|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-04-2009, 03:50 AM
|
||||
|
||||
((بين الأباء والأبناء4))
ــ (( السلام عليكم ورحمة الله وبركاته )) ــ
أزيكم ياجماعة وأخباركم ايه يارب تكونوا بخير وف الجنة جميعا ان شاء الله عارفين انتم وحشنى قوى طبعا محدش فاكرنى خالص بس انا عمرى ما هنساكم ولا هنسى حاجة عشقتها من قلبى قولت اجى امسى عليكم كده بموضوع ونكمل سلسلة بين الأباء والأبناء مع انى عارف ان محدش بيقرأئها الا قليل بس يعنى بفرغ اللى عندى ف منتدايا العزيز عايز اكلم معاكم النهاردة ياجماعة ف موضوع جامد جدا وهو العلاقة بين الأباء والأبناء ف موضوع الحب سؤال كده بس خفيف ف الأول:ــ إية رأئيكم ف الحب؟؟ شوفوا ياجماعة انا هحكى عن وجهة نظرى المتواضعة جدا الحب اولا مش عيب بس طبعا الحب الطاهر الشريف المكلل بالزواج ع سنه الله ورسوله الحب اللى بيحتوى فيه الحبيب حبيبته الحب اقوى واجمل احساس ف الدنيا بس عند معظم الأباء الحب مسخرة وقله ادب هحكى عن نفسى برضه انا المفروض انى بحب عندى انا ف البيت عارفين انى بحب ماما وبابا عارفين كده كويس جدا جدا جدا بس مش عارفين مين وكده ولا هيعرفوا اكتر من كده بس هما وعدنى وعد انى لو حققت هدفهم البنت دى انا هتجوزها ان شاء الله وسيبنى اعيش قصه الحب على أشرف ما يكون انا مش عايز احكى ف الموضوع كتير بس اكيد انتم عارفين انا عايز اقول ايه الموضوع مهم جدا ياجماعة وفى مستقبل ناس بيضيع علشان خاطر الموضوع ده وسؤال كده تانى معلش ف النهاية:ــ لماذا يمانع كثير من الأباء الحب الطاهر الشريف لأبنائهم؟؟ والسلام عليكم ورحمة الله وبركاته عودا أحمد2025 عودا
__________________
أشوفكم فى الجنة ان شاء الله
|
|
#2
14-04-2009, 01:38 PM
|
||||
|
||||
|
اقتباس:
عشان عارفين ان ده غلط وانها حاجات مراهقين مش هتكمل واننا مجتمع شرقي وان ده حرام كتير يعني المهم عود حميد وشكر ع الموضوع
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله  |
|
#3
14-04-2009, 09:25 PM
|
|||
|
|||
|
شوف يا احمد
انت عامل ايه الاول ان شاالله تكون بخير انا معرفش انت عندك كام سنة الاول بس عاوز اقول حاجة يا احمد صحيح ان الحب مش عيب ومش حرام يا احمد بس اى حب تقصده الحب اللى مش حرام ومش عيب هو الحب المشروع- يعنى الصحيح مش ان ولد يمشى مع بنت شوية ويهيم فيها غزل وشوق وبعدين يروح لغيرها انت عارف ان الاختلاط اللى ملوش لازمة حرام اصلا يعنى طالما مش فى شغل او دراسة او كدا يبقى مرفوض وفى اى اختلاط اصلا فيه قواعد واصول وعرف وشرع سيبك من اللى بيقول طب هتجوز ازاى اذا محبتش يا سيدى اى حد الوقتى يقدر يختار شريك او شريكة حياته بالاصول ( مش فيه زمالة - قرابة - جيرة - عمل ) اى نوع من الارتباط الحقيقى الصحيح بما لا يخالف الشرع وبعدين الشرع بيقول شوفها وشوف وشها واديها يا احمد ( بس كدا) مقالش امشى معاها وحط ايدك على كتفها وزى ما بنشوف الايام دى هى دى بقا المسخرة واشمعنا الدين قال وشها واديها ( لان الوجه عنوان الجمال ) اعتقد ان انت ممكن تدرك الجمال من هنا مش بالهمسات واللمسات والصمت الرهيب يعنى يا احمد انت ترضى تتجوز واحدة زى بتوع الحاوى كل يوم عرض ازياء مسخرة غير التانى وعماله ترقع فى وشها بوية وحاجات من اللى بيقولوها دى طب خلى واحدة تغسل وشها كدا وشفها ( يمكن تتقرف والله منها) انما الطبيعى دايما فريش يا احمد وبعدين هل واحدة زى دى اللى بتمشى كل يوم مع واحد هتكون امينة على بيتك ومالك واهلك ( استحالة) وزى ما البنت مطلوب منها سلوك محترم - الولد او الشاب بردو لازم يكون محترم واللى ما يرضهوش لامه او اخته او زوجته ميرضهوش لحد تانى وصدقنى مثلا لو اى شاب من اللى بيمسكوا فى ايد البنات او يحلق عليها من كتفها - لو حد منهم شاف اخته مثلا فى الوضع دا هيفور دمه وهيغلى يبقى ليه اصلا الغلط يا احمد بلاش نقلد الغرب الفاشل المحبط فى الغلط وهما اصلا بيحسدونا على اللى احنا فيه والله انت عارف نسبة الولاد اللى بدون نسب بتوصل كام فى بعض الدول - حاجات الواحد بيخاف اصلا لما بيقراها دينا ما سبش حاجة الا لما وفاها يبقى نعود نفسنا اصلا على حب الله وحب الخير وحب العمل واتقان العمل يعنى لو طالب اتقن عملك ذاكر يعنى ولو فى اى عمل اتقنه واعرف ان الزواج دا رزق والبنت بردوا تعرف كدا ولو محترمة ومؤدبة اكيد رزقها هيكون كويس وربنا هيوعدها بابن الحلال اللى يقدر يكون اسرة صحيحة ويتحمل المسئولية الصحابة كانو بيستخبوا عشان يشوفوا وش اللى هيخطبوهم مكنوش بيمشوا معاهم على الكورنيش او يزوغوا ويروحوا السيما هو مش الرسول قال للراجل اللى يخطب واحدة ( انظر اليها ) وبردوا قال لها انظرى اليه فانه احرى ان يؤدم بينكما ( او كما قال صلى الله عليه وسلم) اوعى تفتكر انى متخلف او رجعى او متشدد او اى حاجة بالعكس انا لفيت وشفت كتير وزرت بلاد باوربا وعربية ولكن من خبرتى بالحياة ادركت فعلا انه لا يصح الا الصحيح وانه الحمد لله على نعمة الاسلام وكفا بها نعمة ربنا يوفقك يا احمد وكل الشباب والشابات للخير ويهدينا جميعا للخير ومتاسف لو كان كلامى موجه لشخصك - انا كلامى عام لكل الشباب بس ربما جه عن طريقك ردا على موضوعك الجميل والهام دمت بكل خير وتقبل تحياتى وتحياتى واحترامى للجميع
__________________
معلم نفسه ومؤدبها أحق بالإجلال من معلم الناس ومؤدبهم من أقوال أمير المؤمنين عمر بن الخطاب
رضى الله تعالى عنه |
|
#4
14-04-2009, 11:02 PM
|
||||
|
||||
|
السلام عليكم ورحمة الله وبركاتة
والله يا مستر جمال عندك حق وبجد جزاك الله خير انت قلت الصح وانا مش عارف اقول حاجة تانية غير جزاك الله خير
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#5
15-04-2009, 04:32 AM
|
|||
|
|||
|
اولا .. حمد الله عالسلامة يا احمد .. بجد والله افتقدنا السلسلة دى
ثانيا .. متفقة تماما مع كل كلام مستر جمال ثالثا بقى عايزة اتكلم ف كذا حاجة .. واحدة واحدة معظم الاهالى دلوقتى بيبقى عادى بالنسبة لهم ان الابن ف قصة حب ومفيش مشاكل عندهم ف كدة اما البنت .. تبقى قليلة الادب ومش متربية !! بجد حاجة حلوة اوى ان الاب او الام .. الاقرب منهم للابن يكون جنبه ويوجهه مايعارضهوش لما يقوله انا باعمل كذا لان المعارضة دى مش هاتخليه يبطل لا دى هاتخليه يستمر بس المرة دى من وراه ويعمل حاجات اكبر منها ومن وراه ويبقى فخور بنفسه انه بيعمل اللى على مزاجه من وراه وانا شوفت نماذج كدة ف لو من الاول الاب او الام يحتوى بنته او ابنه مش هايبقى فيه خوف ولما يكون عايز يقوله حاجة هايحكيله على كل حاجة ومش هايحتاج يكدب ويخبى ولما تتوجهله نصيحة هايقبلها عكس اللى بيحصل دلوقتى الاب يقول يمين .. يبقى انا شمال من غير تفكير لمجرد انى مش عايز انه يتحكم فيا وعايز احس انى حد مستقل بذاتى وتفكيرى خلاصة الرغى ده الموضوع هايكون افضل لو ماشى بمعرفة الاهل وافضل اكتر لو ماشى بعقلانية مش ( باحبها ومش عارف هانوصل لايه ) حاسة انى خرفت والكلام مش واضح بس عايزة انام --- عموما عشان مش باحب اكون متناقضة انا باتكلم عاللى المفروض يحصل وف الغالب بيكون احسن لما يحصل مش اللى انا باعمله .. ده ف اى حاجة عموما مش الموضوع ده وبس وبرضو هارجع واقول اوقات ناس كتير بتكون ف حالها ومش بتتكلم مع اهلها ف الحاجات اللى تخصهم وكدة وتفكيرهم وتصرفاتهم احسن كتييير اوى من الناس اللى بيحكوا لاهلهم على كل حاجة يعنى برضو لازم الابن ياخد مساحة من التفكير ومايبقاش كل سلوكه موجه من الاب والام عشان يقدر يعتمد على نفسه لما مايكونوش جنبه ويقدر ياخد قرار لما يكون لازم ياخد قرار لوحده وعشان الرد مايكونش متناقض الجزء الاولانى ده ف حالة معينة والجزء التانى ده الحالة اللى انا بافضلها المفروض اعمل خريطة للرد عشان كدة صعب  شكرا يا احمد على فتح النقاش ومستنيين الباقى |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:10 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
