طلب مساعده

[مينومينو]

إلى الأخوه القاهريين
مطلوب المساعده ..مشوار لحد قطاع المعاهد
معهد بنين المطرية محافظة الدقهلية حتى الآن لم تصل له خطابات الكادر
السبب إيه

[مينومينو]

المعهد ده مادخلش امتحانات الكادر
ومقدمين يدخلو لسه
الخطابات وصلت المعاهد والمعهد ده لسه ماوصلوش خطابات
مافيش حد ناوى يساعد

[أ/ سعيد موسى]

بص ياسيدى معهدنا معهد التوحيد اللى فى القاهره يوجد عندنا 2 مادخلوش امتحان فبراير وبرضه لسه لم تصل اى ارقام سريه زى المعاهد الاخرى اخوك ذهب الى منطقه القاهره للسؤال قالوا كل مابيجلنا الارقام السريه بنرسلها على طول للمعاهد يعنى اول الكمبيوتر التعليمى ما يبعتلنا سوف نرسلها لكم الكلام ده معجبنيش ذهبت للكمبيوتر التعليمى للسؤال جاوبونى اجابه اسوء من الاجابه الاولى قالولى المناطق اللى ارسلت الارقام السريه غلطوا قلت له غلطوا!!!!! قال نعم استعجلوا فى ارسال الارقام السريه المفروض يستنوا لما نخلص من الكادر والملاحق وبعدين يبعتوا الارقام لان اللى خدوا الارقام اذا دخلوا بالارقام اللى معاهم يجدوا بيانات واحد تانى والكمبيوتر التعليمى ارسل لى المناطق مايرسلوش الارقام السريه منعا للمشاكل يعنى من الاخر كل اللى جالهم الارقام السريه كانها ماجتش وانت استنى شويه اخوك سعيد موسى وكيل معهد التوحيد

[أ/ سعيد موسى]

اخى العزيز مينو هل تقصد اللى مادخلوش الكادر او قصدك نتيجه الكادر عموما فى الحالتين معهدنا لم يصل له شىء سواء الارقام السريه او نتيجه الكادر فاذا كنت تقصد الارقام السريه فقد وضحت لك كل شىء فى الرساله السابقه اما نتيجه الكادر فاظن انه لن تصل نتائج للمعاهد النتيجه موجوده على النت وانا شخصيا جبت لكل زملائى النتيجه من على النت وطبعتها وارسلت الكشوف للمعاهد يعنى احنا اللى بنرسل النتائج مش همه اللى هايرسلوا النتائج وياريت توضح قصدك جيدا (على فكره دى تانى مره لم افهمك جيدا )

[saiedepied]

سلمت يداك ياعم سعيد وقدماك اللى راحت مدينة نصر ربنا يباركلنا فيك ما سألتش على الجماعة المتعاقدين والتظلمات الناس واكله وشى مفكرنى رئيس الأكاديميه وانا قلتلهم فيه صديق بيروح هناك على طول وهايطمنا الأربعاء او الخميس

[مينومينو]

الف شكر يا أستاذ سعيد ده عشمنا فيك والله
مانتحرمش من جمايلك أبداً
وأنا أقصد الأرقام السرية

[أ/ سعيد موسى]

اخى الغالى سعيد بالنسبه للتظلمات هذه المعلومه سمعتها بنفسى من رئيس قطاع المعاهد عندما ذهبت للسؤال عن الارقام السريه ونظرا لان النت كان واقع انتظرت اكثر من 3ساعات وواحد انتظره وهو خارج من غرفته وساله على التظلمات قال بالحرف مفيش تظلمات الورق متعلم الكترونى بنفس اللفظ بس بصراحه محبتش اذكر ذلك علشان محدش يزعل منى طب تقولى ايه اللى خلاك تقولها دلوقتى علشانك انت لاتزعل منى لانك طلبتها قبل كده وبالنسبه للتعاقدات لايوجد اى جديد وطبعا انت عارف اليومين دول محدش فاضى لحد كله مشغول فى الامتحانات

[مينومينو]

أنا شخصياً معتقد إن التظلمات دى وهم أو مخدر موضعى

[saiedepied]

مشكور جدا يا استاذ سعيد ياغالى وانا برضه مش هاقدر اقولهم خليها بظروفها

[مستر طاهرغزاله]

نرجوا من ادارة معهد بنين المطريه سرعة البحث والتحري بكل سرعه لكي يدخلوا الكادر فالمدرسين لا زنب لهم ...وتحياتي للاستاذ /حسن جاد ونصر الريس وسعيد النبلاوي اما عاشور فقد نجح وعتق من موضوع الكادر لانه في معهد الفتيات

[مينومينو]

ماشى ياعم طاهر
وسلملى على رمضان عبد الرحمن ومحمد الهندى
وألف مبروك لكل الناجحين عندكو

[hmh_hmh]

( تفاءل خير )
أنا شخصياً معتقد إن التظلمات دى وهم أو مخدر موضعى

[مينومينو]

إن غداً لناظره قريب
وان كنت أتمنى الخير للجميع