|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-06-2006, 01:31 PM
|
|||
|
|||
أحم أحم أحم
والله الواحد مش عارف المنتدى ده عمل فيا ايه أنا يا دوب لسة صاحى م النوم من ساعة واحدة بس، يا دوب صليت الفجر وأخدت دوش وعملت كوباية الشاى وجيت عليكم جررررررررى ما علينا فى يوم من أيام الدراسة ، كان يوم صبح كده والشمس مشرقة والعصافير بتصوصو ع الشجر والدنيا شكلها حلو فى عنيا، والأجمل ان مكنش عندى محاضرات فى كليتى. فكالعادة قررت أقعد فى البيت بالشورت والفانلة والكاب ، وأفتح اللابتوب وقاعد ع النت وانا فى قمة اندماجى النفسى والروحى ، سمعت صوت من ورا باب الأوضة بيقول: كمــــــــــــــــــــــــــــــــــــــــــــــــ ــــــــــــــــــــــــــــال (طبعا انتم عارفين صوت مين طبعا طبعا) العبد لله عمل عبيط ولا كأنى سمعت حاجة، ولبست السماعة الهيدفون فى ودانى وفتحت الوين آمب بسرعة، آل يعنى مكنتش سامع حد بينادى لكن سبحان من له الدوام، مع انى كنت معلى صوت المزيكا اوووووى، بس برضو سمعت الصوت تانى أقوى ، حاجة كده زى صوت الرعد فى ليلة شتا هادية بالليل اوى. كمــــــــــــــــــــــــــــــــــــــــــــــــ ــــــــــــــــــــــــــــال قالها بابا وهو بيفتح الباب الأوضة وداخل عليا وكأنه عنترة ابن شداد بيستعد لحرب ضروس مع قبائل الجزيرة العربية كلها كده لوحده. بص لى نظرة فاحصة وكأن عينيه العسلية دى فيها أشعة أكس وكأنه هيحلل كل ما يدور فى رأسى الصغير علشان يعرف انا بفكر فى أيه جوا مخى العبقرى ده. مرت لحظات من الصمت الذى طحن عظامى. وفجاة قطع صوته الصمت ده وقال: بابا: أنت قاعد بتعمل ايه؟ مع أن السؤال كان مجاوب نسفه حيث انى كنت قاعد على كرسى وعلى رجلى اللاب توب بتاعى وفى ودانى سماعة هيدفون طالع منها صوت المزيكا، مع كل ده ، إلا أن بابا برضو انتظر منى إجابة. أنا (وعلى وجهى ابتسامة عبيطة): بشوف الإيميل بتاعى يا بابا علشان انا منتظر رسالة مهمة جدا جدا من شخص أهم وأهم، رسالة هتحدد مستقبلى العملى كله ان شاء الله، أدعى لى بس انت يا بابا. بابا: روح يا أخى ربنا يهد المفترى. أنا ( فى نفسى): هو يقصد مين بالمفترى!!!!) بابا (والشرر يتطاير من عينيه العسلية الحلوة دى): أنت مش بتذاكر ليه يا ابنى؟ حرام عليك، يعنى صحيان بدرى زى مخاليق ربنا، وبتصحى الضهر، نوم بدرى زى مخاليق ربنا الطبيعية، وبتنام لى بعد الفجر وأنت قدام البتاع ده بتلعب أتارى، ومفيش ولا صفحة كتاب واحدة مسكتها من أول السنة!!!. أنا (مبتسما كالطفل) : ده مش أتارى يا بابا، ده اسمه كمبيوتر، الأتارى ده هو اللى انت كسرته على دماغى فى امتحانات الإعدادية من كام سنة كده وأنا بلعب بيه فى ليلة امتحان العربى.. فاكر؟؟ الأتارى أبو 350 جنيه اللى انا اشتريته من مالى الحر... فى الحقيقة انا مش عارف انا قلت ايه تحديدا خلا نظرات الشذر اللى كان فى عيونه تتحول فجأة إلى عضلات فى دراعه، وعصاية المقشة اللى كانت فى ايده تحولت فى عيونى بقدرة قادر لسيف من سيوف الساموراى، والبيجاما اللى كان لابسها شفتها زى ما تكون لبس محارب أسطورى من روما القديمة. وكانت المواجهة طططططططططططخخخخخخخخخ طططططططططططششششششش بووووووووووووووووووووووووووم و و و صمت رهيييييييييييييب بعد ما تمكنت من فتح عنيا، لقيت خير آلهم اجعله خير اللابتوب فوق السرير وأنا كنت قاعد على الأرض، مع انى سبحان الله يعنى كنت مستريح كده على الكرسى وسمعت صوت زى صوت صفارات إنذار الضربات الجوية بيقول: قووووووووووووووووووم ذاكر..... قبل أن يكمل بابا الجملة كنت انا فاطط وناطط زى الضفدعة وماسك ستاشر كتاب وحاططهم ع المكتب ومشغل الأباجورة اللى من أيام الثانوية العامة. خرج م الأوضة الحاج. لبست هدومى بسرعة وقلت فى نفسى (الجرى نص الجدعنة، انا عمرى معمول من نسخة واحدة) وقلت ازوغ مع الشلة. وانا على باب الشقة ماما سالتنى: ماما: رايح فين يا ابنى؟؟ أنا (فى عجلة وانا بقفل باب الشقة من برة) : رايح الجامعة يا ماما، عندى محاضرة مهمة اوى اوى اوى. ماما: كمــــــــــــــــــــــــــــــــــــــــــــــــ ــــــــــــــــــــــــــــال لم أرد عليها لأنى نزلت الدورين فى اقل من تلات ثوانى. المهم قابلت الشلة واتمشينا واتعشينا ورحنا قعدنا فى سيبر كافيه. وجاء وقت العودة رجعت البيت، طلعت المفتاح من البنطلون الجينز وفتحت باب الشقة. وكان الوضع كالتالى: بابا قاعد بيتفرج على التليفزيون، وجنبه اختى وأخويا، وماما بتصب الشاى. أنا (وعلى وجهى ابتسامة طفولية): مساء الخير عليكم صوت أجش : كنت فين يا ولد؟؟؟؟؟؟؟؟؟ أنا : فى الجامعة يا بابا بابا : حقيقى؟؟ وايه الأخبار؟ أنا: الحمد لله تمام يا بابا، أهو الواحد بيعمل كل اللى يقدر عليه. بابا: ما شاء الله ، حاجه تفرح والله. وحضرت المحاضرات كلها بقا على كده؟ ولا سيبت محاضرة؟؟ أنا: لا لا لا يا بابا، حضرت كل المحاضرات، ده حتى كمان فى دكتور كان معجب بإجاباتى فى المحاضرة لدرجة انه قال لى أن هيكون ليا مستقبل باهر ان شاء الله. بابا: ممتاز يا حبيب قلبى، طب تعالى بقا أقعد جنبى نتفرج كلنا ع التليفزيون علشان الريس بيقول خطاب مهم اوى عايزك تسمعه. قعدت جنب بابا وبصيت على التليفزيون، وكان رئيسنا المحبوب منور الشاشة وبيقول: من اهم أعمدة الجمهورية هم عمال مصر ، ومصر تهنئ كل العمال اليوم فى عيدهم، عيد العمال. كان عيد العمال، وأجازة رسمية فى الجمهورية كلهاااااااااااااااااااااااا نظرت بطرف عينى الشمال بحذر شديد لبابا ، لقيته ماسك السبحة بتاعته وعمال يقول فى سره: حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل مش عارف كان يقصد مين؟؟ انتظروا الحلقة الثالثة
__________________
<div align="center">  </div><div align="center">حبيت اعبرلك عن حــبى</span> </span></div>
|
|
#2
21-06-2006, 07:04 PM
|
||||
|
||||
|
حسبي الله و نعم الوكيل فيكي يا جهاد
حسبي الله و نعم الوكيل فيك يا .............. من تمثيلية ونيس ههههههههههههههههه حضرت المحاضرات كلها؟ ليه مستقبل باهر!!!!!!! ههههههههههههههههههههههههههههههههههههههه تعرف جميلة أوي بجد كمل
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#5
22-06-2006, 11:41 PM
|
|||
|
|||
|
شكرا يا أستاذ بورسعيدى على ردك الجميل
دا أنا كدة بقول كفايه ردود كفاية ردك انت يا أستاذ بورسعيدى
__________________
<div align="center"> </div><div align="center">حبيت اعبرلك عن حــبى</span> </span></div>
|
|
#6
23-06-2006, 01:31 AM
|
|||
|
|||
|
هههههههههههههههههههههههههههههههه
ههههههههههههههههههههههههههه هههههههههههههههههههههه ههههههههههههههههه ههههههههههههه ههههههههه هههه رااااااااااااااااااائـــــــــــــــــــــــــعـــ ـــــــــــــــــــــــــــــــة جميلة اوى اوى اوى اوى ياريت الباقى بسرعة
__________________
time is time was but time shall be no more |
|
#7
23-06-2006, 02:05 AM
|
|||
|
|||
|
هههههههههههههه
جميلة جدا يا تيتو شكرا ليك
__________________
<div align="center">  </div><div align="center"> </div> <div align="center">  </div><div align="center"> </div> <div align="center">  </div><div align="center"> </div> |
|
#9
23-06-2006, 11:06 PM
|
||||
|
||||
|
هههههههههه بجد الموضوع جمييييييل جدا وانت عرفت تسبكه صح لا وايه محسسنا انك انت البرئ يا مفترى ارحم الراجل اللى عندك فى البيت ومعذبه ده بجد ربنا يكون فى عونه
__________________
 ••• والعز كل العز في ايماني •••
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:46 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
