ارجو الرد على هذه الاسئله خاصه بالمتعاقدين وجزاكم الله خيرا

[amrmosa]

ارجو من الساده الافاضل افادتى فى هذا الموضوع
1 هل يحق للمتعاقد النقل بين اداره واداره وكيف وماهى الاجراءات ؟
2- هل المتعاقد له امتحانات كادر فى شهر 8 :

[شريف الصعيدى 22]

بصراحه انا زيى زيك معرفشى حاجه
بس فعلا لنا امتحانات كادر بس امتى لما تبقى معلم ان شاء الله
لازم يعدى عليك سنه بعد الشغل

[ممدوح مصطفى الانصارى]

انتظروا الرد ان شاء الله

[أ/ هشام العيسوى]

فى انتظار الرد من ا/مصطفى

[أبوطالب82]

أيه ردك يا أستاذنا الفاضل أنا سمعت أن خريجى كليات غير التربوية مثل الأداب مثلا لازم يعملوا دبلومة تربوية هل ده صحيح ولا

[امة الله2000]

السلام عليكم

ليه مفيش حد مسئول عن الرد عن الاسئلة بتاعت التعاقد

ومين ممكن نساله

احنا ممكن نعمل حوار مع احد المسئولين في الوزارةعن المتعاقدين

يا ريت حد يعمل الحوار ده وينزله

واحنا اللي نحدد الاسئلة

بس مين يعرف حد مسئول وممكن يجوابنا بصراحة

[wwww55]

هل هيكون فيه تثبيت في المستقبل ولا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[شريف الصعيدى 22]

بالنسبة للمتعاقدين
هل جالكم جواب من التوجيه بتاعكم يفيد بانكم تعاملو معاملة المدرس الدائم وتمضوا فى دفتر الحضور والانصراف ولكم حوافز وعلاوات وخلافه ومرضى
الجواب ده جالى امبارح
وده ان شاء الله اول خيط للتثبيت
نورتى المنتدى ياامة الله

[semary8]

كل يوم نسمع عن اشاعات جديدة
مرة كان الناظر بتاعنا فى اجتماع فى الادارة ولما جه قالنا ان المتعاقدين بعد مايدخلوا الامتحان وينجحوا هيعملولهم عقد مميز كل خمس سنين وهى المدة بين الامتحان والتانى
اما الاشاعة التانية كان الموجه بتاعنا لما جالنا بعد مالناظر ماقالنا الكلام ده قال لا ده هما عملوا اجتماع معانا وقالو فى تعيين وتثبيت
لينا
واحنا بصراحة تعبنا من كل الاشاعات
ومش عارفين راسنا من رجلينا
وارجوا من استاذنا صوت الحق الرد فى هذا الموضوع علشان نستريح

[(هند)]

السلام عليكم
اولا بالنسبه للنقل من ادارة لادارة يحق للمتعاقد النقل طالما فى نفس المحافظه ولها مواعيد للتقديم فى المديرية وبيمضى على امر النقل وكيل الوزارة المهم انك تسال فى المديرية دايما ومن الاخر شوف واسطه لان الامضاء بردة بتختلف حين التنفيذ يعنى ممكن يمضى امر النقل ولا ينفذ
ثانيا احنا بنمضى فى دفتر الحضور والانصراف من زمان حتى القبض بيتعمل الان فى نفس كشف الموظفين والحوافز والمرضى والاجازات كل ده مكتوب فى العقد على فكرة انا بتكلم على عقد معلم مساعد وكنت عقد مميز من 2005