لو الفتاه هي التي تدفع المهر كم تطلب ايها الشاب؟؟

[مستر محمود صادق]

انا هطلب ربع جنيه ويكون معدن مش ورق

[الاستاذ محمد سرور]

مع ان الموضوع من سنة ونص بس نرد برده

شوفى انا حتكلم عن تجربة شخصية

انا حصل معايا الموضوع دة اكتر من مرة
ومنهم اللى طلب انى اروح بشنطة هدومى
ومدفعش مليم فى الجوازة
ومنهم اللى عرض على امسك جزء من تجارته مقابل الجواز من بنته

وفى النهاية رفضت كل دة

وقلت انا مش حستريح فى مكان ما تعبتش فيه
واستحالة اعرف انام على مخدة ما عرقتش وتعبت علشان اجيبها

وطبعا على ما عملت فلوس علشان اتجوز دة بقى حالى
ولسه الله اعلم ببكرة فيه ايه

مش الواحد كان وافق على جوازة سقع من اللى فاتوا دول وبقت عيشة فل

طبعا انا بهرج ...مفيش راجل ...وخدى بالك من كلمة راجل يقبل ان قرش يتصرف على بيته الا من جيبه
وساعات ممكن يقبل فى بداية الجواز فلوس من حماة لبنته علشان ما يزعلوش مش اكتر
بس بيبقى جواه نفسه يرفضها

سبحان الله ...هى دى القوامة اللى ربنا خلقها فى الرجل ..وبها تنتظم الاسرة فى حياتها وتستقر


وبالنسبة لسؤالك افتكر حديث الرسول صلى الله عليه وسلم
اقلهن مهورا ...اكثرهن بركة

ممكن نبدل النون بميم