ياريت حد يساعدنى فى حل الاسئله دى

[hebaaaaa]

ماذا يحدث فى العبارات الاتيه :
1-اذا تم حك عينه من الكوارتز لونها وردى وعينه اخرى لونها لون اللبن وعيه ثالثه رماديه.
2-اذا حك قطعه من معدن اسمه الكميائى كربونات نحاس مائيه بمعدن اسمه الكميائى كربونات كالسيوم.
3-اذا تم دوران قطعه من الماس .
4- اذا حك معدن المرو بمعدن التلك.
اذكر مثالالكل من:
*معدن جيد الانفصام.
*معدن له لون متوصل .
-ياريت حد يساعدنى فى حل الاسئله دى .

[د/ أمجد المالكي]

المشاركة الأصلية كتبت بواسطة hebaaaaa

ماذا يحدث فى العبارات الاتيه :
1-اذا تم حك عينه من الكوارتز لونها وردى وعينه اخرى لونها لون اللبن وعيه ثالثه رماديه.
2-اذا حك قطعه من معدن اسمه الكميائى كربونات نحاس مائيه بمعدن اسمه الكميائى كربونات كالسيوم.
3-اذا تم دوران قطعه من الماس .
4- اذا حك معدن المرو بمعدن التلك.
اذكر مثالالكل من:
*معدن جيد الانفصام.
*معدن له لون متوصل .
-ياريت حد يساعدنى فى حل الاسئله دى .

طبعا عندك حق تقولي حد يساعدني

لإن الأسئلة دي معظمها متألفة ومش في المنهج

وانا بعترض عليه تماما لإنها بتخلي الاجزاء السهلة اللي في المنهج صعبة وبتحبط الناس كلها

ونصيحة انتي لازم ما تضيعيش وقتك في النوع ده من الأسئلة

وتذاكري من مصدر موثوق فيه


ودلوقتي هجاوب لك الأسئلة المقررة عليكي


اذا تم دوران قطعه من الماس
تظهر خاصية تلاعب الألوان حيث يفرق الماس شعاع الضوء الساقط عليه للونين الأحمر والبنفسجي
4- اذا حك معدن المرو بمعدن التلك.
معدن المرو هو الكوارتز وصلادته 7 بينما التلك صلادته 1
إذن يخدش الكوارتز معدن التلك

اذكر مثالالكل من:
*معدن جيد الانفصام.
الميكا والجرافيت

باقي الأسئلة انسيهم

[healer_sword]

للأسف ... الأسئله دي من كناب النماذج ... وأعتقد إن بعضها فيه غلطات مطبعيه .... زي السؤال الثاني والرابع عموما ....
بالنسبه للسؤال الأول .... هو المقصود طبعا ... حك معادن لها نفس درجة الصلاده .... مع بعضها البعض .... ودي كتاب المدرسه مش جايب سيرتها .... إحنا عارفين إن كل معدن يخدش الذي يسبقه في المقياس ولا يخدش الذي يليه ..... لكن عند تم حك معادن لها نفس درجة الصلاده ..... يخدش كل منهما الأخر .......... (أكيد المعلومه مش عليكي .. يبقى مش سؤال امتحان)

السؤال الثاني : المعدن الذي تركيبه كربونات النحاس المائيه هو معدن المالاكيت وده طبعا درجة صلادته مش عليكي ... لكن السؤال ممكن يكون على معدن تركيبه كبريتات كالسيوم مائيه والمقصود هو معدن الجبس ..... والمعدن الثاني تركيبه كربونات كالسيوم .... وهو الكالسيت .... كده يكون السؤال له معنى .... ان الكالسيت (3) يخدش الجبس (2)

السؤال الرابع : معدن له لون متوصل ..... أعتقد المقصود معدن له لون متأصل ..... وهو اللون الحقيقي الذي لا يتغير وعندنا في المنهج مثاليين الكبريت الأصفر .... والمالاكيت الأخضر

أرجو إن تكون الصوره وضحت ..... وأنا أتفق مع د / أمجد بالبعد عن الأسئله التي تهز ثقة الطالب بنفسه وتسبب له الإضطراب .... إن شاء الله الإمتحان أبسط من كده بكتير

[hebaaaaa]

ميرسى يا مستر.... امجد ويا مستر ...healer على المساعده بجد انا متشكره جدا.

[رضوى محمود زكى]

انا كنت هموت لما شوفت الاسئله الصعبه دى كويس انكم قولتوا انها مش علينا

[el_sh2ya]

يارب يكون الامتحان سهل فعلا
انا كنت لسه حاله الاسئله دي مع الميس بتاعتي النهارده
في فعلا في كتاب النماذج وكنت هتجنن لان المالاكيت منعرفش ايه درجته

لكن عند تم حك معادن لها نفس درجة الصلاده ..... يخدش كل منهما الأخر ..........
ميرسي اوى يا مستر
الواحد لازم يتوقع اي حاجه ممكن تيجي في الامتحان
ولو حد اتكلم هيقولوا مكتوبه

[el_sh2ya]

-اذا حك قطعه من معدن اسمه الكميائى كربونات نحاس مائيه بمعدن اسمه الكميائى كربونات كالسيوم.

ايه دا بقي كربونات نحاس مائيه مالاكيت ومش مكتوب درته
وكربونات كالسيوم دا الكالسيت
والمس قالت ان الكالسيت يخدش المالاكيت ؟؟؟؟

[عادل ربيع]

ج 1 السؤال فىالمنهج ( المخدش )

عند حك القطع الثلاث ( كوارتز ) فى لوح المخدش بنتج مسحوق ناعم له نفس اللون لان

المخدش ثابت للمعدن الواحد مهما تغير لونه

[healer_sword]

الأخوه الأعزاء

اولا : المالاكيت ..... درجة الصلاده في مقياس موهس 3.5 - 4 يعني علميا .... المالاكيت يخدش الكالسيت لكن المعلومه ليست في المنهج والطالب غير مطالب بها .

ثانيا: بالنسبه للسؤال الأول ......... المفترض ان السؤال في الصلاده وليس في المخدش للأسباب الأتيه:
إنه عند حك معدن بمعدن أخر ده يدل على الصلاده النسبيه وليس على المخدش .......... بدليل أنه عند حك معدن بمعدن أخر ... الأكثر في الصلاده يخدش الأقل في الصلاده ... (باللغه العاميه ...... يعلم فيه يعني) ولا يتم الحصول على أي مسحوق بهذه الطريقه .....
أما صفة المخدش يتم الحصول عليها بحك المعدن على سطح خزفي غير مصقول ... وليس عن طريق حك المعدن بمعدن أخر ..... وواضح أن السؤال يقصد الحاله الأولى (حك المعادن ببعضها البعض) ولم يذكر السؤال حك العينات الثلاثه في لوح المخدش

ثالثا : أسف على الإطاله ... وما زلت أؤكد على وجهة نظري بالبعد عن الأسئله التي تثير البلبله ... وتسبب تشتيت ذهن الطالب

[عادل ربيع]

يا مستر ...healer

السؤال حك العينات الثلاثه في لوح المخدش لأن لايمكن حك كوارتز فى كوارتز وشكراااااااااااااااااااااااااااا

[healer_sword]

استاذي العزيز / عادل ربيع

شكرا على المناقشه البناءه والمفيده ........... إذا كان المقصود حك المعادن في لوح المخدش تكون وجهة نظر سيادتكم صحيحه تماما

أما السؤال الذي أقصده فهو في كتاب النماذج طبعة 2008 / 2009 ... صفحة 138 ونص السؤال لم يذكر حك المعادن في لوح المخدش

اما عن حك الكوارتز في كوارتز .. فسوف يخدش كل منهما الأخر .. وكذلك عند حك أي معدنين لهما نفس درجة الصلاده وهذه المعلومه لم تذكر في كتاب المدرسه ولكنها موجوده في المراجع العلميه

نشكر لسيادتكم المتابعه والتصحيح وتفضلوا بقبول وافر التحيه

[GAMALEWEES]

اولا الاسئلة دى غبية اوى اوى ومش ممكن يجى الامتحان صعب للدرجة دى شكرا