التنسيق الإلكترونى

[aya salheen]

رجاء
لو سمحتوا
حد يفهمنى نظام التنسيق الجديد ضرورى

[جعلتني مهندسا]

مش لما تظهر النتيجة الأول

[Syedo]

بسم الله الرحمن الرحيم
بما ان النتيجة ظهرت والحمد لله وأتمني ان الكل يكون مبسوط ان شاء الله
أجاوب علي السؤال من واقع الخبرة العميقة لأني ولا فخر من أوائل الطلبة اللي قدمت تنسيق الكتروني والكلام ده كان من سنتين
والحمد لله ربنا كرمني وأنا في كلية صيدلة حاليا يالا ربنا يكرمكوا وتبقوا أحسن من كده ان شاء الله
أولا التنسيق الالكتروني ده حاجة جميلة جدا جدا جدا ........ طيب ليييييييييييه
لأنه أولا بيوفر علي الطلبة الوقوف في الطوابير و روح يابني هاتلنا الدمغة دي وبعدين أطلع امضي الورق ده ........... وانتوا عارفين الباقي:abdoog8::abdoog8:
طب ايه التنسيق الجميل ده وبنعملة اذاي وفين وامتي
اذاي؟ بنروح معانا الورق بتاع النتيجة اللي جبناه من المدرسة وهنلاقي فيه ورقة كدة مقفولة بطريقة غريبة فيها رقم سري أوعي أي حد يعرفه خالص لأن الرقم ده بالظبط زي رقمك السري بتاع عضويتك علي المنتدي لو حد عرفه يبقي قول عل نفسك يا رحمن يا رحيم
فين ؟ التنسيق الالكتروني بيكون في مكتبات الجامعات و النت كافيه بس أنا بفضل الأول نظرا لضمان السرية التامة ولأنه بيطبع لحضرتك ورقة برغباتك اللي سجلتيها
امتي ؟ طبعا دي حاجة بتاعت وزارة التعليم العالي وهي اللي بتحدد و بتبقي مراحل وشرايح
يعني ايه يا عم بالراحة علينا
حاضر من عنيا يعني الوزارة بتبقي محددة أيام للمجاميع مثلا يعني من 95:150 % من يوم السبت الي الخميس دي المرحلة
امال ايه الشريحة دي دي عبارة عن ان من 95:150% بيتقسموا علي الأسبوع طبعا الأعلي الأول
ومتقلقووووووووووووووووووووووش خالص الموضوع لذيذ لأن في ناس بتقعد معاكي وانتي بتملي رغباتك وبتساعدك بكل ما تملك
أتمني مكنش طولت عليكم بس حبيت أشرح بالتفصيل
وأخيرا حافظ علي رقمك السري ومتقلهوش لحد خااااااااااااااااااااااااااالص

[yasser274]

مش ممكن اعمل من البيت عادي
انا عاوز اعرف بس كل يوم بيبقه مجموع محدد بيبقه ايه المجموع فقط ولا داخل فيه المستوى الرفيع

[Syedo]

أهلا بيك يا معلم وأتمني ان النتيجة تكون عال العال
بانسبة لاستفسارك اللي هو ممكن تعمله من البيت ولا لأ ؟
أحب أقولك لو في حد قدم تنسيق الكتروني السنة اللي فاتت أو اللي قبلها هيكون معاك يبقي مفيش مشاكل أما لو مفيش فأنصحك تروح مكتبات الكليات وتقريبا دي موجوده في كل المحافظات لضمان عدم الخطأ في ادخال البيانات لأن ده مستقبل فخلي بالك
أما بالنسبة للمجموع فمتقلقش خالص المجموع بيتحسب بالمستوي الرفيع يعني كل الدرجات اللي جمعتها في السنتين وبيبقي ده مجموعك النهائي اللي من خلاله بتقدر تحدد انت في انهي مرحلة وانهي شرحة
بالتوفيق للجميييييييييييييييييييع وأتمني أكون قدرت أوصل المعلومة