الجمل يتبرأ عن عدم صرف الكادر ببعض المحافظات

[محمد عباس 011]

أكد الدكتور يسرى الجمل وزير التربية والتعليم، أن أزمة كادر المعلمين قاربت على الانتهاء بعد أن بدأت الكثير من المحافظات فى صرف الزيادات المالية التى اعتمدها يوم الاثنين الماضى الدكتور يوسف بطرس غالى وزير المالية، وضرب الدكتور يسرى الجمل مثلا بمحافظة الجيزة التى قامت بصرف أموال الكادر لمعلميها عن الـ3 أشهر الماضية منذ أيام قليلة، وأشار الوزير إلى أن شكوى بعض المعلمين من عدم صرف الكادر بالمحافظات لم يكن بسبب تقصير وزارته، وإنما بسبب تأخر المديريات فى إعداد كشوف الناجحين فى الامتحانات وعدم إرسال المدارس مندوبيها للإدارات التعليمية لاستلام الأموال المقررة لمدرسيها، مضيفا أن الوزارة قاربت من الانتهاء من إعلان نتيجة فحص أوراق المعلمين المتظلمين من نتائج امتحانات الكادر الماضية.

وأشار الوزير خلال افتتاحه مؤتمر "المبرمج الصغير" الرابع صباح اليوم، الخميس، إلى أن الوزارة قامت بتدريب 18 ألف طالب على مستوى الجمهورية على استخدام برامج الحاسب الآلى الحديثة عن طريق 4335 معلم حاسب آلى، موضحا مشروع "المبرمج الصغير"، يهدف إلى تعريف الطلاب كيفية تشغيل الكمبيوتر وطرق تشغيله وكيفية إعادة تركيب المكونات الداخلية للكمبيوتر.

ورغم أن الوزير كان قد أعلن فى وقت سابق عن منح 46 طالبا مكرمين فى الافتتاح أجهزة لاب توب ومكافآت مالية، إلا أنه اكتفى بمنحهم شهادات تقدير على أن يتم تأجيل صرف المكافآت فى بداية الأسبوع القادم.
http://www.youm7.com/News.asp?NewsID...=65&IssueID=47

[الاستاذ/توفيق عزت عبدالعزيز]

اخبارك دائما جديدة و مفيدة يا حاج محمد
يعنى افهم من كدة اننا فى الشرقية ان شاء الله وكيل الوزارة حا يقدر على الاداريين و نصرف ؟؟؟؟؟؟
اليوم الجمعة 6/3/2009

[أ/ محمد عبد العظيم]

شكرا على أخبارك يا استاذ محمد

[الأستاذة هدى]

طيب والوزير ما قالش الحل ايه؟؟؟؟؟ هنفضل مش كادرين كده كتير؟؟؟؟

[Mr.Hani]

يا اساتذة

اليس من يتبرأ منهم الوزير يعملون تحت رياسته ولا انا غلطان

لما همه غلط سايبهم ليه

مش المفروض يصحح الخطأ بدلا من أن يتبرأ منهم

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى

[Mr.Hani]

لا حول ولا قوة الا بالله

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى

[nrady69]

انا فى الجيزة
ادارة شمال ولم يتم الصرف الى اليوم :abdoog8:
6/3/2009

[الاستاذ/توفيق عزت عبدالعزيز]

المشاركة الأصلية كتبت بواسطة nrady69

انا فى الجيزة
ادارة شمال ولم يتم الصرف الى اليوم :abdoog8:
6/3/2009

يا استاذ
هذه هى تصريحات السيد الوزير
و كلامك ضدها تماما
و معنى هذا ان احدكما صادق و الآخر عبدالسلام
قلت ايه؟؟؟؟؟؟؟؟؟؟؟؟؟؟؟؟؟؟

أكد الدكتور يسرى الجمل وزير التربية والتعليم، أن أزمة كادر المعلمين قاربت على الانتهاء بعد أن بدأت الكثير من المحافظات فى صرف الزيادات المالية التى اعتمدها يوم الاثنين الماضى الدكتور يوسف بطرس غالى وزير المالية، وضرب الدكتور يسرى الجمل مثلا بمحافظة الجيزة التى قامت بصرف أموال الكادر لمعلميها عن الـ3 أشهر الماضية منذ أيام قليلة، وأشار الوزير إلى أن شكوى بعض المعلمين من عدم صرف الكادر بالمحافظات لم يكن بسبب تقصير وزارته، وإنما بسبب تأخر المديريات فى إعداد كشوف الناجحين فى الامتحانات وعدم إرسال المدارس مندوبيها للإدارات التعليمية لاستلام الأموال المقررة لمدرسيها، مضيفا أن الوزارة