممكن نقول انه فيه اقسام لها مجالات اكتر بس قسم ملهوش شغل دى مش موجودة)
كلية عظيمة و افتخر انى فيها و الحمد لله و الله حبيتها اوى رغم كمية المشاكل اللى فيها و مش موجودة فكليات تانية بس برده عظيمة
الحمد لله

hanoooooooda · #5 18-07-2009, 06:22 AM

الحـــــمد لله