عندى سوال؟؟

[XMTMX2009]

واحشنى يا جماعة والله المهم انا طبعا دخلت كلية تجارة عشان المجموع انا كنت 2 ثانوى علمى وحولت 3 ادبى وانا فى اولى تجارة دلوقتى عايز اعرف ممكن اخش 3 ثانوى علمى اعيدها يعنى عشان احول مسارى مستنى الرد

[wanda]

انت لو هتعيد لازم تدخل سنة تانية تانى وتعمل waitingفى الجامعه عادى وتقدم اعتزارات علشان تبقى مقيد بكليتك

وتعيد عادى خالص ولما تخلص ان شاء الله لما تدخل كلية تانية اللى نفسك فيها تقدر تسحب ورقك من كلية تجارة

وبالتوفيق

[vampire1188]

اولا حضرتك لو مش عاجباك الكلية اللي انتا فيها ..

لازم تفضل مستمر فيها غصب عنك للاسف لغاية ماتاخد البكالريوس بتاعك

بعد كدا اذا انتا عايز تخش كلية تانية .. تبقي ترجع تاني تعيد الثانوية العامة وتخش من اول وجديد

معا مراعاة انك بتبقي طالب منتسب في الكلية دي

ودا معناه انه غير مصرحلك غير كليات الاداب والتجارة والحقوق لإن دول فيهم انتساب

اما غير كدا ماينفعش

[XMTMX2009]

شكرا جزيلا على الردود

[XMTMX2009]

يعنى مينفعش اخشها وانا بدرس فى الكلية ؟؟؟ولو دخلت علمى مينفعش اخش كلية علمية خاصة

[vampire1188]

يعنى مينفعش اخشها وانا بدرس فى الكلية ؟؟؟ولو دخلت علمى مينفعش اخش كلية علمية خاصة

على حد علمي .. كل اللي اعرفه ان انتا لا يحق ليك الا انك تخش الكليات اللي فيها انتساب

يعني طب وهندسة وعلوم والكليات دي كلها مش من حقك لان مافيهاش انتساب

[فرسان الحق]

ممكن يا باشا تدخل اى معهد خاص مش تابع للتنسيق زى معهد التكنولوجيا و المعاهد دى و تكمل معاها دراسة تجاره لكن المهم توفق ما بينهم او ممكن تسيب تجاره خالص عادى
لكن صدقنى تجاره حلوه جدا و احسن من غيرها و مستقبلها حلو لو اجتهدت فيها