السلام عليكم
عليكم السلام ورحمة الله وبركاتة
انا مش عارفه فى مشاكل لسه مستنيه تتحل ولا لا
كلنا مع حضرتك اتفضلى
بس انا عموما هتكلم لان الكلام فى حد ذاته بيريحنى ولو حد حابب يعرض مشكلته برضه فى نفس الوقت يتفضل برضه
هو انا مش عارفه ابدأ منين يعنى حاسه ان عليا تراكمات كتير اوى
مع ان محدش اما بيشوفنى بيفكر انى عندى مشاكل ومضايقه او اى حاجه من دى
اول نقطة دى مش مشكلة على فكرة
لو طلعتى فوق كدة فى المشاكل وراجعتى المشاكل الى فوق
هتلاقى الجزء دة موجود عند الكل لان مفيش حد خالى من
المشاكل ومفيش بردة حد مبسوط على طول فاهمانى حضرتك
فاول نقطة دى مش مشكلة ابدا
انا على طول بهزر وبدخل اى لمه مع اصحابى اقلبها ضحك وهزار
انا حتى مش عارفه احدد مشكلتى ايه بالظبط عشان احلها
من الاخر انا حاسه انى تايهه جداا وقراراتى كلها مضطربه كده وثقتى فى نفسى مش كبيره
نمسك النقطة دى شوية على شكل اسئلة
لية ثقتك فى نفسك مش كبيرة ؟
طيب لية محاولتيش تزودى الثقة دى قدام نفسك ؟؟
انتى دايما مش واثقة فى نفسك ولا فى حالات ؟؟
انتى ثقتك فى نفسك قليلة من زمان ولا من فترة بسيطة ؟؟
لو من فترة اية السبب الى قلل ثقتك فى نفسك ؟؟
الناس كلها فاكرانى ملاك ومثال للبنت الملتزمه اللى بتعمل كل حاجه صح
انا يمكن كده فعلا بس انا حاسه او هو فعلا ظاهريا بس
او مش فى كله
طيب لية متحاوليش انة يبقى كلة ؟؟
وتبقى فعلا قدام الناس زى ماهوة جواكى
اية رايك لو تحاولى وتجربى ؟؟
صدقينى هترتاحى قوى
اضغطى على نفسك واثبتى لنفسك انك فعلا زى ما الناس شايفينك
انك مش قناع قدام الناس
جربى وهترتاااااااااااااااااااحى جدا ان شاء الله
يعنى انا مثلا لبسى واسع وطرحتى كبيره ومش بكلم ولاد خالص فى الكليه الا فى اضيق الحدود ده حتى هما اللى بيبقوا بيسألوا على حاجه مثلا فبتالى برد
لكن انا اهو بقالى سنه فى الكليه مش فاكره ولا مره انى بادرت ان انا اللى اكلمهم او اقف معاهم زى معظم البنات والكلام ده بيبقى انا وصحبات يعنى مش ببقى لوحدى يعنى
وده اللى انا فعلا مقتنعه انه غلط لكذا سبب يعنى يعنى مش بعمل كده تمثيل او عشان اظهر ملتزمه ادام الناس
بس عالقيض مثلا كنت لحد فتره قريبه بكلم شباب عالنت
مع انى كنت بطلت من فتره كبيره
بس للاسف رجعت تانى اكلم
بس هما مش شباب بقى كتير وهيصه كده لا هما تقريبا اتنين ومش بتكلم معاهم عشان انا عايزه اكلمهم او اسمع منهم كلام او كده
لا انا بكلمهم عشان فعلا كنت برتاح جدا انى احكيلهم مشاكلى يعنى كنت بحكيلهم زى ما بحكيلكوا كده تمام وهما كان كانوا بيحكيولى مشاكلهم يعنى تقدروا تقولوا كلام اخوات مع بعضهم ولو ان كلمه اخوات دى بحس انها بنذوق بيها الطريقه اللى بنكلم بيها يعنى لان اننا فعلا مش اخوات ولان اى حاجه بتحصل فى الضلمه تبقى غلط ولانى واثقه انى مقدرش اقول لاهلى فى البيت انى بكلمهم فبتالى تبقى دى حاجه غلط
النقطة دى كلام ايمان فيها عاجبنى
الى هوة دة
مش عارفة والله اقولك ايه
بالنسبة لكلام الولاد ع الميل
طول مانتي مقتنعة ان اللي بتعمليه مش غلط
اعتقد انها هتبقى حاجة سهلة انك تقنعي اي حد بيها
عندكو ف البيت لان وجهه نظرك ان دول فعلا اخواتك
ممكن تقولي لمامتك مثلا فهميها انه مش غلط
ممكن كمان تخليها تقعد جنبك مرة وانتي بتكلمي حد
مرة واحده بس
بس ده هيختلف ع حسب شخصية مامتك هل هي هتتقبل كده ولا لاء
لو مش هتتقبل كده ممكن تقولي لحد من اخواتك مثلا
بس ك ده لو انتي مقتنعة ان اللي بتعمليه ده صح
لو مش مقتنعة بقى متحاوليش تكابري مع نفسك
والبنات مش قليلة ويعرفو يكلموكي زي الولاد بردو
وانا فعلا كذا مره قلتلهم هما الاتنين على وجهه نظرى دى وهما اقتنعوا بيها وكنا بنبطل كلام فتره وغيرت الميل كذا مره عشان حتى ما لقيش حد فيهم ويسلم عليا مثلا والسلام يجيب كلام وكده
بس برضه احيانا من وقت للتانى بلاقى حد فاتتح وبيقى فيه كلام
المشكه انى حاسه انى منافقه مع اصحابى
يعنى اما بعرف ان واحده من صاحباتى بتكلم ولاد عالنت وكده بفضل اكلمها واقولها تبطل وهى طبعا مش متخيله ولا يجى فى بالها اصلا انى بكلم بس ده للاسف اللى بيحصل ولو انى عارفه الفرق بين كلامها وكلامى بس برضه فى النهايه بنتساوى اننا بنتكلم !!
هيا فى نظرها انها صح
وانتى فى نظرك انك صح
وانتم الاتنين ممكن تكونو صح بس مش دايما
يعنى موضوع تكلمى ولد على الميل دة بيرجع لشخصيتك وشخصية الولد الى بيكلمك لو فعلا معتبراة اخوكى يبقى متعمليش حاجة فى الظلمة قولى لاهلك وعرفية عليهم كمان اية المشكلة هترتاحى فى الجزء دة جدا
اية رايكم لو تجربى ؟
طيب لو مش هتقدرى واهلك مش هيفهموكى وهيبقى رد الفعل شديد يبقى الحل اية يبقى هوة لو بيعتبرك اختة بجد وبيخاف عليكى قولى لة كل الكلام دة وانتى اضغطى على نفسك وابعدى تماما عنهم يعنى مثلا لو هما من السايت من هنا متدخليش شهرين مثلا
وغيرى ميلك اقطعى علاقتك بيهم تماما والا متعمليش حاجة فى الظلمة كنت مرة بسال مدرس عن حاجة كدة شيخ يعنى فقالى انت بتعملها قدام الناس ولا فى السر قلت لة فى السر قالى هقولك قاعدة حلوة قوى هتريحك قوى قلت لة اتفضل قالى اى حاجة فى الظلمة او فى السر يبقى حرام القاعدة دى صحيحة على فكرة جربيها معاكى هترتاحى والله ان شاء الله
05-05-2009, 03:06 AM
العرض الشجري
