طلبات الاعضاء ( لو متنفذتش هنمشى معاكو )

[أحمد بلما]

موضوع ممتاز
كان فينه من زمان
انا شايف ان مسالة اغلاق بعض الموضوعات ده شئ سئ للغاية
آخر موضوع واللي عمله اللورد وكان بيناقش بعض الخلافات بين ادارة المنتدي الاستاذ اشرف اغلقه بحجة ان في ناس هتهيص
اغلاق الموضوعات يمثل اهانة كبري لكل عضو في هذا المنتدي
احنا مش عبيد عشان يكون في موضوعات نشارك فيها وموضوعات تانية نتمنع من دخولها
برضه مسالة الانتخابات مهمة ولازم تشمل جميع العاملين بادارة الموقع من اول المدير لأصغر واحد
لازم برضه كل عضو قبل ما يمشي المنتدي يعرف سبب خروجه ويحاول قدر الامكان انه يعالجه
شكلنا ايه دلوقتي امام الزوار لما يخشوا يلاقوا خناقات وخلافات بين الاعضاء والاداريين المنتدي كده هيفقد شعبيته
برضه لازم يكون الهدف الرئيسييييييييييي من هذا المنتدي هو اثراء العملية التعليمية واللي منها اكتسب هذا المنتدي اسمه وسمعته
لو لاحظنا اقبال المشاركين علي مواضيع المنتدي هنجد ان اغلب المشاركات بتتركز علي القسم العام والاخبار اليومية و اجزاء المنتدي الفرعية
ايضا استراتيجية ادارة المنتدي محتاجة لعملية تغيير جذري ومش هقول ازاي دي مسئولية الادارة اللي وصلتنا لده
يجب ايضا دراسة مدي تاثير الموضوعات اللي بيعملها الاعضاء علي النواحي الفكرية والاجتماعية وخصوصا التعليمية قبل عرضها
لأن في موضوعات في غاية التفاهة والسطحية وللاسف بتلقي جانب كبير من الاقبال دون اي وعي
ضروري ايضا ان كل واحد في المنتدي من اول استاذ اشرف لأصغر واحد يعرف ايه اللي ليه وايه اللي عليه ويضع نصب عينيه الهدف الاساسي لهذا المنتدي وهو اثراء العملية التعليمية ومناقشة مشكلات التعليم ومحاولة علاجها بطريقة سليمة