ذاكر تنجح غش تجيب مجموع!!!شعار الغش للجميع!!!

[**تسابيح**]

المشاركة الأصلية كتبت بواسطة KHALOOOD

اولا اسف ع التاخير
ولا يهمك عودة محمودة

انا فى كليه هندسه
(حد لسه ميعرفش خالووود فى كليه ايه)
هسامحك المرادى
معلش بقي العتبه ع الجزر
وكمان في هندسه دا انا اروح ادفع نفسي بقي
بتوع هندسه دول عندهم الدح عالي ياباشمهندس
انا مش بحسد اوعي تفهمني صح
وكمان هتسمحني ربنا يخليك للوطن العربي كله
المهم بقى طبعا انا عارف ان الغش حرام والله وغلط
كويس انك عارف
بس المشكله
المشكلة ان شوشو (الشيطان يعني)مسيطر جامد
ان الواحد ساعتها مش بيفكر فى حلال ولا حرام
دا الواحد وهو ماسك الورقه بيحس انه داخل النار
مستنى اى مساعده من حد
انت بتعمل زي برنامج من سيربح الورقة الاولي من اللي جنبه
المشكلة بجد ان كل الناس عارفه الصح والغلط بس عايزين الحاجة اللي بتمشي ع هوانا
بس مش العيب الواحد كان بيمشي ع هواها العيب ان عرف انه غلط ومستمر في الطريق

ما علينا
اممممممم طبعا اللى بيغش دا عمره ما هيبقى دكتور على فكره
لا والله بالعكس
اعرف دكاتره كثير بسبب الغش بقي دكاترة
يعني انا ليه واحد قريبتي كل سنة بتطلع الاولي ع الدفعه وعمرها في
حياتي ما بتغش وفيه بنت معاها عشان مامتها في الكلية بدخلها ورقة
الاجابة في اللجنة
عشان كدا البنت بقت تطلع الأولي قبل قريبتي
يعني قريب هتتعين معيدة عشان مامتها
(كوسة من الاخر وغش كمان)
لان العيال الدحيحه دى بتبقى مش محتاجه غش اصلا
مش تتكلم عن الدح كل اللي بيدخلوا هندسه اصلا
دحيحه
خلينا نقر شوية بقي
بدل ما انت عما تقر ع اللي بيدح
لا فيه ناس بدح بس بتحب تثبت الاجابة
زي ناس اصحابي دول اكثر ناس بجد ممتازة مش محتاجين حاجة
من حد تلاقيهم ساعه الامتحان تعالي لما نراجع
عشان كلمة واحده في اختياري من متأكده منها شفت
اصح اللي بيدح عايز يجيب الدرجات النهائية
فى ايه تانى يا واد يا خالد فى ايه تانى
فيه تاني كمان
اه المشكله مش زى مانتى بتقولى انى جبت كام واقول جبتهم منين
لا طبعا انا مش معاكى فى دى خاااااااااااااالص
يعني انت كنت معايا في الحتت الاولي
دا احنا بلدنا دى ماشيه بالورق ياعم الحج (شوفتى عم الحج دى)
دا لمين عم الحج دي؟؟؟؟
المهم عندنا طبعا مقبول غير جيد مش زى مانتى بتقولى خالص
فعشان كدا كله بيدور على اجيب كام ومش مهم منين!!
يارب اكون وصلتلك

ياسلام يعني عايز تفهمني ان فيه شغل في البلد دي
يعني مثلا اللي جايب مقبول روح يقعد في قهوة بلدي (عاطل عن العمل بقي)
والثاني اللي جايب جيد يقعد في كافية في الزمالك(بيدور ع شغل بس مستواه ارقي)
محدش بيشتغل الا اللي بيثبت ذاته
وبعدين مش كل المهندسين بيشتغول (دا كله من قر الناس ع بتوع هندسه انا مش بعرف اقر بحس بس)
لان مفيش شغل
بس احنا عايزين تبقي دكتورة وترفع رايه البلد محدش عارف
يمكن في يوم من الايام افتح التليفزيون وشوفك في استضافه بحث
علمي جديده للباشمهندس الدكتور KHALOOOD
محدش عارف اصلنا في بلد المعجزات
ع العموم ربنا بجد يوفقك في حياتك كلها
بس بدون مقايضات ولا حاجة