الأهلي.. نادي القرن.. والباقي يخش الفرن !!!!

[reda_mafia50]

بسم الله الرحمن الرحيم

مبدئيا كده ومن غير ضرب..

أنا جاي النهاردة عشان أرغي في موضوع واحد..

موضوع خطير..

موضوع شائك..

فأرجو أن تتسع صدوركم وتتفتح عقولكم لما سوف أقوله..

حوارنا النهاردة في الرياضة.. وفي جزء مهم جدا منها..

وهو:

لماذا لا أحب الأهلي؟؟

الأهلي فريق عريق.. كبير.. فريق بطولات فعلا..

وشرف كبير لأي مصري أنه يشجع النادي الأهلي.. نادي القرن..

لكن أنا أعلن بمنتهي الصراحة والوضوح.. أنا لا أحب الأهلي..

أحترمه.. لكن لا أحبه..

أما بقى عن الأسباب اللي تخليني ما احبش الأهلي.. فأنا هاسردهالكو كلها دلوقتي..

مبدئيا أنا بشجع فريق عيان من فرق الأقاليم.. ألا وهو الإسماعيلي..

بحبه.. زي ما أنت بتحب الأهلي... وزي ما أنت بتحب الزمالك..

صحيح هو فريق ما بيخدش بطولات إلا فيما ندر.. وصحيح أنا ممكن أحضر بطولة كمان - إذا عمري وصل لستين سنة مثلا -..

بس بحبه..

بيتهمنا الأهلوية أننا حاقدين عالنادي الأهلي..

والله يا جماعة ما حقد.. مش حقد أبدا..

بس كل قصة ليها روايتين...

من حق الأهلي أنه يبني نفسه كفريق.. وأنه يتطلع أنه يكون أقوى فريق في الدوري..

بس الأهلي عنده من المقومات ما تجعله يحترم مشاعر الغير..

يعني مثلا تخيلوا.. أنا إسماعلاوي وفرقتي فيها أربع خمس لعيبة كويسين..

جابولي دوري وكاس..

أفاجئ بيهم بيتسرسبوا واحد ورا التاني لفريق منافس.. مش لشيء إلا أنه فريق غني؟؟

يعني هو مكتوب عليا اللي انا مش راضي عنه في الحياة وباشوفه كل يوم يحصل حتي في وسيلة الترفيه بتاعتي؟؟

مصدر الفرحة؟؟

مش كفاية الغني في بلدنا دايس عالفقير في حياتنا.. والقوي بيسكع الضعيف علي قفاه؟؟

مش كفاية الظلم اللي أمريكا بتعمله فينا والكيل بمكيالين؟؟..

مش كفاية أن احنا صغيرين وقليلين في العالم أصلا... نبقى برضه صغيرين وقليلين حتى في الفرق اللي بنشجعها؟؟

ولا هو المطلوب مني أني أشجع الفريق القوي الغني وخلاص..

ما هو أنا قدامي حل من اتنين.. يا أفضل اشجع فرقتي واحافظ علي انتمائي لبلدي وفريقي.. واتنقط ولا اتشّل..

يا أما أشجع الفريق الغني المقتدر اللي معاه يدفع ويجيب أحسن لعيبة.. وفي الحالة دي بقى لو كل الضعاف اللي بيشجعوا الفرق الغلبانة اللي زي حالاتنا عملوا كده هيبقى مصر كلها بتشجع فريق ولا فريق ونص..

وتولع بقى الكورة وبقية الأندية..

يا جماعة انا عاوزكوا تبصوا للموضوع من وجهة نظر لو كانت الكورة دي دولة.. رئيسها اتحاد كوره همه الوحيد الحفاظ علي السلطة والكرسي..

وفي سبيل ده ما يقدرش يقلب عليه الناس اللي جابتوه هنا - الحزب الأهلي الوطني - وفي نفس الوقت الحزب ده عاوز يقضي علي كل أحزاب المعارضة اللي همها التغيير وإضفاء جو من المنافسة والديموقراطية..

نيجي بقى للشعب.. شوية شعب زي حالاتنا مقهور وشايف الظلم واقع عليه.. ظلم الفقر وقلة الحيلة وعدم القدرة علي التأثير في صنع القرار..

شعب بيتفرج علي التلفزيون - لما يكون في مناظرة بين الحزب بتاعه والحزب الأهلي الوطني - يلاقي مذيعة التلفزيون في برنامج أغاني ومعرفش أيه واحد يتصل بيها يقولها أنا عاوز أغنية ما ابصر أيه ولا ما ادرك أيه وأتمني الفوز النهاردة للنادي قصدي للحزب الأهلي..

لحد كده عادي.. ما هو واحد من جمهور الحزب ومن حقه يقول اللي هو عاوزه..

لكن المذيعة اللي هي لا مقدمة برنامج رياضي ولا محللة ترد عليه وتقوله فعلا أحنا النهاردة نتمني الفوز للأهلي ويارب عماد متعب يجيب جون ويفرحنا..

يفرحكوا؟؟؟

يفرح مين.. آآآآآآآآآآآآآآآه انتي قصدك يفرح مصر؟؟

ما هو الحزب ده برضه من مصر.. ولا احنا مالناش نفس نفرح؟؟

مش من حقنا؟؟ لو مش من حقنا.. يبقى يا أما نعزل ونسيب البلد دي..

يا أما ماحبش الأهلي..

[Not Allowed]

يا رضا انت عايز اية من الاخر ؟؟

محدش يشجع الاهلى ؟؟

مهو لو محدش شجع الاهلى أسم مصر دة مش هيبان فى الرياضة اساسآ
مهو الاسماعيلى معملش حاجة فى ابطال العرب وانا كنت زعلان مووت علشان خرج لأنة بيمثل مصر فى بطولة العرب

وكمان لزمتة اية الكلام بتاع الغنى والفقير احنا بنتفرج على كورة علشان استمتاع فقط يعنى ولا هناخد حاجة من اهلى ولا زمالك ولا اسماعيلى
مهو انا بتفرج على برشلونة مهى برشلونة دى تبع مين مش اسبانيا برضوا ؟

يعنى بينا وبينهم بحر يعنى هنستفاد منهم اية غير اننا بنلعب بيهم فى
البلاى ستيشن والفيفا والكلام دة

بص انت ليك حق تشجع فريقك وكل أنسان لية الحق انه يشجع فريقة وانا مش مع الى يقولك انت بتشجع فريق تعبان وانا بشجع فريق كويس
مهو الفريق التعبان دة لو مش هيتشجع هيفضل تعبان طول عمرة ومش هيبقى فية الا بطل واحد فقط فى مصر وعمرة مهيبقى بطل على طول وهيحصلة كبوات

لية تونس بيدخل منها ثلاث او اربع فرق فى بطولة افريقيا وأحنا مفيش الا الاهلى وبس طب مهو فى فرق تانية فى مصر مهو تدخل هو فية حد حايشهم
وكمان على حكاية ان الاهلى ياخد حد من الاسماعيلى فدة اسمة احتراف ومحدش بيغصب حد على حاجة وكمان الاهلى مهو بيطلع شبابة كلهم وكمان هو انت تتمنى بلاش تتمنى هو انت تحلم اصلآ تلعب فى الاهلى ؟

يا جماعة بلاش شغل السنة والشيعة دة ويبقى فية روح الاخوة وياعم مش عاوزك تشجع الاهلى انت حر بس انا هشجع الاهلى والزمالك والاسماعيلى لو هيشرفوا الكورة المصرية وعمرى مهيكون فى قلبى كراهية لحاجة ملهاش لازمة أساسآ والاختلاف فى الرأى لا يفسد للود قضية

شكرآ لك

[Golden Eagle]

بعد نهاية موقعة الاسماعيلية التي انتهت بأحداث شغب تكررت في كل لقاءات الأهلي والاسماعيلي عبر التاريخ .. خرجت علينا القتوات الفضائية الرياضية وبعض محللي البرامج والنقاد الرياضيين بمحاولة لتبرير أحداث الشغب التي انطلقت شرارتها من جماهير الاسماعيلي قبل بداية المباراة وقبل ان تكون هناك اي أحداث في المباراة تدعو الى الشغب .. الغريب في الامر ان الجميع حاول تبرير منطق جماهير الاسماعيلي من حالة الظلم التي تشعر بها جماهير الاسماعيلية لإنتقال افضل لاعبيها الى القلعة الحمراء .. وظهر العديد من النقاد الرياضيين في البرامج يطالبون الأهلي بالبعد عن لاعبي الاسماعيلي من أجل ان تنتهي حالة الاحتقان في مدينة الاسماعيلية.. وتحدث الكثيرون عن حالة الظلم التي يشعر بها عشاق الدراويش من جراء انتقال لاعب او اثنين من لاعبي الاسماعيلي الى الأهلي.

والغريب في الامر ان جميع من تطرق الى هذه المنطقة الشائكة في علاقة الأهلي بالاسماعيلي لم يتطرق من قريب او بعيد الى لاعبو الاسماعيلي في الفريق الحالي الذين ينتموا الى القلعة الحمراء وكانوا العماد الاساسي لإنتصارات الاسماعيلي في الفترة الماضية في محاولة لإظهار القضية على انها قضية انتقالات في اتجاه واحد فقط أو كما يقول المثل الشعبي "حب من طرف واحد"

ولأننا دائما نقدم لجماهير الأهلي الحقائق بشكل أكثر وضوحاً من بعض اصحاب الاعلام الموجه وما أكثرهم حاليا في الوسط الرياضي فقد قررنا ان نخوض في القضية الشائكة وبشكل محايد من أجل تقديم كافة الحقائق والارقام لجماهير الكرة في كل مكان ونترك للجميع الحكم على القضية في النهاية بدون اي محاولة منا لتشويه الحقائق كما يحدث من البعض.

في البداية يجب ان نعترف ان الأهلي قد استفاد في الفترة الاخيرة من فتح سوق الانتقالات والمفهوم الاحتراف الموجود في الكرة المصرية واستطاع ان يستقطب العديد من اللاعبين الذين ارتدوا الفانلة الصفراء قبل ان يتألقوا مع الأهلي ويحققوا معه الانتصارات والبطولات .. ولن نتعرض لقضية ان من ارتدى فانلة الأهلي لم ينتقلوا الى الأهلي الا عن طريق نادي أخر غير الاسماعيلي فهو أمر خارج تماما عن الموضوعية ولا يمثل من وجهة نظر عشاق الدراويش سوى محاولة منا لتبرير الوجه الحقيقي لسرقة ابناء الاسماعيلي وانضمامهم الى القلعة الحمراء .. كما سنتجنب الحديث عن ما يقال من البعض بأن معظم من انتقل الى الأهلي لم يكن في الاصل من خريجي مدرسة الناشئين في الاسماعيلي فيما عدا محمد عبد الله وأحمد فتحي .. ولكننا سنناقش القضية من مفهوم مختلف للغاية يتجاهله العديد من العاملين في المجال الاعلامي بدون سبب معروف.



فمع بداية دخول الاحتراف الى الكرة المصرية كان أول من انتقل الى الأهلي من المدينة الساحلية هو لاعب السويس السابق الفنان خالد بيبو والذي انتقل الى الأهلي بعد نهاية عقد اللاعب مع الاسماعيلي في نهاية التسعينات لتبدأ الضجة الاعلامية الكبرى حول سرقة ابناء الاسماعيلي وانضمامهم الى الأهلي وتبعه لاعب اسوان السابق عماد النحاس .. ثم لاعب السكة السابق النجم محمد بركات بالاضافة الى لاعب الاوليمبي السابق اسلام الشاطر ليصل العدد الى 4 لاعبين انضم اليهم فيما بعد محمد عبد الله ثم أحمد فتحي وأخيراً سيد معوض ليصبح عدد من أنتقل الى القلعة الحمراء من ابناء الاسماعيلي "السابقين" 7 لاعبين باقي منهم في صفوف الفريق الحالي 4 لاعبين فقط بعد ان خلت قائمة الفريق الحالية من خالد بيبو الذي أعلن اعتزاله مؤخرا واسلام الشاطر لاعب حرس الحدود حاليا ومحمد عبد الله لاعب الزمالك الحالي... يضاف اليهم لاعب الاسماعيلي السابق عادل ابو جريشه الذي انضم الى القلعة الحمراء لمدة اربعة مواسم في بداية السبعينات.

والغريب في الامر ان الوسط الرياضي دائما ينظر الى هذا الجانب فقط من القضية دون النظر الى الاتجاه المعاكس او الى الطرف الاخر من القضية .. ولم تجد جماهير الأهلي اي منصف في الاعلام الرياضي يقف ويوجه التساؤل الى محترفي كراهية الأهلي عند عدد اللاعبين الذين ارتدوا قميص الاسماعيلي بعد ان تركوا الأهلي؟ .. او يتسائل عن عدد لاعبي الأهلي الذين ساهموا في انتصارات الدراويش وكانوا حجر الاساس في فوز الاسماعيلي بالعديد من المباريات؟

ونحن هنا سنوضح لمتابعي الكرة في مصر وبعض الاعلاميين الذين يبحثوا عن الحقيقة بعض الارقام عن عدد لاعبي الأهلي الذين انتقلوا الى القلعة الصفراء ولم تحول جماهير الامر القضية الى احتقان غاضب أو ثأر متأجج على الرغم من ان السبعة لاعبين الذين انتقلوا الى الأهلي من الاسماعيلي يقابلهم العشرات من لاعبي الأهلي الذي انتقلوا الى الاسماعيلي من القلعة الحمراء عن طريق مباشر في بعض الاحيان او عن طريق وسطاء في معظم الاحيان.

ودعونا نعود بذاكر التاريخ الى الماضي القريب وبالتحديد الى تاريخ أول واخر بطولة افريقيه يحصل عليها الاسماعيلي في تاريخه لنجد في التشكيلة الاساسية للفريق الذي فاز بالبطوله في ذلك الوقت من بداية السبعينات لاعبين من اشهر لاعبي القلعة الحمراء في ذلك الوقت وهما هاني مصطفى وريعو الذان ساهما بشكل كبير في انجاز الاسماعيلي الافريقي الوحيد .. ووجود ريعو وهاني مصطفى في صفوف الاسماعيلي لم يمنع جماهير الأهلي من الزحف الى مدرجات استاد القاهرة من اجل مساندة ممثل مصر في البطولة الافريقية امام الانجلبر الرهيب وظلت الجماهير تساند الفريق الاصفر حتى استطاع الفوز بالبطولة وتحقيق اول بطولة مصرية على صعيد الاندية في القارة السمراء.


ويقول الكابتن هاني مصطفى " لقد كان انتقالي الى الاسماعيلي في ذلك الفترة بقرار من اتحاد كرة القدم المصري وذلك من أجل مساندة الاسماعيلي في مسيرة كأس افريقيا لأبطال الدوري وقد وافق اللواء مرتجي على هذا القرار بدافع وطني ولعلاقته الجيده مع عثمان بك ولعب مع الاسماعيلي جميع مباريات دوري ابطال افريقيا بالاضافة الى قضاء موسم كامل في الاسماعيلية والمشاركة في بطولة الدوري العام " ويضيف كابتن هاني مصطفى قائلاً " وكان انتقالي الى الاسماعيلي مختلفا تماما عن انتقال ريعو الذي ذهب الى الاسماعيلي قبلي بفترة طويلة برغبته نظرا لتلبية طلباته من آل عثمان الذين كان يديرون الاسماعيلي في ذلك الوقت"

ومع بداية الثمانينات نجد لاعبين من ابناء الأهلي السابقين وهم يرتدون قميص الاسماعيلي فنجد محسن عبد المسيح ناشئ الأهلي السابق يشارك مع الدراويش في مواسم متتالية حتى اصبح أحد علامات الاسماعيلي هذا بالاضافة الى لاعب الأهلي السابق أسامة عباس والذي كان من جيل اللاعب محمد حشيش ومختار مختار.


وفي فترة التسعينات نجد قائمة الانتقالات تتزايد وتتعاظم بعد ان شملت القائمة نجم نجوم الجبهة اليسرى للنادي الأهلي مجدي طلبة والذي أجاد مع الأهلي بشكل غير مسبوق من قبل واصبح من علامات الجبهة اليسرى في التسعينات وانتقل الى الاسماعيلي في نهاية التسعينات وفي نفس الفترة انتقل اللاعب أحمد سامي الظهير الايسر السابق في الأهلي الى الاسماعيلي ومعه أحمد رجب المدافع الاسمر وأحمد سراج وثلاثتهم من مدرسة ناشئي الأهلي بالاضافة الى محمد شرف أحد ناشئي القلعة الحمراء ومن لاعبي الوسط المدافع في فترة التسعينات .. كما ضم الاسماعيلي سامي قمصان وهو من صانعي الالعاب المشهورين في فترة التسعينات واحد لاعبي الأهلي السابقين .. ليضم الاسماعيلي في فترة التسعينات فقط ستة لاعبين سبق لهم ارتداء القميص الاحمر قبل ان يشاركوا مع الاسماعيلي.


الغريب في الامر انه منذ بداية الالفية الجديدة شهدت قلعة الدراويش ضم أكبر عدد في تاريخ النادي من اللاعبين الذين سبق لهم الدفاع عن الوان الأهلي في الملاعب المصرية ومن هؤلاء اللاعبين عدد كبير من ناشئي الأهلي السابقين ومنهم من شارك في صنع انتصارات الاسماعيلي في الألفية الجديدة .. ويأتي في مقدمة هؤلاء اللاعبين لاعب الأهلي السابق محمد فضل الذي ساهم في احراز العديد من الاهداف في مرمى الأهلي وساهم في انتصارات الدراويش واصبح هداف الفريق الأول الذي يعتمد عليه كل مدربي الاسماعيلي ويأمل مجلس ادارة الاسماعيلي في تحقيق ربح كبير للغاية من وراء بيعه الى الزمالك او تسويقه خارجيا ..


ومعه بالطبع هاني سعيد ناشئ الأهلي السابق وليبرو الاسماعيلي وحامل لواء الدفاع عن مرمى الدراويش وهو اللاعب الذي حقق للإسماعيلي ربحا يصل الى 7 ملايين جنيه من وراء بيع اللاعب الى الزمالك رغم رغبة اللاعب في العودة الى الأهلي .. هذا بالاضافة الى ليبرو الفريق الحالي ابراهيم سعيد الذي تخرج من ناشئي الأهلي ولعب في فريق الأهلي لعدة مواسم ويعتبر من احد الاعمدة الرئيسية التي يعتمد عليها الاسماعيلي في الفترة الحالية ..


ولا يجب ان ننسى أحمد سمير فرج ناشئ الأهلي الذي سافر في رحلة احترافية قبل العودة الى الأهلي ثم السفر مرة أخرى ليعود الى مدينة الاسماعيلية ويصبح الظهير الايسر الاساسي في القلعة الصفراء .. كما ضم الاسماعيلي الى صفوفه محمد فيلكس ناشئ الأهلي الذي سافر في رحلة احترافية قصيرة ليعود الى الاسماعيلي .. كما ضم الاسماعيلي في الموسم الماضي ناشئ الأهلي السابق رامي عادل عبد الهادي ..


وبالطبع الجميع يتذكر محمد جودة لاعب الأهلي السابق الذي غادر الأهلي الى تركيا ليعود الى المصري ومنه الى الاسماعيلي .. وأحمد صلاح حسني الذي سعى الاسماعيلي للتعاقد معه لمجرد ان لاعب سابق في الأهلي .. ولايمكننا ان نتناسى محمود شيكو الذي انضم الى الاسماعيلي على سبيل الاعارة من الأهلي ضمن اطار صفقة انتقال محمد عبد الله الى الأهلي ..


وحتى اللاعب النيجيري روبرت أكوري الذي لعب للنادي الأهلي من قبل قام الاسماعيلي بضمه الى صفوف الفريق وشارك مع الفريق الاول للاسماعيلي.. وبالطبع الجميع يعرف اخر صفقات الاسماعيلي منذ ايام حيث قام بضم ناشئ الأهلي السابق محمد ابراهيم حجازي "ماندو"

وبذلك نجد ان الاسماعيلي استفاد منذ بداية عام 2000 وحتى الأن بعدد 11 لاعب من لاعبي الأهلي السابقين ومن هؤلاء اللاعبين ثماني لاعبين من مدرسة الناشئين في الأهلي وهم محمد فيلكس ورامي عادل عبد الهادي وابراهيم سعيد ومحمد فضل واحمد صلاح حسني ومحمد ابراهيم حجازي واحمد سمير فرج وهاني سعيد.



وفي النهاية نجد ان انتقالات اللاعبين بين الأهلي والاسماعيلي لا يمكن انطلق عليها انها "حب من طرف واحد" ولو صح هذا التعبير فيصبح الاسماعيلي هو الطرف الذي يعشق ضم لاعبي الأهلي السابقين بعد ان وضحنا بالارقام والاسماء ان من المستحيل ان تتحدث جماهير الاسماعيلي عن ضم الأهلي لنجوم القلعة الصفراء ونحن نطالب المنصفين بالوقوف امام هذه الاسماء من أجل معرفة من يعشق ضم لاعبي المنافس السابقين.

الغريب ان الجميع اصبح يعزف نغمة تفريغ الأهلي لنجوم فرق الدوري من اجل الانفراد بالقمة ولم يخرج علينا منصف او عاقل من رجال الاعلام ليحدثنا عن نجوم الأهلي المنتشرين في أندية الدوري ويعتبروا العماد الاساسي لكل فريق في الدوري الممتاز وأحد اسباب تألق معظم الاندية التي دخلت الى مجال المنافسة بنجوم الأهلي السابقين .. ولذلك حديث أخر:abdoog8:

دي يمكن تالت مره أعمل للموضوع ده إقتباس
غير المره اللي صاحبه كتبه فيها
دي علشان حكاية اللاعيبه اللي راحت و اللي جت من و إلي الاسماعيلي
أنا مش كاتبهولك علشان تشجع الأهلي
أنت براحتك تشجع اللي انت عايزه
بس ما تشوهش صورة الاهلي
و شكرا ع موضوعك الرياضي السياسي الاجتماعي

[الكابتن55555]

طب بتضحكوا على نفسكوا وبتصدقوا الكدبه إنكم نادي القرن مع إن إنتو عارفين مين نادي القرن الأفريقي الحقيقي و بنقول ماشي سيبهم يضحكوا على نفسهم ويعيشوا الوهم لكن تقول إن مجدي طلبه أساسا أهلاوي عشان خطفتوه م الزمالك أرجوك تصحح المعلومه لأن الموضوع كده بقه فيه درجه من ال...........

[محبة العلم]

يعيش النادى الاسماعيلى رمز الاصالة و الكورة الجميلة

تعيش الاسماعلية مصنع اللعيبة حقااااااااااااا ان الاسماعلية بلد المواهب لكن نعمل ايييييييييييييييييه مهو الانحراف خرب الدنيا ربنا ياخد الاهلى و اتحاد الكورة مرة واحدة قادر يا كريم و تخلصنا من الفساد اللى ملا البلد

[الضوء الشارد]

المشاركة الأصلية كتبت بواسطة محبة العلم

يعيش النادى الاسماعيلى رمز الاصالة و الكورة الجميلة

تعيش الاسماعلية مصنع اللعيبة حقااااااااااااا ان الاسماعلية بلد المواهب لكن نعمل ايييييييييييييييييه مهو الانحراف خرب الدنيا ربنا ياخد الاهلى و اتحاد الكورة مرة واحدة قادر يا كريم و تخلصنا من الفساد اللى ملا البلد

هههههههههههههههههههههههههههههههههههههههههههههههههه ههههههههههههههههههههههههههههههه

[ملكة العرب]

المشاركة الأصلية كتبت بواسطة reda_mafia50

بسم الله الرحمن الرحيم

مبدئيا كده ومن غير ضرب..

أنا جاي النهاردة عشان أرغي في موضوع واحد..

اتفضل

موضوع خطير..

موضوع شائك..

قلقنا

فأرجو أن تتسع صدوركم وتتفتح عقولكم لما سوف أقوله..

حوارنا النهاردة في الرياضة.. وفي جزء مهم جدا منها..

وهو:

لماذا لا أحب الأهلي؟؟

الأهلي فريق عريق.. كبير.. فريق بطولات فعلا..

وشرف كبير لأي مصري أنه يشجع النادي الأهلي.. نادي القرن..

عند حضرتك حق

لكن أنا أعلن بمنتهي الصراحة والوضوح.. أنا لا أحب الأهلي..

أحترمه.. لكن لا أحبه..

دي حرية شخية مش هنقول لحضرتك حب الاهلي والا

أما بقى عن الأسباب اللي تخليني ما احبش الأهلي.. فأنا هاسردهالكو كلها دلوقتي..

مبدئيا أنا بشجع فريق عيان من فرق الأقاليم.. ألا وهو الإسماعيلي..

مين قال انه فريق عيان (ده بينافس على الدوري )

بحبه.. زي ما أنت بتحب الأهلي... وزي ما أنت بتحب الزمالك..

صحيح هو فريق ما بيخدش بطولات إلا فيما ندر.. وصحيح أنا ممكن أحضر بطولة كمان - إذا عمري وصل لستين سنة مثلا -..

بس بحبه..

مااااااااااااشي

بيتهمنا الأهلوية أننا حاقدين عالنادي الأهلي..

لا لا لا ابدااااااا مش تقول كده

والله يا جماعة ما حقد.. مش حقد أبدا..

بس كل قصة ليها روايتين...

من حق الأهلي أنه يبني نفسه كفريق.. وأنه يتطلع أنه يكون أقوى فريق في الدوري..

مضبوط

بس الأهلي عنده من المقومات ما تجعله يحترم مشاعر الغير..

يعني مثلا تخيلوا.. أنا إسماعلاوي وفرقتي فيها أربع خمس لعيبة كويسين..

جابولي دوري وكاس..

أفاجئ بيهم بيتسرسبوا واحد ورا التاني لفريق منافس.. مش لشيء إلا أنه فريق غني؟؟

ايه فريق غني وبعدين احنا مش بنضرب حد علي ايدهعلشان يجيي الاهلي اللعيب هو الي بيموت ويجيي (انا عملت موضوع عن الكلام ده قبل كده)

يعني هو مكتوب عليا اللي انا مش راضي عنه في الحياة وباشوفه كل يوم يحصل حتي في وسيلة الترفيه بتاعتي؟؟

ايه اللي بيحصل بس الموضوع حضرتك مكبره اوي ده انا حاسه اني بتكلم في موضوع سياسي

مصدر الفرحة؟؟

مش كفاية الغني في بلدنا دايس عالفقير في حياتنا.. والقوي بيسكع الضعيف علي قفاه؟؟

مش كفاية الظلم اللي أمريكا بتعمله فينا والكيل بمكيالين؟؟..

مش كفاية أن احنا صغيرين وقليلين في العالم أصلا... نبقى برضه صغيرين وقليلين حتى في الفرق اللي بنشجعها؟؟

هو ايه الي قلب الموضوع سياسي مش كان رياضي

ولا هو المطلوب مني أني أشجع الفريق القوي الغني وخلاص..

مين قال كده بس الفريق الي حضرتك بتحبه شجعه وبعدين ااحنا كأهلاويه ممكن نكون شجعنا الاهلي من 66 سنه مثلا مر عليه فترات حلوه وفترات مش حلوه ومع ذلك كنا بنشجعه
ايه حكاية غني دي هما بيعطوا لنا فلوس علشان نشجع الاهلي

ما هو أنا قدامي حل من اتنين.. يا أفضل اشجع فرقتي واحافظ علي انتمائي لبلدي وفريقي.. واتنقط ولا اتشّل..

يا أما أشجع الفريق الغني المقتدر اللي معاه يدفع ويجيب أحسن لعيبة.. وفي الحالة دي بقى لو كل الضعاف اللي بيشجعوا الفرق الغلبانة اللي زي حالاتنا عملوا كده هيبقى مصر كلها بتشجع فريق ولا فريق ونص..

وتولع بقى الكورة وبقية الأندية..

يا جماعة انا عاوزكوا تبصوا للموضوع من وجهة نظر لو كانت الكورة دي دولة.. رئيسها اتحاد كوره همه الوحيد الحفاظ علي السلطة والكرسي..

وفي سبيل ده ما يقدرش يقلب عليه الناس اللي جابتوه هنا - الحزب الأهلي الوطني - وفي نفس الوقت الحزب ده عاوز يقضي علي كل أحزاب المعارضة اللي همها التغيير وإضفاء جو من المنافسة والديموقراطية..

كل ده عملوا الاهلي

ده انا قربت اكره

وايه حكاية حزب دي

نيجي بقى للشعب.. شوية شعب زي حالاتنا مقهور وشايف الظلم واقع عليه.. ظلم الفقر وقلة الحيلة وعدم القدرة علي التأثير في صنع القرار..

شعب بيتفرج علي التلفزيون - لما يكون في مناظرة بين الحزب بتاعه والحزب الأهلي الوطني - يلاقي مذيعة التلفزيون في برنامج أغاني ومعرفش أيه واحد يتصل بيها يقولها أنا عاوز أغنية ما ابصر أيه ولا ما ادرك أيه وأتمني الفوز النهاردة للنادي قصدي للحزب الأهلي..

لحد كده عادي.. ما هو واحد من جمهور الحزب ومن حقه يقول اللي هو عاوزه..

لكن المذيعة اللي هي لا مقدمة برنامج رياضي ولا محللة ترد عليه وتقوله فعلا أحنا النهاردة نتمني الفوز للأهلي ويارب عماد متعب يجيب جون ويفرحنا..

يفرحكوا؟؟؟

معلش بقى سبها تفرح مش يمكن اهلاويه

يفرح مين.. آآآآآآآآآآآآآآآه انتي قصدك يفرح مصر؟؟

ما هو الحزب ده برضه من مصر.. ولا احنا مالناش نفس نفرح؟؟

مش من حقنا؟؟ لو مش من حقنا.. يبقى يا أما نعزل ونسيب البلد دي..

يا أما ماحبش الأهلي..

ليه بس حضرتك مش تحب الاهلى ممكن مش تشجعه لكن مش لدرجة تكره وبعدين الاهلي مش رمز من رموز الفساد اللي لازم نحاربها

[nadal500]

موضوع ممتاز طبعا
بس اققولك حاجة انت فى بلد يحكمها 2
الحزب الوطنى
ولا يحكمها الاهلى بل هو الاكثر شعبية فى مصر
ولكن للاسف ازا نظرت الى مشجعين الاهلى ومشجعين الاندية الاخرى
ستجد 3/4جماهير الاهلى بتشجع الاهلى علشان بيكسب بس وكتير مننهم هيقولك لا انتماء ومش انتماء والكلام دة
اما مشجعين الزمالك مثلا فهم اكثر من وقفوا خلف فريقهم وشجعوه لانه مدرسة الفن والكرة ولانهم معجبين بمدرستة الكروية
جماهير الاسماعيلى لان النادى الاسماعيلى هو مصدر السعادة لشعب الاسماعلية باكملة يربى الاطفال على حبة يطلق عليهم اللعب البرازيلى افضل اداء كرة فى مصر فى الملعب تشعر بالمتعةالكروية

والفرق دة بيبان فى انك لو سالت اى واحد مش مهتم بالكورة هيقولك انا اهلاوى لانة شايف الشهرة الاعلامية والتركيز عليه فقرر انه يختار الاسهل والاشهر علشان طبيعة الشعب المصرى اساسا انه بيفهم فى كل حاجة فلازم ميطلعش مبيفهمش

[Golden Eagle]

المشاركة الأصلية كتبت بواسطة nadal500

موضوع ممتاز طبعا
بس اققولك حاجة انت فى بلد يحكمها 2
الحزب الوطنى
ولا يحكمها الاهلى بل هو الاكثر شعبية فى مصر
ولكن للاسف ازا نظرت الى مشجعين الاهلى ومشجعين الاندية الاخرى
ستجد 3/4جماهير الاهلى بتشجع الاهلى علشان بيكسب بس وكتير مننهم هيقولك لا انتماء ومش انتماء والكلام دة
اما مشجعين الزمالك مثلا فهم اكثر من وقفوا خلف فريقهم وشجعوه لانه مدرسة الفن والكرة ولانهم معجبين بمدرستة الكروية
جماهير الاسماعيلى لان النادى الاسماعيلى هو مصدر السعادة لشعب الاسماعلية باكملة يربى الاطفال على حبة يطلق عليهم اللعب البرازيلى افضل اداء كرة فى مصر فى الملعب تشعر بالمتعةالكروية

والفرق دة بيبان فى انك لو سالت اى واحد مش مهتم بالكورة هيقولك انا اهلاوى لانة شايف الشهرة الاعلامية والتركيز عليه فقرر انه يختار الاسهل والاشهر علشان طبيعة الشعب المصرى اساسا انه بيفهم فى كل حاجة فلازم ميطلعش مبيفهمش

يا ريت تعملي حجاب أصل الامتحانات قربت
أصل واحد دخل جوا نفوس 3/4 جمهور الاهلي يبقي واصل بقي و مسخر جن و حاجات كده

[Golden Eagle]

المشاركة الأصلية كتبت بواسطة الكابتن55555

طب بتضحكوا على نفسكوا وبتصدقوا الكدبه إنكم نادي القرن مع إن إنتو عارفين مين نادي القرن الأفريقي الحقيقي و بنقول ماشي سيبهم يضحكوا على نفسهم ويعيشوا الوهم لكن تقول إن مجدي طلبه أساسا أهلاوي عشان خطفتوه م الزمالك أرجوك تصحح المعلومه لأن الموضوع كده بقه فيه درجه من ال...........

أنت شكلك ما أخدتش بالك من عنوان الموضوع
آه سوري أنا نسيت أكتبه
" إنتقالات اللاعبين بين الاهلي و الاسماعيلي هل هي حب من طرف واحد "
ما حدش أبدا ً قال ان اللاعبين دول صنعهم الاهلي ( روبرت اكروي دا نيجيري لو تاخد بالك )
دول اللاعبين اللي إشتراهم الاسماعيلي من الاهلي
و الاهلي نادي القرن و مش انا بس اللي بقول كده دور ع الاحصائيات و انت تعرف أن الكبير كبير

[reda_mafia50]

ولكن للاسف ازا نظرت الى مشجعين الاهلى ومشجعين الاندية الاخرى
ستجد 3/4جماهير الاهلى بتشجع الاهلى علشان بيكسب بس وكتير مننهم هيقولك لا انتماء ومش انتماء والكلام دة

ما هو دا كلام المظبوط اكتريه مصر بتشجع اهلى علشان بيكسب مش انتماء

[الضوء الشارد]

المشاركة الأصلية كتبت بواسطة reda_mafia50

ما هو دا كلام المظبوط اكتريه مصر بتشجع اهلى علشان بيكسب مش انتماء

طبيعى يا أستاذ رضا ان الشخص أو الشئ الناجح يلتف حوله الجميع لأنه بيسعدهم وبيحسسهم بقيمة النصر وان الواحد يكون الأول فى حياته ولما ينتمى لكيان يكون الأول وعشان لما يتغلب مانحدفش الأوتوبيس بتاع اللا عبين بالطوب ولا ده برضك انتماء ؟؟؟؟؟؟؟ . ولازم برضك نبتعد عن الشخص أو الشئ الغير ناجح .