الاساتذة الكرام !!

[الاستاذ محمد سرور]

المشاركة الأصلية كتبت بواسطة tiestoooo_9

لو سمحتم ,,,, مطلوب ملخص لشروط التشابة و التطابق و أن يكون الشكل معين أو متوازي اضلاع أو اي شرط من هذا النوع ,,,,, لأن هي دي مشكلتي في الفراغية !!!!

المشاركة الأصلية كتبت بواسطة tiestoooo_9

ياريت بسرعة علشان الامتحانات على الأبواب ,,,,,
و مشكرون على المجهورد !!!

طيب ركز معايا

نمسك اولا تشابة المثلثات

1- ثلاث زوايا تساوى نظائرها فى مثلث اخر
2- زاويتين تساوى نظارئهما فى مثلث اخر .......لان بشكل تلقائى الثالثة = الثالثة فى الاخر
3- احدى زاويتى القاعدة فى مثلث متساوى الساقين تساوى نظيرتها فى مثلث متساوى ساقين اخر
4- زاوية حادة من زوايا مثلث قائم تساوى نظيرتها فى مثلث قائم اخر
5- زاوية تساوى نظريتها فى مثلث اخر ..والاضلاع التى تحصرها تكون متناسبة مع الاضلاع التى تحصر الاخر
6- ثلاث اضلاع فى مثلث تتناسب مع نظائرها فى مثلث اخر
7- اى مثلثين متساويا الاضلاع متشابهين

خد بالك عند تشابه شكلين فى النسبة بين محيطيهما = النسبة بين اى ضلعين متناظريين فيهما
والنسبة بين مساحتيهما = مربع النسبة بين اى ضلعين متناظريين فيهما

ثانيا التطابق للمثلثين
1- ثلاث اضلاع تساوى نظائرها
2 ضلعين وزاوية محصورة بينهم = نظائرهم
3- زاوييتين والضع المقامين علية = نظائرهم

خواص الاشكال
اولا متوازى الاضلاع
هو شكل رباعى فيه كل ضلعين متقابلين متساويين ومتوازيين....وكل زاويتين متقابلتين متساويتين
وكل زاويتين متجاورتين مجموعهم 180
والقطرين ينصف كل منهم الاخر

ثانيا المستطيل
هو متوازى اضلاع بالاضافة الى ان زواياه قائمة والقطرين متساويين

ثالثا المربع
هو مستطيل بالاضافة الى ان جميع اضلاعه متساوية والقطريين متعامدين وينصفان زوايا الرأس الى 45 درجة لكل نصف

رابعا المعين

هو متوازى اضلاع جميع اضلاعه متساوية والقطريين متعامديين ينصفان زوايا الرأس