طرق تحفه عشان تطلب بيها ايد حبوبتك

[منة محسن جنيدى]

سلامو عليك
بص ياعم الرومانسى اقدامك سكتين الاولى /
انك تعمل زى الافلام العربى بتاعت زمان وتروح انت والعائله بتاعتك وتعدو تتكلمو فى الجهاز والعفش ومين هيجيب المقشه ومين هيجيب الطشط
التانيه بقى/
انك تفاجئها قوللى ازاى بقه يا باشا انا عندى ليك 8 نصائح
1- فاجىء حبيبتك** يعنى تكونو بتتكلمو فى موضوع عادى جدا وتروح فاجئه تقوللها ( تتجوزينى) بصوت عالى اتحداكم لو عملتو كده والحبوبه بتاعتكو ماغماش عليها
2-اختارمكان جامد ** مثلا تقابلها فى مكان انتو بتحبوه او اول مكان انتو اتقابلتو فيه او فى مطعم جامد بس انصحك يا معلم المرا دى لازم تعمل مقدمات مش هوصيك باه عالكلام اللى هتقوله
3-امسك ايدها** امسك ايديها وحطها على قلبك وقللها انا نفسى نكون مع بعض ع طول تتجوزينى يا فلانه وصدقنى رد فعلها انها هتصرخ

4-اعملهالها مفاجئه**اتصل بيها وقابلها فى نادى او فى مطعم و كلم كل اصحابك واصحابها من غير ماهى تعرف انك مكلمهم واتجمعوا فى مكان واحد اول ما حبيبتك تيجى اكيد هتتخض لانها لقت كل اصحابكو وفجاه امسك ايدها الاتنين وقلها وانتو وسط اصحابكو تتجوزينى
5- اشبكها بدبله بسيطه** خد عود شجر او خيط او اى حاجه واربطه حوالين صباعها البنصر وبصصلها فى عنيها وابتسم هتلاقيها مش مصدقه نفسها وبتبص
6-هلل ** قابلها فى مكان عام فى مطعم عالنيل مثلا وانت وهى اعدين على الترابيزه كده وفجاه قوم انت من على كرسيك وزعقلهاااا وقول بصى بحبك وهتجوزك 00000 بحبك وهتجوزك وهتلاقى كل الناس اللى حواليك اتجاوبوا معاك وهيسقالفولكم:022yb 4:7

-اعمل يافطه فى الشارع** واكتبلها فيها تتجوزينى بس انت نقى حد من معارفك بيشتغل فى شركه دعايه واعلان وخليه يعمل اليافطه دى بالكمبيوتر هتبقى احلى بكتييييييييييييييييير بس بجد هيبقى موقف جاااااااااامد طحن
8 -متنساش الكاميرا** بكاميره موبايلك او بالكاميرا العاديه اتصوروا فلاش او فيديو بعد ماتصارحها على طول بجد بجد بجد اللحظات دى بتكون محفوره للابد وهتبقى صور مؤثره جدا جداجدا بعد الجواز وبعد ماتتجوزو حطو الصور دى عالتلاجه او فى اوضه النوم عشان اول ماتتخانقو:abdoog8: تبصو للصوره فتفتكروا الايام الحلوة وتتصالحو من تانى
اتمنى للجميع حيااااااااااه مليئه بالهدوء قبل وبعد الزواج ولو انى عارفه ان التانيه دى صعبه شويه<_<<_< بس اهه ربنا يبارك للجميع ويرزقكوم باطفال امامير كده
ردودكو بقى يا جماعه

[mr.osama]

هذا الموضوع أخت/ منه .. لا يخص قسم رابطة معلمي مصر .. أعتقد أنك قرأت كلمة رابطة فقط فأعتقدتي أن القسم يحتوي على موضوعات بها رابطة عن الزواج .. وشكراً لك على المشاركة
عموماً سيتم نقل موضوعك إلى القسم العام ..