رحلة فى اتوبيس العاصمة

[CoMMaNdo]

احمد اخويا نزل الباقى
فقولت اكتبهولكو انا هنا
بعد اذنك طبعا يا حازوما

الابن : يا ماما لما كنا راكبين الأتوبيس أنا و بابا النهارده قاللى أدى مكانى لواحده ست واقفة.
الأم: انت عملت الصح يا حبيبى.
الابن : لكن أنا كنت قاعد على حجر بابا.

المقعد الرابع

الزوجة:ياخى خش شوية وسع كدا مش عارفة اقعد وخد الشنط بتاعت العيال دى على حجرك
الزوج:ايه الافترى دا انت واخده الكنبة كلها ومش عاجبك وكمان عايزانى اخد الشنط مش كفاية عليها جوز العيال دول اوديهم فين
الزوجة:اعملك ايه انت السبب مش لو كنت سافرت الشغلانة دى مش كنت زمانك عملتهم وجبتلنا عربية ريحتنا من وجع القلب دا
الزوج:بقى عايزانى انا وانا حاصل على دكتوراة فى ادارة الاعمال اروح اشتغل بتاع محارة ليه عشان الفلوس لا ابدا دا مش من مبادئى
الزوجة:مبادىء ايه وادارة ايه هوا انت عارف تدير بيتك اللول عشان تقول ادارة ياعم روح كتك .....
الزوج :ايه روح ايه
الزوجة: روح ياشيخ سكتك سالكة
الزوج:كنت باحسب حاجة تانية
الابن:بابا الابلة النهاردة قالتلى انها عايزة تشوفك فى المدرسة بكرة
الزوج :كويس ياحبيبى اكيد هتهنينى على ابنى الهمام وتعرفنى انك شاطر
الابن : لا ياباب اصلى النهاردة كنت بالعب انا واصحابى فى الفصل وحدفت على واد طوبة فكسرت بيها الازاز ونزلت على دماغ استاذ فى الحوش وفتحتله دماغه
الزوج:الله يخرب بيوتكم مابيجيش من وراكوا غير المصايب انا كان ايه اللى خلانى اتجوز انا عارف كان عقلى فين
الزوجة:انت بتقول ايه بقى جوازك دا غلطة طب طلقنى
واحد من الماصورة:ايه ياجماعة صلوا على النبى مش كدا مال هدى نفسك يامدام ربنا مقالش كدا
الزوج:بقلك ايه اسكتى بقى بدل ما افرج عليكى الناس واخلى نهارك اسود
الزوجة: ماشى ياسى السيد لما نروح بس
الابنة:بابا انا فيه واحد صاحبى عايز يقابلك بكرة
الزوج: ليه ياحبيبتى خير
الابنة: هوا قالى انه عايز يشوفك ويتعرف عليك ويشرب معاك الشاى
الزوجة : وماله يابنتى يشرف
الزوج: وماله ايه ياست انتى مش تستنى اما نعرف دا عايز ايه
الابنة: ياه عليك بقى ياباب انت لازم تحرجنى بقى عايز يتجوز ياباب
الزوج: يتجوز مين امك
الابنة: ايه يابابا انت بتهرج هوا دا موضوع فيه تهريج باردو اكيد عايز يتجوزنى انا
الزوج:ايه انت بتقولى ايه يابت انتى دا انتى لسه فى 3 ابتدائى عرفتى الكلام دا منين
الابنة: يابابا الفضائيات خاربة الدنيا انت مش عايش فى الدنيا