جميع الادوات المستخدمه فى الرسم

[noura_4251111]

دلوقتى بقى نبدأ نقول ادوات الرسم بالرصاص و الفحم...

*-------------------*


اولا الرصاص

1 افلام رصاص و تكون نوع كويس زى ا لFaber castel او الاستيدلار..و هى متدرجه بأرقام من H -Hp الى 6B وانا انصح بعدم استخدام اى قلم رصاص فيه H يعنى يكون اخف قلم نشتغل بيه هو الـ B و نقدر نزود من بعد البى الى 6B ..وفيه 9 كمان..

وفيه اقلام جرافيت و بتكون مفيش خشب فى القلم و لكن كله بيترسم بيه و لكن الاقلام الرصاص العادية افضل








2 ممحاة عاديه




3 ممحاة فحم و هى بتكون طرية زى اللبانة











4 ورق كانسون ناعم او ممكن مشدود او فبريانو براحتنا يعنى

5 كاتر علشان نبرى القلم بيحث يكون السن 3 و الخشب 1 يعنى السن يكون طويل عن الخشب علشان يكون فيه مساحه كبيره من السن نقدر نظلل بيه

6 شاسه خشب او اى حاجه خشب مسطحه نسند عليها يعنى...

وبس

فى الفحم نفس الادوات بس حنستخدمم الفحم النباتى اللى بيبقى شكل جزع الشجر على صغير و بيكون محروق ..فحم يعنى








طبعا فيه اقلام الفحم بس الشغل بيها مش زى الشغل بالنباتى ..الفحم النباتى نتيجته احلى و اوقع من الاقلام

و بس كده نبقى قولنا كل حاجه عن الفحم و الرصاص

لسه بقى الالوان ..... استنوووونى

[noura_4251111]

دلوقتى بقى مع ادوات الرسم بالباستيل الجاف

1 الوان سوفت باستيل و هى عباره عن حاجه شكل الطباشير الملون بس طبعا خامه مختلفه
دى صورته

2و ورق كانسون او فبريانو ..ابيض او ملون

3 ممحاه فحم و ممحاه عاديه

4 مثبت ..اسبراى(فيه منه مخصص للرسم و هو غالى) و فيه ممكن نستخدم اسبراى مثبت الشعر او الدوكو الشفاف و هو ارخص و ليه نفس النتيجه

5شاسيه خشب برضه علشان نسند عليه

و ممكن نستخدم الاستاند زى بتاع الزيت ....

وبس كده خلصنا الباستيل