تصحيح الرياضه

[ميدوو2009]

ارجوكو حد يطمنى لسه جايلى تليفون من ناس جابو النتيجه وبيقولو ان الرياضيات اخدو درجة المسائل الصح كلها يعنى التصحيح على الناتج النهائى مش الخطوات ولو الناتج غلط طارت المسئله كلها حتى لو الخطوات صح طب انا الاله الحاسبه فصلت فى الامتحان وحليت مسالتين كل خطواتهم صح بس الناتج هو اللى ناقص يبقى كده طارو الاتنين هو كده صح ارجوكم اللى يعرف حاجه عن اسلوب التصحيح يقلى انا خلاص انهرت وحاسه انى هاتشل ارجوكم حد يعرف الرياضه بتتصحح ازاى

[mina_123456789]

ya 3am 5leha 3la allah

[ymymym]

مافيش حاجه اسمها كده

اصلا اي كلمه بتكتبها بتاخد عليها درجه والورقه بتتنفض كلها
اهدووووووووووووووووووا انا اتوترت وانا قاعده معاكم انا مكنتش كده السنه اللي فاتت انا ساعتها كنت بفرج علي التليفزيون والله وقمت سيبته قمت لعبت علي الكومبيوتر اهدوا كده مافيش اي حاجه خالث

[ميدوو2009]

يعنى هم بيصححو على الخطوات ويدوها درجه ولا الناتج النهائى بس وانتو متاكدين

[ymymym]

اكيد طبعا بيدوك درجات علي الخطوات وبيدوك درجه علي الناتج الاخير علي ما اظن
انا سمعت اصلا من السنه اللي فاتت المستر بتاعي قالي لصاحبتي الناتج الاخير درجته قليله قوي قوي
يعني ممكن متارثرش بس الخطوات ممكن تاخد عليها درجات حتي ولو فيها مثلا قدمت خطوه علي خطوه والله اعلم طبعا

برضه اهدي شويه

[Bent 3bdo]

ان شاء الله خير
ماتقلقش
لو لاقوا الناتج غلط هيبصوا ع الخطوات انما لما بيلاقوا صح بيدوا الدرجه كامله
يعنى ان شاء الله اكيد هتاخد درجات ع الخطوات

[أميرة الحب]

لأ طبعاً الكلام ده موووووش صحيح خاااااالص
يابني دول اصلا سعات لو انتا كاتب الخطوات صح ومفيش غير الناتج اللي غلط ممكن مش يحاسبوك عليه اساساً او ينقصوك عليه حاجة بسيطة جدا ... انتا مادام كاتب خطوات كتير كدا وماليها قوانين .. خلاص ماتقلقش .. معروف ان التصحيح في رياضة تالتة بيبقا حلو
على فكرة انا علمي رياضة زيك
متقلقشي الكلام ده غلط
وإن شاء الله التصحيح حلو وربنا هيكرمنا قول يارب

[ميدوو2009]

ربنا يخليكو وينجحكو يارب **انا منهاره من الصبح وانتو طمنتونى ربنا يطمنكو وينجحنا كلنا وميحزنش حد فينا ابداً

[fatac2]

احنا اجدع ناس تصدق الاشاعات

كل جزئية في السؤال لها درجة

وانظروا الي النماذج الرسمية للاجابة بالموقع



انصحك تروحي تتوضي وتصلي
الكأبة سوف تزول

وهواجس الشيطان

نصيحة لاتخافي

[ميدوو2009]

شكرااااً وجزاكم الله خيراً

[mood17]

يا جماعة مستحيل يدي الدرجة كاملة على الحل النهائي من غير خطوات يعني لو واحد غش نتايج المسائل كلها وكتبها من غير خطوات هيجيب 50 ؟؟؟؟؟؟؟؟؟؟؟ مستحيل طبعا اهم حاجة الخطوات لانها بتبين للمدرس انه فاهم

[nourhan-92]

انا الى اعرفه انهم بيصححواعلى اساس الخطواط والناتج بيكون عليه درجة صغيرة جدا يعنى ممكن ربع درجة ولوزادت مش هتزيد عن نص درجة و خلى ثقتك بالله كبيرة وان اشاء الله نجيب مجاميع كبيرة وندخل الكلية اللى احنا عايزنها

[maheraly_6]

عمى مدرس رياضة بيصلح امتحانات الثانوية العامة قالى ان الناتج النهائى علية نصف درجة فقط يعنى ما تقلقش المسالتين ممكن تنقص عليهم درجة واحدة بس