ايه يا جماعة فين تجارة انجلش القاهرة ؟؟؟؟؟

[شبراوى 2008]

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب

[vampire1188]

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب

لا مش خاص .. دا حكومة ..

وبالنسبة لحكاية ليه المبلغ دا اتفرض على الطلاب .. فدا الله اعلم

روح اسأل ادارة الكلية وهيا تقولك .. لكن هيا طول عمرها من اول ماتنشأت وهيا مصاريفها مميزة وعالية

يمكن عشان الكتب انضف .. والعدد اقل

بس انا رأيي انمافيش فرق اصلا مابين عربي وانجليش

كله سواء .. انتا اما بتيجي تشتغل بعد مابتتخرج مابيقوللكش انتا عربي ولا انجليش

لا بيقولولك انتا تقديرك ايه .. وبتعرف تعمل ايه في الشغل

[ahmed610]

المشاركة الأصلية كتبت بواسطة شبراوى 2008

ممكن ياجماعه حد يقولى دى تجارة خاص ولا مش خاص وليه المبلغ دة فرضو على الطلاب

لا اكيد حكومى مش خاص انا بردة اتفجأت لما عرفت ان ليها مصاريف وكتير كمان بس لما دخلت عرفت ان المصاريف دى اقل من التكلفة الحقيقة كفاية انك تعرف ان سعر كتاب واحد من الى انت بتدرسة بتوصل 900 جنية مصرى شوف بقى انت بتستلم حوالى تسع او عشر كتب فى السنة الواحدة دة غير عدد الطلبة القليل وتكاليف المبنى وصيانتة ومرتبات الدكاترة يعنى بصراحة اى تعليم حكومى بيبقى اقل من تكلفتة بكتير

[ahmed610]

المشاركة الأصلية كتبت بواسطة vampire1188

.. انتا اما بتيجي تشتغل بعد مابتتخرج مابيقوللكش انتا عربي ولا انجليش

لا بيقولولك انتا تقديرك ايه .. وبتعرف تعمل ايه في الشغل

مع احترامى ليك يا فامبير انا بختلف معاك........... اكيد التقدير والخبرة مهمين فى الشغل بس كمان الشهادة مهمة يعنى فية فرق بين واحد واخد شهادتة من معهد تجارى وواحد وخدها من كلية خاصة وواحد من كلية حكومية وواحد من الجامعة الامريكية كل واحد من دول ممكن يكون معاة بكالريوس تجارة بس كل شهادة وليها تقلها ..عموما الدكاترة اليومين دول بيبشرونا وبيقولولنا ان دلوقتى مفيش شغل خالص وان الشركات بتستغنى عن الموظفين الى فيها وان الازمة العالمية شكلها هيطول ....و.... كفاية كدة.... ربنا يستر علينا جميعا

[vampire1188]

مع احترامى ليك يا فامبير انا بختلف معاك........... اكيد التقدير والخبرة مهمين فى الشغل بس كمان الشهادة مهمة يعنى فية فرق بين واحد واخد شهادتة من معهد تجارى وواحد وخدها من كلية خاصة وواحد من كلية حكومية وواحد من الجامعة الامريكية كل واحد من دول ممكن يكون معاة بكالريوس تجارة بس كل شهادة وليها تقلها ..عموما الدكاترة اليومين دول بيبشرونا وبيقولولنا ان دلوقتى مفيش شغل خالص وان الشركات بتستغنى عن الموظفين الى فيها وان الازمة العالمية شكلها هيطول ....و.... كفاية كدة.... ربنا يستر علينا جميعا

كلام سليم وميه ميه

انا اقولك انا قصدي ايه ياسيدي

قصدي ان فيه ناس كتيرة تتلاقيها في تجارة انجليش ومستواها نفسه في الانجليش ضعيف

دا غير ان بتوع انجليش مافهموش المحاسبة بالعربي .. فهاتواجهم مشاكل

اما بتاع تجارة عربي .. درس جميع المواد بالعربي .. زائد كمان ان فيه ناس منهم مستواها ماشاء الله في الانجليش

وفيه ناس كمان في عربي بتنمي نفسها وبتقرا في مراجع في المحاسبة بالانجليش عشان تفهم المحاسبة بالانجليش

عشان تبقي متساوية ببتاع انجليش ..

فايبقي اللي اقدر اقوله خريج تجارة انجليش مش معيار انه حد فاهم ودارس وواعي

مش عشان انتوا بتدفعوا 5000 جنيه في السنة يبقي انتوا ناس عباقرة

لا عادي ..

وعشان تبقي عارف .. الشغل اما بتروح تقدم السي في بتاعك في بنك او شركة كبيرة

بيعملولك اختبار في الانجليش .. والانترفيو بيبقي كله انجليش

ودا بيبقي موحد .. لخريج عربي وانجليش .. عشان كدا كله بيبقي متساوي

كل اللي يهم البنك او الشركة .. انتا بتعرف تشتغل في ايه وهاتدينا ايه من شغلك دا

[lomi_fces2]

ازيكم يا كل تجارة انجلش
عملتوا ايه فى اول امتحان
انا سمعت انه كان صعب
يارب تكونوا حليتوا كويس

على فكرة انا لومة fces بس مش عارفة ليه مستقصديننى وكل شوية يغيرولى الباسوورد
انا حاولت اجيبه بس ماعرفتش ياريت الادارة ترجعهولى بقى لو حد شاف الموضوع يعنى من الادارة ياريت يهتم

[vampire1188]

لى فكرة انا لومة fces بس مش عارفة ليه مستقصديننى

على فكرة والله عرفتك من اني شبهت علي اسمك القديم من غير ماتقولي

منورة يا لوما .. وحمدلله ع السلامة .. وربنا معانا جميعا في المواد المقرفة اللي احنا بناخدها دي

[mostafa_music]

المشاركة الأصلية كتبت بواسطة lomi_fces2

على فكرة انا لومة fces بس مش عارفة ليه مستقصديننى وكل شوية يغيرولى الباسوورد
انا حاولت اجيبه بس ماعرفتش ياريت الادارة ترجعهولى بقى لو حد شاف الموضوع يعنى من الادارة ياريت يهتم

طب ليه مش بتعملى استرجاع لكلمه السر