وزارة مـــــ تــمــت ـــــا

[المجاهد فى سبيل الله]

السلام عليكم
معلش يا مها
ممكن اسامى العضويه بتاعتهم لانى ولله ما اعرف اسامى تلات تربعهم

[المجاهد فى سبيل الله]

عندك حق يا جدو قصدى يا فندم

بالنسبة لأحمد الإنسان أكتر صفة بيحبها فى نفسه هى إيه ؟؟

وعايزين رأى معاليك فى رؤساء الوزارات السابقين للمنتدى فى منصب رئيس الوزراء

أحمد رضا :
احمد رضا ده حبيبى
بحب اتخابث عليه اوى
وهو بيحب يبيلى انه كشفنى وكذالك العكس
بس فى بعض الحاجات مش بعجبنى فيه

نسمة :
نسمه دى قلب المنتدى
بجد بعزها جدا جدا جدا
طيبه اوى ربنا يكرمها

إسلام :
اسلام الله يمسيه بالخير
كان صحبى اوى
وتقريبا كان والوحيد فى المنتدى الى يعرف عنى حاجات شخصيه
بس كنت اتمنى انه يكون واقعى شويه

ياسمين :
بنوته اهلاويه
بجد يا جماعه
من الناس الى بعزها جدا جدا
علما اننا تقريبا منعرفش بعض
هيه بنت محترمه اوى

عادل :
ده بقى حبيبى
بتاع المشاكل اموت واعرف بيعرف منين ان فى مشكله
تلاقيه داخل فيها
ازاى وعرف منين محدش يعرف

نهال :
الى هيا ليدى النت
انا برضه معرفهاش
بس اسمع عنها كتير
انها كويسه

السادات :
المخلص للمكان الى بيروحه
صحيح كانت تصرفاته غريبه فى بعض الاوقات
بس طيب جدا
وغلبان اوى

جيهاد :
فاعلة الخير
بعزها اوى
فيها خير كتير
بتحب تساعد غيرها
اتمنى انها ترجعلنا تانى

بسام :
عالم بمعنى الكلمه
مواضيعه بتبين انه ذكى جدا

ولو طُلب من معاليك التنازل عن منصبك لأحد هؤلاء الأشخاص .. فمن تختار؟؟
اعتقد انى اختار
احمد رضا

ملحزظه انا استعنت بمترجم خاص
لحل الشفرات الاسامى يعنى

[أسيل رزق]

المشاركة الأصلية كتبت بواسطة المجاهد فى سبيل الله

ملحزظه انا استعنت بمترجم خاص
لحل الشفرات الاسامى يعنى

معلش أصلى إستسهلت وكتبت الأسماء على طول

فى شوية أسئلة جت لحضرتك من مواطن ثانوى و نرجو الإجابة عليها

ايه رايك في اشرف والسادات واسلام المرشد وهل فعلا نظرتك اتغيرت من ناحية حد فيهم او كلهم ؟

وليه انت في الاخوان وايه اللي متوقعه في المستقبل للاخوان وايه مميزاتهم وعيوبهم؟

وياريت تكلمنا شويه عن فكر الاخوان

[المجاهد فى سبيل الله]

المشاركة الأصلية كتبت بواسطة اسيل رزق

معلش أصلى إستسهلت وكتبت الأسماء على طول

فى شوية أسئلة جت لحضرتك من مواطن ثانوى و نرجو الإجابة عليها

ايه رايك في اشرف والسادات واسلام المرشد وهل فعلا نظرتك اتغيرت من ناحية حد فيهم او كلهم ؟
بصى اخدها واحد واحد
اولا اشرف
انا مش حغتابه
ابس بجد اغرب شخصيه ممكن تقابلنى فى حياتى
انا قولتهاله قبل كدا فى وشه انه مريض
يعنى انا مغتبتهوش
نيجى للسادات
ده الوحيد الى فكرتى عنه اتغيرت
كنت فاكره وحش
بس طلع طيب جدا
كتير بيتقمس ادوار و يرد ردود مش لونه
بس هو فرحان بالاسلوب الجديد وخلاص
و لبس نفسه لبس واتاخدت عنه فكره مش له ولا بتاعته
ومكنتش لايقه عليه
اما اسلام
فا ده شخصيه عنديه جدا
طيب محدش يقدر ينكرها
انما مشوش
افكاره مش مترتبه
يعنى شبه مش عارف هو عايز ايه
وانا قولت فكرتى اتغيرت عن السادات

وليه انت في الاخوان وايه اللي متوقعه في المستقبل للاخوان وايه مميزاتهم وعيوبهم؟
ليه انا من الاخوان
بصى انا اولا كبرت لقيت نفسى فى وسط الاخوان
لقيت ناس بتحبنى بجد
لقيت ناس بتخبط على بابى الفجر كل يوم
ولله ولله ما بسمع افلام عربى ولا بقول كلام فاضى
وانا اقسمت
لقيت الصحبه الى اى حد بيتمناها
ملقتش ناس بجد حتدخل الجنه زى الاخوان
واغلبكم فى كليات
وعارفين احنا بنعمل ايه سواء فى الاسر ولا نزكى انفسنا على الله
فى الاسر و الشرح المجانى للطلاب
او فى المذكرات الى بجد بنتعب اوى لحد ما بنطلعها بالصوره الى بتوصلكم بيها دى
اما عن مستقبلهم
فا مستقبلهم ربنا هو الى اعلم بيه
بس كلنا مستبشرين خير
مميزات انا اتكلمت عنها فوق
انما العيوب
مخبيش هى كتير
بس فى الافراد مش فى الفكر العام للجماعه
كنا زمان يااااااااااااه
الاخ اخ
فى كل حاجه فى الاسلوب
فى المعامله
فى ارتباطه و انتمائه للجماعه
دوقتى من اول قلم تلاقى الاخ فى بعضهم مش كلهم طبعا
تلاقيه جرى
فين اخوة زمان افتكر فى اولى كليه اخ اعتقل وهو داخل الكليه واقسم بالله شلنا البوكس الى راكب فيه واحنا الى اعتقلنا رجال الامن واخدناهم وحجزناهم
انما دوقتى مفيش الكلام ده
من وجهة نظرى وكنت قولتها للمرشد العام نفسه وفى وشه انى مش موافق على سياسة التراجع الى احنا ماشيين بيها
قالى بكره تفهم
وان فى حاجات انا معرفهاش بتحصل حواليا

وياريت تكلمنا شويه عن فكر الاخوان

فكر الاخوان بسيط جدا
هو فكرك وفكر كل الناس
علشان كدا احنا قريبين من الناس
بل احنا الناس
فكرنا اننا مش حيتصلح حالنا الا اذا رجعنا الناس بتوع زمان
الى كانت واخده القران امامها نبراصا
و السنه منهج و عقيده
و الجهاد سبيل لتحقيق الحريه و لتحقيق العدل على الارض وانتشار الاسلام كا دين من رب العالمين
زمان كانت الناس غايتهم الاسمى هو الله فقط
مش لمنصب ولا لجاه ولا حتى لسلطان
ده هدفنا
واخدنا منهج اصلاحى شامل متكامل تحت راية شعار الاسلام هو الحل لانه دين الله عز وجل
اما الاهداف فا المرشد العام لجماعة الاخوان المسلمين الاستاذ محمد مهدى عاكف
قالها بكل وضوح
ان الاخوان المسلمين الجماعه الوحيده الى ليها هدف مكتوب
من اكتر من مائة سنه
وهو الفرد المسلم
ثم البيت المسلم
ثن الاسره المسلمه
ثم المجتمع المسلم
ثم الحكومه المسلمه
ثم الدوله المسلمه
ثم الخلافه الاسلاميه
ثم استاذية العالم
دى اهدفنا
معلش بقى على الاطاله
انتم الى طلبتم
انى اتكلم شويه عن فكر الاخوان
استحملوا بقى
وعندى استعداد انى اقول اكتر بكتير كمان عن فكرهم