أرجوكم افيدوني يا أساتذتى الكرام

[MatreX50]

السلام عليكم ورحمة الله وبركاته
أخوكم أحمد طالب ثانوي شعبة علمي رياضة
انا مأجل الكيمياء من وانا في سنة ثانية ثانوي,ولما جيت أأجلها كنت فاكر انى ممكن أضمها لمواد ثالثة عادي,لكن اكتشفت أنه مينفعش,وانى لازم أخدها في سنة لوحدها,فقررت أخد معاها كام مادة من تالتة(فيزياء وعلم نفس وانجليزي),وامتحنت السنة دي في الرياضة2 والعربي والمستوى.
سؤالي دلوقت هل المواد اللى انا غبت فيها وأجلتها لما ادخلها تاني هل سيتم تصحيحها من نصف درجة التصحيح لا قدر الله ولا هتتصحح عادي بدرجة التصحيح الكاملة؟ثانيا...هل الثلاث المواد اللي انا أجلتها في تالتة على اساس اني هدرسها في سنة الكيمياء هل انا هدرسها فعلا مع الكيمياء في سنة واحدة وهي السنة الفراغ؟ولا ممكن لا قدر الله يحصل زي ما حصل لما أجلت الكيمياء وتكون التلات مواد اللي مأجلها من تالتة لازم يكونوا في سنة تانية غير سنة الكيمياء ومينفعش اخدهم مع الكيمياء؟
ثالثا:هل لو انا دخلت التلات مواد مع الكيمياء فعلا في السنة الجاية ان شاء الله هل المجموع الاجمالى بيتاعي اللي هيدخلني الكلية ان شاء الله هيتحسب بجمع درجاتي اللي جبتها في الثلاث سنوات(ثانية,ثالثة,السنة الفراغ)؟ولا هيتحسب على اساس ايه؟
أرجو الاجابة الأكيدة من اساتذتي الكرام اصحاب الخبرة الكبيرة أو من كبار مشرفي هذا الموقع العظيم,وارجو انشاء موضوع بخصوص التنسيق في السنة الفراغ,وهل معنى كلام الوزير بخصوص ان الحد الأدنى للتنسيق هيكون متوسط تنسيق اخر خمس سنوات هل معناه أنه من الممكن ان يكون الحد الأدنى للقبول في كلية الهندسة أقل من90%أو من الممكن أن يكون بين87&و90%,ولا استنتاج حضراتكم ايه؟
أسف للأطالة وشكرا.

[aia_ahmed]

اطمن كل اللى انتى خايف منه مش هيحصل ومجموع هيبقى بتاع التلت سنين وانا متاكده من اللى انا بقوله

[ساعدونا]

انا شايف يا جماعة ان الرد الشامل للأسئلة دي يكون من مدرس احسن

[ميدوو2009]

اكيد اكيد تاخد درجتك كامله السنه الجايه فى كل المواد من غير متحتاج سنين غيرها ده اكيد تبعاً لللقانون المعمول بيه حالياًده اكيد اما بالنسبه للتنسق فى سنه الفراغ فمقدرش اقول غير حسبى الله ونعم الوكيل لان المجلس الاعلى للجامعات ووزارة التعليم العالى طلعو قرار ان النسبه تكون متوسط ال5 سنوات السابقه يعنى مجموع الحد الادنى لتنسيق الكليه فى الخمس سنين اللى فاتو مقسوم على 5يعنى الهندسه امكن تزيد مش تقل عن السنه دى لان سنة2007,2006 كان التنسق مولع اكتر من اى سنه تانى مما يترتب عليه ارتفاع قيمة متوسط الخمس سنوات مش انخفاضها