جيت تجارة ازاى

[ahmed610]

ازيكم يا جماعة عاملين اية بدأتو مذاكرة ولا لسة انا عن نفسى اتطحنت مذاكرة الاسبوع الى فات عشان الميد تيرم بس مش هو دة موضوعنا



لاحظت فى الفترة الاخيرة كذا واحد من صحابى متضايقين من الكلية وبيقولو انهم مختروهاش وان مكتب التنسيق هو الى فرضها عليهم
فحبيت اعمل استطلاع فى منتدانا الجميل دة واسأل هل اخترت كلية التجارة بمزاجك؟؟
ولا جيت عشان التنسيق وهل كنت كتبها فى الرغبات الاولنية
ولا كتبتها تحت وجتلك بردة وهل انت راضى عن وجودك فيها ولا ندمان .......... مستنى ردودكم

[vampire1188]

والله بص .. انا مجموعى في الثانوية العامة للأسف مكانش يجيب اعلي منها

عشان كدا قومت كاتبها كرغبة اولي ..

بس اما دخلتها لاقيتها كلية كويسة والله ..

[ahmed610]

المشاركة الأصلية كتبت بواسطة vampire1188

والله بص .. انا مجموعى في الثانوية العامة للأسف مكانش يجيب اعلي منها

عشان كدا قومت كاتبها كرغبة اولي ..

بس اما دخلتها لاقيتها كلية كويسة والله ..

ريحت نفسك واللة يا فامبير انا بردة كتبتها رغبة اولى مجموعى كان ممكن يجيب حاجات تانية كتير بس انا بجد اقتنعت بيها فكتبت اول رغبة تجارة القاهرة وتانى رغبة تجارة عين شمس وتالت رغبة تجارة حلوان بعدين بقى كتبت سياسة واقتصاد وكام كلية ملهمش لازمة عشان املى الرغبات ولحد دلوقتى انا مقتنع بيها هى اى نعم فيها حاجات بتضيقنى بس بجد كلية حلوة ....سيبك انت منور الموضوع يا فامبير

[sunsero2000]

انا مش كنت متخيل نفسى فيها خالص مع انى الحق اعلى منها بشويه
ينعى ممكن تربيه
وكنت قدمت اداب وجاتلى ادايب المنصوره بس حولت
ويااااااااااااااااريتنننننننننننننى

[ahmed610]

المشاركة الأصلية كتبت بواسطة sunsero2000

انا مش كنت متخيل نفسى فيها خالص مع انى الحق اعلى منها بشويه
ينعى ممكن تربيه
وكنت قدمت اداب وجاتلى ادايب المنصوره بس حولت
ويااااااااااااااااريتنننننننننننننى

انا شايف انك انت عملت االصح يا sunsero اداب مع احترامى لكل الى فيها فرص شغلها قليلة مفيهاش الا اقسام اللغة وحتى دى كمان بتوع الالسن بيبقى ليهم الاولوية اما بالنسبة لتربية فأنا مجموعى جبها ومردتش ادخلها مش عشان حاجة بس عشان مبحبش التدريس ....عموما اهلا بيك فى كلية الشعب (كلية تجارة سابقا)
وشكرا للمرور

[ghosts_kingdom]

احب اشكرك اخى على موضوعك
انا بقى ياسيدى كنت كاتبها الرغبة حاجة وثلاثين كده علشان انا كنت علمى رياضة
يالا اهى احسن من حاجات غيرها كتير
الحمد لله على كل شىء

[ahmed610]

المشاركة الأصلية كتبت بواسطة ghosts_kingdom

احب اشكرك اخى على موضوعك
انا بقى ياسيدى كنت كاتبها الرغبة حاجة وثلاثين كده علشان انا كنت علمى رياضة
يالا اهى احسن من حاجات غيرها كتير
الحمد لله على كل شىء

ههههه يلا الخيرة فيما اختارة اللة بجد محدش عارف الخير فين انا اعرف واحد صاحبى مجموعة 97% وكتبها اول رغبة ودخل شعبة لغة مع ان مجموعة دة يدخلة الكلية الى هو عايزة بس هو مقتنع انة لو دخل حاجة بيحبها هيقدر ينتج فيها ......
شكر لمرورك يا ghosts_kingdom ونورت الموضوع

[ahmed610]

امممممممم واضح ان الاغلبية دخلين بمزجهم .......بصراحة عكس ما كنت متوقع وعكس ما بسمع........ بجد يا جماعة احنا كلية جامدة وفيها اقسام جميلة زى قسم الاكتوارى الى كنت عايز اخد رأيكم فية الاسبوع الى فات كان فية محاضرة فى مبنى البحوث التجارية بيتكلم عن القسم دة ومميزاتة ومنها
ان الدفعة عددها صغير مبيزدش عن تلاتين
فرص العمل مضمونة (هما الى بيقولو وقالولنا ان الدفعة الى فاتت اشتغلو قبل متطلع الشهادات بتعتهم)
الدراسة بالانجليزى وهتبقى فى مبنى شعبة الانجليزى
ممكن تكمل درستك برة بس على حسابك او بمنحة حكومية
وانا اعرف ان مرتبتهم كبيرة
هى الدراسة بتعتمد على الرياضة اكتر حاجة والاحتمالات وباقى المواد من تجارة عادى
فرص الشغل بتبقى غالبا فى شركات التأمين (ودة الى مضيقنى منها) او البنوك والشركات والمؤسسات الكبيرة ووزارة المالية
التقديم هيبقى فى الاجازة الكبيرة وهيبقى فية اختبارات فى الغة والرياضة وفى كورس هيعملة مبنى البحوث التجارية قبل الاختبارات للى عايز..... اة التقديم لطلبة سنة اولى بس لان التخصص من تانية وعلى حد علمة الشعبة دى موجودة فى القاهرة بس
دة تقريبا كل الى اعرفة عن الموضوع وياريت اعرف رأيكم فيها

[فرسان الحق]

انا كان نفسى قوى ادخل كلية هندسه او حتى هندسه زراعيه لكن لما دخلت تجاره حبيتها من اول اسبوع دراسه