|
||||||
| كلية العلوم كليات العلوم للجامعات المصرية |
 |
|
|
أدوات الموضوع | انواع عرض الموضوع |
|
#1
03-05-2009, 12:49 AM
|
|||
|
|||
علوم حاسب و لا كيمياء ؟!عايزة اعرف رأيكم ...
في سنه تانيه علوم طبيعيه هنتقسم لشعبتين ...شعبه ( أ )فيزياء و رياضه و دول ليهم تخصصات منها علوم الحاسب و شعبه (ب)فيزياء و كيمياء و يتخصصوا بعدين كيميا او كيميا فيزيا... السؤال المهم دلوقتي اي تخصص احسن من ناحية الدراسه و بعدين الشغل ....ياريت كل واحد يقول رأيه خصوصا اللي اكبر منا و في احد القسمين دول ... 
|
|
#2
03-05-2009, 02:25 AM
|
||||
|
||||
|
ازيك 3olom _alex
اولا اهلا بيكي معانا و يا ريت تشاركي معانا في موضوع "مين علوم اسكندرية؟؟؟؟؟" الموضوع ده احنا كلنا متجمعين فيه كطلبة علوم اسكندري في اي حاجة تخص علوم اسكندرية بالذات ام اي حاجة تانية ففي مواضيع مثبتة و تقدري برضه تعملي مواضيع زي مانتي عايزة. و انا فرحان اوي لان عدد طلبة علوم طبيعية في المنتدى بدأ يزيد اصلي كنت حاسس اني في صحراء.انا اولى علوم طبيعية برضه. المهم..بالنسبة للتخصص ده سؤال كلنا بنسأله لنفسنا دلوقتي عشان قربنا من موضوع اختيار التخصص الرئيسي. انا هقولك بصفة عامة بس برضه احب اعرف نتايجك ايه في الترم الاول كمان لان دي برضه ليه أثر. لو انتي بتحبي الرياضة و مادة البرمجة او بمعنى اصح بتمشي فيهم يبقىالحاسب كويس اوي.. و القسم ده عاجبني اوي بس للاسف انا بكره الرياضيات كره العمى..و مادة الحاسب الاجبارية مش فاهم فيها ي حاجة.و حاسس ان الحاسب مادة مكعبلة اومال لما تبقى تخصص بقى؟ لو انتي بقى مستواكي و حبك للكيميا و الرياضة قد بعض يبقى انتي هتشوفي مين شغله اكتر. الحقيقة انا شايف او المعظم شايف ان دول من اكتر اقسام الكلية في الشغل .. بس انا اعتقد الكيميا مهما كانت مجالها اوسع ده غير اني شايف برضه انه الواحد عشان يقدر يشتغل كويس في مجال الحاسب لازم يبقى حاسب سبيشيال و ده شروطه برضه زي كيميا سبيشيال صعبة عشان شعبة خاصة..في حين اني شايف ان لو الواحد مقدرش يدخل كيميا سبيشيال و ده غالبا و راح داخل كيميا فيزيا بيبقى فرصته في الشغل برضه حلوة,بل و اني ساعات بسمع ان كيميا فيزيا مطلوبين اكتر من كيميا سبيشيال. هيفعلا الكلية فيها اقسام حلوة تحير. و خدي اراء اكتر عشان تاخدي قرار صح.. سلام..
|
|
#3
03-05-2009, 02:08 PM
|
|||
|
|||
|
انا كنت بتابع المواضيع بتاعت مين علوم اسكندريه و كنت حابه اني اشترك من زمان ....نتيجة التيرم الاول كانت كويسه الحمد لله .......بس عايزة كل طلبه علوم طبيعيه يقولوا رأيهم عشان لسه محتارة برده و مش عارفه ادخل قسم ايه !!!!بحب المواد كلها تقريبا الكيمياء و البرمجه و الفيزيا و الرياضه البحته ( بس الميكانيكا لاااااااااا..صعبه اوي في التيرم ده ) معظم صحابي ناويين على الكيميااو الكيميا فيزيا على حسب التقدير طبعا...بس انا شايفه انو شغلها في الشركات( سواء شركات بترول او ادويه او كيماويات) محتاج واسطة!!!بعكس البرمجه و علوم الحاسب....
هي محاضرة العميد بتاعت التخصص اتأجلت لإمته ؟؟ يوم 5 | 5 ؟؟ و هتكون الساعه كام ؟؟
|
|
#4
03-05-2009, 03:28 PM
|
||||
|
||||
|
يعني المهم مش طالعة بمواد؟
مش عارف موضوع الواسطة ده بس انتي معاكي حق في ان قطاع البترول معروف بالوسايط. الحقيقة انا بالنسبالي البحتة صعبة و الميكانيكا صعبة و البرمجة منيلة. واضح انك عندك استعداد للحاسب.. بس المهم تحاولي تحافظي على تقديراتك عشان دخلي حاسب اسبيشيال ده لو قررتي ان التخصص الرئيسي حاسب. لعلمك انا برضه كنت بفكر في قسم علوم الفضاء الجديد لاني سمعت انه ممكن الوحد يسافر بره و يشتغل في مجال الطاقة الشمسية و شركات الاتصالات..بس حاسس انه صعب و مش أكيد و غير كده عشان ادخل الاقسام دي هضطر ادرس رياضة و انا عايز ابعد عن الرياضة.و كمان علوم البحار نفس الكلام..و الفيزياء بقى كنت بفكر اتخصص فيها لانها اسهل مادة بالنسبالي لكن برضه نفس المشكلة ان في رياضة كتير..ده غير ان شغلها قليل بس مدام بحبها يبقى هتفوق فيها و ممكن الاقي فرصة شغل. بس غالبا انا كده كيميا بقى. المحاضرة بتاعت العميد يوم 5/5 الساعة 2 تقريبا في مدرج 1. و انا بدخل المنتدى باستمرار لو عندك اي حاجة. سلام..
|
|
#6
12-06-2009, 08:04 PM
|
|||
|
|||
|
بما اني خريج علوم قسم حاسب
فهقولك خبرتي في الموضوع عشان تطلعي من الكليه تشتغلي في مجال الحاسب لازم تكوني عارفه ان دراستك في الكليه مش هتفيدك كتير ولازم تعتمدي على نفسك وتقوي نفسك في المجال اللي انتي عاوزه تتخصصي فيه في الحاسب
|
|
#7
13-06-2009, 03:31 PM
|
|||
|
|||
|
بالنسبة لسؤالك ارشحلك طبعا كميا وانتى مغمضه ويا جماعة مفيييييش مقارنة مابين الكميائيين واي حد تانى في كليه علوم
يعنى الكميائي زى الصيدلي بالظبط شركه ادويه يشتغل هتقوليلي واسطة الواسطة هتبقي الللي ع صيدله ع علوم بردو عشان كدة كله ياما يشتغل ميدكال ريب ودة يا جماعة بيكسبو كتير جداااااا يعنى صاحبي لسه متخرج وبياخد 18000 جنيه في الشهر والشركة ادتله عربيه كمان بس في نفس هتبعد عن مجال الكميا لان المديكال ريب عبارة عن تسويق الاودويه وبردو بيشتغلوها الكميائيين والصيادله و الاطباء فقط اللي بقي عايز مش يبعد عن مجال دراستة يعمل دبلومة تحاليل وبيدولك لقب اخصائي تحاليل طبيه وممكن تشتغل في معامل تحاليل بس هيبقي العائد المادى قليل جدا حوالي 400 جنيه وكمان احيانا سوء المعامله اما بقي علوم الحاسب فانا اخدت الاي سي دى ال واللي كانت بتدينى خريجة هندسة مدنى عشان مش لاقيه شغل فهتلاقي كل الكليات هتشتغل فيها وبوسايط بردو اخيرا صلي صلاه استخارة واتوكلي ع ربنا واختاري اللي انتى بتحبيه واحاسة انك هتتفوقي وهتبدعى فيه
|
|
#8
11-07-2009, 07:06 PM
|
|||
|
|||
|
علوم الحاسب طبعا أحسن
|
|
#9
13-07-2009, 12:59 PM
|
|||
|
|||
|
انا برده كنت هدخل فيزيا عشان علوم حاسب بس قالولي ان القسم ده الشغل بتاعه قليل وبواسطة كمان
أحسن حاجة الكيميا طبعا بيها هتشتغل في كل حاجة كل الشركات والمصانع بتحتاج كيميائين
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:53 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
