الحقونى يا بتوع الكنترول

[ميدوو2009]

ارجوكم حد يعرفنى اعمل ايه انا امتحنت تانيه ثانوى من سوهاج منازل ونجحت والحمدلله صحيح انا زعلانه من النتيجه والظلم الفظيع فى التصحيح لكن مش دى المشكله المشكله ان اهلى مصممين يتنقلو مرسى مطروح يعنى لو ده حصل اعمل ايه فى امتحان السنه الجايه انا تبع كنترول اسيوط ازاى احول كنترول الاسكندريه وهو ينفع التحويل اصلاًبعد منجحت مرحله اولى ولا انا كده خلاص ضعت ومش هاقدر اكمل ثانوى والله حرام هم هنا فى البيت ميهمهمش اكمل ولا لا بس انا هموت لو كل التعب ده راح على الفاضى ومكملتش تعليمىارجوكم اللى عنده حل اويعرف طريقه احول بيها من هنا لهناك يساعدنى انا خلاص هتجن واموت من الخوف

[ميدوو2009]

يا جماعه حد يرد عليا لو حد يعرف حد حول اوعنده معلومه عن الموضوع ارجوكم حد يساعدنى

[melanoo2020]

بصراحة معنديش فكرة
بس خير بإذن الله
بإنتظار المساعده من المدرسين

[nancy_y]

انا كان لييا واحدة صحبتى نقلت من مدرسة لمدرسة تانيه فى بلد تانيه لكن كانت البلدين تبع نفس الكنتروول
مش عارفه بقى لو البلد التانيه كنترول مختلف هينفع ولا أيه
بس اعتقد انه هينفع ان شاء الله
وربنا ييسرلك الخييير ان شاء الله

[young coder]

استنى شوية و اسأل لان الناس مشغولة دلوقتي بالتنسيق و الهم ده

[ياسمينايا]

بص يأستاذ ميدوو انا مقدره حااله حضرتك ..
لازم تبقى مصمم على رأيك ..صمم جامد قووي وخلى عندك اراده..
ممكن متحولش خالص وتقدر تكمل تعليمك..
بجد لو اهلك مش هاممهم وانت همك تتكمل تعليمك..هتقدر..باذن الله..
نصيحتى لحضرتك انك تستعين بربنا كتيييير قووي..وتاني حاجه مش تنسي ان الفرق بين الممكن والمستحييل الاراده..
وان شاء الله تكمل وبجموع حلو كمان وتدخل كليه كويسه..بس لازم الاصرار والاراده..
وهتشوف السنه الجايه ان شاء الله..

[الكينج 1]

يا باشا روح اسال فى الاداره اللى انت تابع ليها

وهتلاقى الافاده

بس انا على ما اظن انه هينفع انك تحول لان الثانويه شهاده على مستوى الجمهوريه

ومش مهم الكنترول لانك بالتاكيد هتاخد رقم جلوس جديد

وبالتوفيق ان شاء الله يا ميدو 2009