سؤال محيرنى ممكن اساتذتى يردوا عليه؟

[امنيه المصرى]

لا حظت ان كذا مستر فى المنتدى مقدم pargraph لينا نحفظه سلبى وايجابى عباره عن مجموعه جمل تمشى

مع كل حاجه طب هل الكلام ده صح؟ انا طالبه فى مدرسه لغات وادرس انجليزى من kg1 وعمر ما اى مستر

علمنا الكتابه بالشكل ده طب البارجراف ده موضوع تعبير يختلف فيه الاسلوب من طالبه او طالب لاخر اللى

حافظ جمل ده يبقى كتب ايه؟ مش كتب حاجه ولا عبر عن نفسه بالانجليزى وبعدين هل فى الثانويه العامه

المدرسين بيساوا بين طالبه بتعرف تكتب زى كده وبين طالبه تانيه حافظه شويه جمل ملهومش علاقه اصلا

مباشره بالموضوع؟ ده كده يبقى ظلم لينا كطلاب متميزين فى اللغه ياريت اعرف رأى الاساتذه فى الموضوع ده

[جواد عوض]

لا بالفعل دة كلام غلط واللى بيعمل كدة بي*** روح الابداع عند الطالب والكلام دة ما ينفعشى مع طلبة متميزين ممكن ينفع مع طلبة عاوزين يلموا اى درجة وخلاص واحنا فى التصحيح عارفين الكلام دة عارفين من اللى كاتب باسلوبة ومن اللى متحفظ جمل يدخل يحطها زى ما هى وخلاص وطبعا مش كلة بيتساوى

[مستر/ عصام الجاويش]

المشاركة الأصلية كتبت بواسطة جواد عوض

لا بالفعل دة كلام غلط واللى بيعمل كدة بي*** روح الابداع عند الطالب والكلام دة ما ينفعشى مع طلبة متميزين ممكن ينفع مع طلبة عاوزين يلموا اى درجة وخلاص واحنا فى التصحيح عارفين الكلام دة عارفين من اللى كاتب باسلوبة ومن اللى متحفظ جمل يدخل يحطها زى ما هى وخلاص وطبعا مش كلة بيتساوى

وانا اضم رأى للمستر جواد ان الكلام ده غلط احنا كنا بنصحح فى قطاع القاهره وكنا بنعطى الطالب اللى عامل كده صفر موجهنا العام كان بيقولنا ادوهم صفر وعلى مسؤليتى واحنا ايضا مقتنعين ان الطلاب دول ما يخدوش اى درجه لانهم فعلا مش كتبوا حاجه فعلا لايستوى الطال المميز بالطالب اللى بيحل بالفهلوه
:0 49gc0:

[عصام عبد الحميد سعيد]

ان حفظ الموضوعات هو خيار العجزة
نصيحتى لك ان لا تكونى منهم

[عصام عبد الحميد سعيد]

اعتقد ان المدرس الذى يعطى موضوعات ليحفظها طلابه بغرض كتابتها فى الأمتحان
هو مدرس غير طموح بل ومحدود وللأسف هم كثر ظنا منهم ان طلبنا ليسوا اكثر من ببغاء يردد ما يقال له
وأنا ارى الخير فى ابنائنا وبناتنا ولذلك فمسئوليتنا تجاههم كبيرة فهم امانة فى اعناقنا يجب ان نعلمهم
ماهو صحيح

[mhmoud ahmed mhmoud]

اري ان موضوع التعبير مقياس لمهارات الطالب من حيث القواعد والاسلوب وكل مهارات اللغة فيجب ان يعبر الطالب باسلوبه وليس الحفظ لمقدمة او نهاية يكتبها لان الطالب ممكن ان يكون لديه مهارات اقوي من الحفظ وبذلك نكون دفناها عن طريق تقييده بالحفظ

[مستر طارق فؤاد]

بداية أوافق كل زملائي في أرائهم و لكن اريد أن أطرح وجهة نظر عملية لا تختلف كثيرا عما قيل

بصي يا أمنية
تعالي نتكلم بصراحة..
كتير من الطلبة (خاصة طلبة المدارس الحكومية) ماتدربوش كفاية على كتابة البراجراف من صغرهم فعشان كده تلاقيهم قلقانين جدا منه فبدأ بعض المدرسين (مش عارف من امتى) اخترع حاجة كده اللي بتشوفيها دلوقتي كجسم لموضوع كامل و الطالب بيحط اسم الموضوع بس كام مرة .. (و ده لأسف بدل ما يدربهم على كتابة الجمل و التعبير)

طبعا الطالب ما بياخدش درجة كويسة على ده بس ممكن ياخد عليه درجة أو اثنين (و ده لما بيكون محتاج درجات ترفعه بس) لأنه على كلام عام و ينفع لأكتر من موضوع.. فطبعا بالنسبة للطالب ضعيف المستوى ده كده احسن من انه يسيبه. (طبعا ده ينفع مع الطلبة اللي عايزين بس يكملوا درجة النجاح مش يتفوقوا)

طب ده صح ؟؟ بالتأكيد لأ

انا شخصيا بدي الطالب بتاعي مقدمات متنوعة و بقوله استخدم كل مقدمة حسب الموضوع و مقدمة ما تزيدش عن سطر. طب هي مهمة المقدمة ؟ رأيي انها مهمة و بتدي أسلوب أفضل للكتابة.. و بقول للطالب برضه استخدم من حين لأخر في بدايات الجمل بعض العبارات الجميلة مثل:
on one hand...................
on the other hand............
However,.................
I think ..................
There is no doubt that
و هكذا >> بس يحط جمل من عنده بعدها عن الموضوع

ياريت اسمع رأيك؟ و أكيد رأيي زملائي الأفاضل بالمنتدى هيكون مفيد

[Mr.Ahmed Fadel]

المشاركة الأصلية كتبت بواسطة tarekfouad

بداية أوافق كل زملائي في أرائهم و لكن اريد أن أطرح وجهة نظر عملية لا تختلف كثيرا عما قيل

بصي يا أمنية
تعالي نتكلم بصراحة..
كتير من الطلبة (خاصة طلبة المدارس الحكومية) ماتدربوش كفاية على كتابة البراجراف من صغرهم فعشان كده تلاقيهم قلقانين جدا منه فبدأ بعض المدرسين (مش عارف من امتى) اخترع حاجة كده اللي بتشوفيها دلوقتي كجسم لموضوع كامل و الطالب بيحط اسم الموضوع بس كام مرة .. (و ده لأسف بدل ما يدربهم على كتابة الجمل و التعبير)

طبعا الطالب ما بياخدش درجة كويسة على ده بس ممكن ياخد عليه درجة أو اثنين (و ده لما بيكون محتاج درجات ترفعه بس) لأنه على كلام عام و ينفع لأكتر من موضوع.. فطبعا بالنسبة للطالب ضعيف المستوى ده كده احسن من انه يسيبه. (طبعا ده ينفع مع الطلبة اللي عايزين بس يكملوا درجة النجاح مش يتفوقوا)

طب ده صح ؟؟ بالتأكيد لأ

انا شخصيا بدي الطالب بتاعي مقدمات متنوعة و بقوله استخدم كل مقدمة حسب الموضوع و مقدمة ما تزيدش عن سطر. طب هي مهمة المقدمة ؟ رأيي انها مهمة و بتدي أسلوب أفضل للكتابة.. و بقول للطالب برضه استخدم من حين لأخر في بدايات الجمل بعض العبارات الجميلة مثل:
On one hand...................
On the other hand............
However,.................
I think ..................
There is no doubt that
و هكذا >> بس يحط جمل من عنده بعدها عن الموضوع

ياريت اسمع رأيك؟ و أكيد رأيي زملائي الأفاضل بالمنتدى هيكون مفيد

أؤيدك فى الرأى مستر طارق

[leaderboss]

المشاركة الأصلية كتبت بواسطة mr.ahmed fadel

أؤيدك فى الرأى مستر طارق

طبعا ده كلام مضبوط 100% لان فيه طلبه و خصوصا فى الحكومه الطالب مش ممكن يكتب اى حاجه فى البراجراف يعنى بيسيبه أبيض. فبيكتب اى شىء بدلا من لا شىء.
و شكرا

[Essam Abdelmoety]

انا شايف ان الطالب لابد ان يعرف كثير من المصطلحات التي تساعده في كتابه اي موضوع ولابد ان يعرف كثير من الكلمات التي تساعده في التعبير عن ارائه وعن نفسه والتي تساعده على الابداع ولابد لنا كمدرسين ان نغرس روح الابداع في نفوس اولادنا

[Essam Abdelmoety]

التل تتشرف بيكي

[Mr Mosaad El Hegazy]

I can't understand why do we give these students zero there are some rules known that should be followed in paragraph writing iif they followed them they they should be given the mark they deserved regardless of there level

[بركات شهد]

اتفق مع زملائى مع ضرورة التعامل مع الطالب حسب الهدف المنشود تحقيقة معة مع النظر الى قدرات الطالب واكثر ما يستطيع تحقيقة

[كرمينا]

كل عام وانتم بخير
ابو بيشو

[ebraheem]

انا متفق مع الا ساتذه بس فى نوعيه من الطلبهالى ماتدربوا كفايه بيضطروا يستخدموا هذا الكلام